"ანკარამ რუსეთისა და ბელარუსის წყაროებიდან მიიღო ინფორმაცია, რომ უკრაინაში შეჭრა არ იგეგმება" - მევლუთ ჩავუშოღლუ

"რუსეთიდან და ბელარუსიდან წყაროებმა ანკარა დაარწმუნეს, რომ უკრაინაში შეჭრა არ იგეგმება", - ამის შესახევ CNN Turk-ს თურქეთის საგარეო საქმეთა მინისტრმა მევლუთ ჩავუშოღლუმ განუცხადა.

თურქეთის საგარეო საქმეთა მინისტრის თქმით, რუსეთის შეჭრის მცდელობა არასწორი იქნება.

"დასავლური მედია ადრე იტყობინებოდა, რომ რუსეთი შესაძლოა, ნებისმიერ მომენტში შეიჭრას. აშშ-ი ამბობს, რომ შეიძლება მალე დაიწყოს ფართომასშტაბიანი ომი. რუსულმა და ბელარუსულმა წყაროებმა, რომლებთანაც ჩვენ ვისაუბრეთ, უარყვეს ეს.

ჩვენ უნდა გავამახვილოთ ყურადღება დაძაბულობის განმუხტვაზე. რუსეთი ნატო საუბრობენ [უსაფრთხოების გარანტიებზე]. არაგონივრული იქნება იმის მოლოდინი, რომ ყველა ეს საკითხი გადაწყდება ერთი-ორი წერილით და არასწორი იქნებოდა რუსეთის მიერ ამგვარი შეჭრის მცდელობა, სანამ პროცესი გრძელდება", - განაცხადა მან.