მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"პუტინის ხელის ბიჭებს გურიაში არაფერი ესაქმებათ! ბოტები და ტროლები შემომისიეს, ვაჭრი თავს - ამოსდით. ვითომ მაშინებენ..." - ვინ არის ქალი, ვინც გურიაში პრორუსების რისხვად იქცა?
12:01 / 14-03-2022
"რუსოფილები მაგენი... ვაი, მაგათ პატრონს, უბედურს, თუ ჰგონიათ, რომ ოზურგეთში მოიკიდებენ ფეხს“, - ოზურგეთელი ქალბატონის ამ განცხადებამ, შეიძლება ითქვას, რომ მთელი ქართული ინტერნეტსივრცე მოიცვა. ვიდეო, რომელშიც ის ოზურგეთში პრორუსული და ძალადობრივი ორგანიზაციის გახსნას აპროტესტებდა, ვირუსულად გავრცელდა. როგორც გაირკვა გურული ქალბატონი სოფელ ლიხაურიდან, ისტორიის მასწავლებელი ირმა გორდელაძეა, თუმცა ის ამ აქციაზე მარტო არ ყოფილა. 12 მარტს, ოზურგეთში, ჭავჭავაძის ქუჩაზე, ზედ “ქართული ოცნების” ოფისის გვერდით, პრორუსული "ალტ-ინფოს“ ბაზაზე შექმნილი პარტიის ოფისი გაიხსნა, რაც ადგილობრივმა სამოქალაქო აქტივისტებმა გააპროტესტეს. მათი თქმით, ოზურგეთი არ დაუშვებს ქალაქში პრორუსული ძალების მხარდამჭერი ჯგუფის ფუნქციონირებას. ისინი აცხადებენ, რომ ოზურგეთში რუსული პროპაგანდის ადგილი არ არის, ე. წ. რუსეთუმეებს აქ დამკვიდრების საშუალებას არ მისცემენ და გაუშვებენ იქ, სადაც "რუსულ ხომალდების" ადგილია. სამოქალაქო აქტივისტებმა უფრო ფართომასშტაბიანი აქციაც დააანონსეს.
გთავაზობთ ინტერვიუს ქალბატონ ირმა გორდელაძესთან:
- ექვთიმე თაყაიშვილის სოფელ ლიხაურში ვცხოვრობ. 30 წელია ისტორიას და სამოქალაქო განათლებას ვასწავლი ორ სკოლაში, ასევე, გარემოს დაცვითი ორგანიზაცია "ეკოს" დამფუძნებელი ვარ. დღეს რაც გვჭირს ქვეყანაში, იმიტომ გვჭირს, რომ სამოქალაქო ცნობიერება და განათლებაა დაბალი. 9 აპრილის თაობა ვართ, ბევრი გვინახავს, გვიწვალია, გვიშრომია და ერთადერთი იმედი ჩვენი მომავალი თაობაა, მათ იმაზე უკეთ უნდა მოუარონ ქვეყანას, ვიდრე ჩვენ მოვუარეთ. ილიასი არ იყოს, ჭკუით მოსული მტრის უფრო გეშინოდეს, ვიდრე ხმლით მოსული მტრისაო. რუსულ აგენტურას ყველგან აქვს საცეცები და ძალიან მძიმეა, როდესაც რუსულ პროპაგანდას ეწევიან და ჩვენს გვერდით მდგომს, ჩვენს ახლობლებს, მეზობლებს, მოქალაქეებს ტვინს უბრუნებენ.
სიყვარულის და სიბრძნის ენით, მშვიდობიანი პროტესტით უნდა დავიცვათ ამისგან თავიც და ისინიც, რათა ეს პუტინის ხელის ბიჭები მოვიშოროთ ყველა ქალაქიდან და რეგიონიდან. ერთხელ და სამუდამოდ უნდა მივხვდეთ, რომ ერი უნდა გავერთიანდეთ სიყვარულით და შრომით იმიტომ, რომ გვენგრევა ქვეყანა, ეკონომიკა, სოფლები დაცარიელდა, ქვეყანაში მძიმე დემოგრაფიული ვითარებაა... უნდა ვიფიქროთ, იმ ბანაკში აღმოვჩნდეთ, სადაც უფრო მშვიდად ვიგრძნობთ თავს, სადაც არ წაგვართმევენ ტერიტორიებს, სადაც ჩვენს იდენტობას შევინარჩუნებთ.
