18
მაისიდღის ზოგადი ასტროლოგიური პროგნოზი
21-ე საუკუნე და ციფრული ეპოქა მსოფლიოს ახალ გამოწვევებს სთავაზობს. კიბერ ომები აქამდე თუ ფილმებში გვქონდა ნანახი, ახლა ის უკვე რეალობად და ყოველდღიურობად იქცა. ჰაკერული თავდასხმები სხვადასხვა სახელმწიფოს სამთავრობო უწყებებზე, თუ ბიზნეს სექტორზე მსოფლიოსთვის ბოლო წლებია უცხო არ არის, თუმცა რუსეთ-უკრაინის ომის დროს კიბერშეტევებმა სულ სხვა მასშტაბი შეიძინა.
ჰაკერთა მოძრაობა Anonymous-მა ღიად გამოუცხადა ომი რუსეთის მთავრობას - მათი ძალა უკვე გამოსცადეს აგრესორი ქვეყნის სახელმწიფო უწყებებმა. ანონიმმა ჰაკერებმა პასუხისმგებლობა აიღეს რამდენიმე კიბერდანაშაულზე, რუსული სახელმწიფო ვებგვერდების, მათ შორის, კრემლისა და რუსეთის თავდაცვის სამინისტროს ოფიციალური საიტების გათიშვაზე. მათ ასევე გატეხეს თავდაცვის სამინისტროს მონაცემთა ბაზა, ხოლო რუსულ სახელმწიფო ტელეარხებსა, თუ საინფორმაციო სააგენტოების ვებგვერდებზე უკრაინის ჰიმნი, სხვა უკრაინული პატრიოტული სიმღერები და რუსეთის უკრაინაში შეჭრის ამსახველი კადრები გაუშვეს.
JUST IN: #Russian state TV channels have been hacked by #Anonymous to broadcast the truth about what happens in #Ukraine. #OpRussia #OpKremlin #FckPutin #StandWithUkriane pic.twitter.com/vBq8pQnjPc
— Anonymous TV 🇺🇦 (@YourAnonTV) February 26, 2022
ანონიმი ჰაკერები იუმორითაც გამოირჩევიან. ისინი სოციალურ ქსელში თავიანთ მიმდევრებს ეკითხებიან, თუ რომელი რუსული უწყება ამოიღონ მიზანში, ასევე თავიანთ სამიზნეებს პოსტზე ნიშნავენ და უწერენ, რომ "თამაშისთვის მოემზადონ."
მნიშვნელობა არ აქვს, მოგწონთ მათი "რობინ ჰუდის" სტილი, იდეოლოგია, თუ მათ ქმედებას უგუნურებად მიიჩნევთ, უდავოა, რომ Anonymous-ი ბოლო წლებში ანგარიშგასაწევ ძალად იქცა.
პოლიტიკოსების ელექტრონული ფოსტის გატეხვიდან დაწყებული, სამთავრობო ვებგვერდების განადგურებით დამთავრებული - ისინი არ ერიდებიან ჰაკერულ შეტევებს და თითქოს ბოროტებისა და სიკეთის გასაყარზე დგანან.
- რას წარმოადგენს Anonymous-ი?
Anonymous-ი - ეს არ არის ორგანიზაცია, ეს არის აქტივისტ ჰაკერთა მოძრაობა, რომელსაც "ჰაქტივისტებსაც" უწოდებენ. მიიჩნევა, რომ ისინი 2003 წელს გამოჩდნენ. თავდაპირველად შეიქმნა ვებგვერდი 4chan, ერთგვარი სივრცე, სადაც სადისკუსიო ციფრულ დაფაზე ადამიანები წერდნენ, თუ რა აწუხებდათ, რა არ მოსწონდათ, მაგალითად, საუბრობდნენ თავიანთ ქვეყნებში არსებულ პოლიტიკურ ვითარებაზე და წერდნენ, რომ სურდათ სამართლიანობა.
- სადისკუსიო დაფაზე მომხმარებლები ძირითადად იყენებდნენ სახელს - "ანონიმური." მალე კი ჩამოყალიბდა ამგვარად მოაზროვნე ადამიანთა სუბკულტურა - ადამიანებისა, რომლებსაც აქვთ სხვადასხვა საკითხზე სამართლიანობის აღდგენის სურვილი და ზოგადად, სამართლიანობის ძლიერი განცდა.
