დაპირისპირება ჟურნალისტებსა და მათზე ძალადობაში ბრალდებულების მხარდამჭერებს შორის - რა მოხდა საქალაქო სასამართლოს ეზოში
თბილისის საქალაქო სასამართლოს ეზოში, ჟურნალისტებსა და 5 ივლისს ჟურნალისტებზე განხორციებულ ძალადობაში ბრალდებულების მხარდამჭერებს შორის დაპირისპირება მოხდა.
საქალაქო სასამართლოში შეკრებილი მხარდამჭერები თავდაპირველად ტელეკომპანია „ფორმულას“ ჟურნალისტ რატი წვერავას დაუპირისპირდნენ, რის შემდეგაც დაპირისპირება სხვა ჟურნალისტებთან და ოპერატორებთან გაგრძელდა, ადგილზე სამანდატურო სამსახურის და საპატრულო პოლიციის გამოძახება გახდა საჭირო.
"როდესაც რატი წვერავა გადიოდა, ოპერატორები ვიღებდით მის გამოსვლას. შემოვბრუნდით უკან, რა დროსაც დაგვხვდა აგრესიული ჯგუფი, მათგან ერთ-ერთი ჩემს ჟურნალისტთან მივიდა და პროვოკაციულ კითხვებს უსვამდა. მომვარდნენ, მეძახეს ფულის მონა და შეურაცხმყოფელი სიტყვები, რაზეც ვერ მოვითმინე და იმავეთი ვუპასუხე, რის შემდეგაც დაიწყო გაწევ-გამოწევა. საპატრულო პოლიცია გამოიძახა მანდატურის სამსახურმა, რომლებმაც დაგვკითხეს და მიიღეს ინფორმაცია თუ რა მოხდა”, - აღნიშნა "რუსთავი 2”-ის ოპერატორმა არჩილ ჭიჭიბოშვილმა.