არავინაა ტრადიციების შენარჩუნების წინააღმდეგი, მაგრამ ახლა, როდესაც რუსეთ-უკრაინის ომია, ეს 3 თვის პარტია "კონსერვატიული მოძრაობა“ ოფისების გამალებული გახსნითაა დაკავებული, მიდის რუსული აგიტაცია და პროპაგანდა. ისინი მას შემდეგ გააქტიურდნენ, რაც ევროკავშირში გაწევრიანებაზე განაცხადი გავაკეთეთ, რუსეთს არ უნდა ჩვენი დათმობა და პუტინის მიმდევრებმაც წამოყვეს თავი. ისინი მალულად მოქმედებენ, იყენებენ მრევლს და ეკლესიას, პატრიოტიზმსა და ტრადიციებს ამოფარებულები ქვეყნის საზიანოდ მოქმედებენ. მათი გაგებით, ევროპა ყოფილა მარტო პრაიდი და ესენი ყოფილან წმინდანები. ევროპა არის მოწესრიგებული სისტემები - ეკონომიკა, სამოქალაქო სამართალი, ინფრასტრუქტურა და სხვა დანარჩენი, არავინ არავის ახვევს თავს არაფერს. რუსეთს არ უნდა საქართველოს გაშვება და ყველანაირი ხერხით ცდილობს დავივიწყოთ ევროპა, დაანახოს მოსახლეობას, რომ ევროპა მარტო ცუდს ნერგავს, ჩვენ ყველაფერ კარგსო. როგორ შეიძლება, ნორმალურმა ადამიანმა ეს დაიჯეროს? ჯერ სიტყვა ლიბერალის და კონსერვატიულის მნიშვნელობა გაიგონ ამ უდღეურებმა. ეს ფაშისტები ყოვლად დაუნდობლად გვესხმიან თავს ადამიანებს, ვინც ნორმალურად ვაზროვნებთ, ტვინი არ გვაქვს არეული და არ ვართ მტერს მიყიდულები. როგორ შეიძლება ეს ფაშისტები სადმე რაიმე დოზით მოვიდნენ?! ეს წარმოუდგენელი იქნება, ვეცდებით, ისინი აქ არ გავაჭაჭანოთ. პუტინის ხელის ბიჭებს გურიაში არაფერი ესაქმებათ!
- გურიაში როგორია მოსახლეობის განწყობა, ჰყავთ "პროპუტინისტებს“ მიმდევრები?
- კი, ჰყავთ მომხრეებიც, მაგრამ მოწინააღმდეგე მეტია, ამიტომ უნდა გავძლიერდეთ და მათი მომხრეები გადმოვიყვანოთ ჩვენს ჭკუაზე, ესაა ჩვენი მისია. 12 მარტს მათ ერთი დღით იქირავეს შენობა, 20 წუთით მოვიდნენ, გახსნენ, აკურთხენ, დაკეტენ და წავიდნენ. შემთხვევით გავიგეთ ოფისს ხსნიანო და სანამ შევიკრიბეთ და მივედით, აღარავინ იყო, მარტო სკამები და მაგიდები დაგვხვდა. მერე იქვე გამოვთქვით პროტესტი და ორშაბათისთვის დიდი აქცია დავაანონსეთ.