მოძრაობა სიმბოლიზებულია ლოგოთი და ნიღბით, რომელიც ერთგვარად უსახო ადამიანია. ისინი არ მიჰყვებიან არანაირ ლეგიტიმურ წესებს. "ანონიმუსის" ჰაკერები მსოფლიოს სხვადასხვა კუთხეში არიან. ისინი არ წარმოადგენენ რომელიმე კონკრეტულ ქვეყანას. ყოველ შემთხვევაში, ამ დროისთვის არ არსებობს რაიმე გაცხადებული მტკიცებულება იმისა, თუ რომელი ქვეყნის მიერ შეიძლება იყონ მართულნი ისინი (მიიჩნევა, რომ მათ არავინ მართავს). ასევე, მათ არ ჰყავთ ლიდერი. როგორც სახელიდანაც ჩანს, ანონიმური ჰაკერების ვინაობა ზუსტად არავინ იცის და ეს საკითხი მკაცრად კონფიდენციალურია.
Anonymous-ის სამიზნე წარსულში იყო ამერიკის შეერთებული შტატების დაზვერვის სამსახური CIA, ისლამური სახელმწიფო და ა.შ..
კოორდინირებულ კიბერშეტევებს სხვადასხვა სამიზნეების მიმართ თავდაპირველად გართობის სახე ჰქონდა. ნელ-ნელა ჰაკერთა ჯგუფმა თავიანთ საქმიანობაში ერთგვარი იმპულსი, მუხტი იპოვა. 2008 წელს მათ წამოიწყეს საპროტესტო ჰაკერული სერიები, რომელიც "ისლამური სახელმწიფოს" წინააღმდეგ იყო მიმართული.
დროთა განმავლობაში Anonymous-ი იზრდებოდა და მათი სამიზნეებიც უფრო სოლიდური კომპანიები, თუ სახელმწიფო უწყებები ხდებოდნენ. ჰაკერებმა შეტევა მიიტანეს PayPal-ზე MasterCard-ზე, Visa-ზე, Son-ზე, ისევე როგორც სახელმწიფო უწყებებზე ამერიკის შეერთებულ შტატებში, ტუნისში, უგანდაში და ახლა უკვე რუსეთში.
ჯგუფის კოორდინირებულ შეტევებში მონაწილეობისთვის სხვადასხვა დროს ათობით ადამიანი დააკავეს აშშ-ში, დიდ ბრიტანეთში, ავსტრალიაში, ნიდერლანდების სამეფოში, ესპანეთში, ინდოეთსა და თურქეთში.
2012 წელს გამოცემა Time-მა "ანონიმუსი" წლის 100 ყველაზე გავლენიან ადამიანთა სიაში შეიყვანა.
- რატომ გახდა ანონიმ ჰაკერთა სიმბოლო ნიღაბი და რა დატვირთვა აქვს მას?
V for Vendeta 1980-იანი წლებში ალან მურისა და დევიდ ლოიდის მიერ შექმნილი კომიქსების სერიაა, სადაც მთავარი გმირი, ნიღბიანი მეამბოხეა. ანონიმი ჰაკერებისთვის შთამაგონებელი სწორედ ეს კომიქსები და მასში გამოყენებული ნიღაბი გახდა.
როდესაც დევიდ ლოიდი V for Vendeta-ზე მუშაობდა, მისთვის ინსპირაციის წყარო ცნობილი ინგლისელი მეამბოხე გაი ფოქსი იყო, რომელიც 1605 წელს მთავარი პირი იყო მეფე ჯეიმს პირველის წინააღმდეგ მოწყობილ ამბოხებაში. 2005 წელს კომიქსების ადაპტაცია გადაიღეს, სადაც მთავარ როლს ნატალი პორტმანი ასრულებს.. 2008 წელს "ანონიმუსი" პირველად გამოჩნდა საჯაროდ და თავის სახედ V for Vendeta-ს მსგავსი ნიღაბი აირჩია.
მალე მათი პოპულარობა გაიზარდა და ახლა ეს ნიღაბი მეამბოხეთა პროტესტის მთავარ სიმბოლოდ იქცა. მსგავსი ნიღბები ამაზონზე 5 დოლარად იყიდება.
საინტერესოა, რომ Anonymous-ის წევრი შეიძლება გახდეს ნებისმიერი ადამიანი, ვისაც ამის სურვილი აქვს, თუმცა მათთან კავშირზე გასასვლელად ზოგჯერ რამდენიმე წელია საჭირო. "ობზერვერის" ბრიტანელი ჟურნალისტი ქეროლ ქედვოლარი 2012 წელს მათი სისტემის სტილს ალ-ქაიდას ადარებდა, თუმცა დღეს "მოძრაობას" უწოდებს.
ისინი უმეტესად იყენებენ ისეთ ჰეშთეგებს როგორებიცაა, "ჩვენ ანონიმუსი ვართ", "ჩვენ ლეგიონი ვართ", "ჩვენ არ ვივიწყებთ", "ჩვენ არ ვპატიობთ."
ქართველები მაგრები ვართ და იქნებ ვნახოთ ვინმე და არა მარტო რუსეთს, მთელ მსოფლიოს დავაჩოქებთ.
თუ მაგრები არიან გამოაქვეყნონ რაც იბლატავეს, რუსეთის აგენტები