შონ პენის მხარდაჭერა უკრაინას - ამერიკელი მსახიობი კიევში, მოვლენების ეპიცენტშია: "აპირებს, გადაიღოს ყველაფერი და მსოფლიოს აჩვენოს სიმართლე, რუსეთის შემოჭრის შესახებ"
ჰოლივუდის ვარსკვლავი, ამერიკელი მსახიობი და რეჟისორი, შონ პენი უკრაინისთვის ყველაზე რთულ დროს, ქვეყნის დედაქალაქში, კიევში იმყოფება..ის აპირებს, რომ დოკუმენტური ფილმისთვის უკრაინაში განვითარებული მოვლენები პირადად გადაიღოს და აღწეროს.
მედიაში გავრცელდა ფოტოები, სადაც ჩანს შონ პენი, რომელიც მთავრობის ადმინისტრაციაში გამართულ პრესკონფერენციას ესწრება.
შონ პენი უკრაინაში დაძაბული ვითარების შესახებ დოკუმენტურ ფილმს უკვე თვეებია იღებს. ის კიევში მიმდინარე კვირის დასაწყისში დაბრუნდა, მანამდე ვიდრე რუსეთის ჯარი უკრაინაში შეიჭრებოდა და მედიის ცნობით, არ აპირებს ქვეყნის დატოვებას.
უკრაინის პრეზიდენტის ადმინისტრაცია სოციალურ ქსელში აღნიშნულთან დაკავშირებით პოსტსაც აქვეყნებს, სადაც ნათქვამია, რომ ისინი მადლიერნი არიან შონ პენის იქ ყოფნის გამო და პატივს სცემენ მას, როგორც გაბედულ ადამიანს.
"ამერიკელი მსახიობი და კინორეჟისორი შონ პენი უკრაინაში სპეციალურად იმისთვის ჩამოვიდა, რათა გადაეღო ყველა ის მოვლენა, რაც ამჟამად ხდება ქვეყანაში და მსოფლიოსთვის ეთქვა სიმართლე ჩვენს ქვეყანაში რუსეთის შემოჭრის შესახებ.
შონ პენი არის მათ შორის, ვინ უკრაინას უჭერს მხარს. ჩვენი ქვეყანა მადლიერია მისი ასეთი სიმამაცისა და პატიოსნების გამოვლენისთვის", - ნათქვამია გამოქვეყნებულ ინფორმაციაში.