დღეს იქნება დიდი აქცია ოზურგეთში, შანსი არაა მაგათი გაჭაჭანების, გამორიცხულია! ის ოზურგეთელი, ვინც მათ ფართს მიაქირავებს, იქნება მხილებული და მათი, ანუ რუსეთის მოკავშირედ გამოცხადებული. ჩვენი პოზიცია არის ასეთი - ვერ შევლენ ვერსად. რა თქმა უნდა, მშვიდობიანად და კანონის ფარგლებში ვიმოქმედებთ და არანაირი ძალადობით და დარღვევებით. აქციას აწყობს საზოგადოების ყველაზე სანდო, პატიოსანი და არატენდენციური ფენა - სამოქალაქო საზოგადოება. აქციაზე ნებისმიერი პარტიის წარმომადგენელი მოვა და დადგება როგორც ოზურგეთელი, როგორც გურული და საქართველოს მოქალაქე.
- საპროტესტო აქციაზე თქვით, რომ მათი ოფისი "ქართული ოცნების“ ოფისის გვერდით გაიხსნა, როგორ ფიქრობთ, ისინი იყვნენ ინფორმირებულნი?
- როგორ არ იყვნენ. წარმოიდგინეთ, აღმოჩნდა, რომ მათი ნაქირავები ფართი ოზურგეთის მერიას ეკუთვნის. მათ თავიდანვე იცოდნენ, რომ მოსახლეობის მხრიდან მწვავე რეაქცია იქნებოდა და შემოიპარნენ ვირთხებივით, ვითომ გახსნენ, დაკეტენ და წევიდნენ. ამფერი ხალხია მაგენი. ვინ, რომელი ოზურგეთელი გაბედავს აშკარად მათ მხარეზე დადგომას? ჩვენ ამიტომ ვაკეთებთ ამ აქციას, რომ არც ერთი ოზურგეთელი არ გაჭაჭანდეს მაგათ გვერდზე.
- გურიის სხვა რაიონულ ცენტრებში რა ხდება?
- ჩოხატაურშიც დიდი პროტესტი იყო. ჯერ ოზურგეთს მივხედავთ და მერე ლანჩხუთსაც. დღეს პარალელურად აჭარაშიც დაანონსებულია აქცია. ასე რომ, მაგალითი გადამდებია და უნდა ავმოძრავდეთ. ამათ ხელში ყველანაირ საშიშროებას ვხედავთ. ამ რუსოფილებს რომ საცეცები აქვთ და ხალხს ტვინს ურევენ, ეს ტვინარეული ხალხი უნდა დავიბრუნოთ, ესენი ჩვენი მოქალაქეები არიან და ხომ ვერ გავრიყავთ? მაქსიმალურად უნდა შევეცადოთ, ისინი სააქაოს მოვაბრუნოთ და დავუმტკიცოთ, რომ ისინი არიან აყოლილნი რუსულ პროპაგანდას, რომელიც ქვეყნის დახლეჩას, დაკნინებას და დანგრევას ემსახურება.
- სავარაუდოდ, ოპონენტები რეაგირების გარეშე არ დატოვებდნენ თქვენს აქტიურობას...
- ორი დღეა ბოტები და ტროლები შემომისიეს, ვაჭრი თავს - ამოსდით. მივადექი და ვბლოკავდი ყველას. მათთან პოლემიკაში ხომ არ შევალ, მეტი საქმე არ მაქვს! თავისი მოკლე ჭკუით, ვითომ მაშინებენ, მაგენის დაბულინგებული არ გეიშვას არსად. ამდენი ხანია ისეთ სარისკო საქმეებს ვაპროტესტებ, არაფრის მეშინია, ღმერთი მფარველობს ყველა საქმეში მიტომ, რომ არასამართლიანს არაფერს ვაკეთებ. სხვათა შორის, ამის შემდეგ იმხელა პოზიტივი წამოვიდა, ვიდეოს იმდენი მეგობრობის შემოთავაზება და პირადში შეხმიანება მოჰყვა, გული გამითბა და იმედი მომეცა. თურმე არ წავქცეულვართ და არ გადავშენებულვართ.
იხილეთ ასევე:
00:00 / 00:00
მკითხველის კომენტარები /
76 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეხლა გავიგე ,რას ნიშნავს სიტყვა - აბდალი
თქვენ ვისი ხელის ქალები ხართ