მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რაზე მღერის მილიონერ კობა ნაყოფიას ქალიშვილი ახალ მუსიკალურ კლიპში - "ბიჭი იწვა ლოგინში, არ აწუხებდა ნამუსი"
12:14 / 31-01-2022
მილიონერი დეპუტატის, "ნაციონალური მოძრაობის" პოლიტსაბჭოს თავმჯდომარის, კობა ნაყოფიას ქალიშვილმა ახალი კლიპი გადაიღო. სიმღერას "ცისფერი აბი“ ჰქვია და მუსიკისა და ტექსტის ავტორი თავად გახლავთ. "ბიჭი იწვა ლოგინში, არ აწუხებდა ნამუსი, მოდი, ისტორიის წიგნი გადავშალოთ, კარმა მურტალი რამეა... მე უფრო მეტი შანსი მქონდა, იმ გოგოსთან ყველაფერი მქონოდა...“ - მღერის ნატალია ნაყოფია.
ვიდეოს "იუთუბზე" ამ დროისთვის 30 ათასამდე ნახვა აქვს და დებიუტანტს კომენტარებში სითამამესა და ნიჭს უქებენ. ნატალიამ ბერკლის მუსიკალური კოლეჯი დაამთავრა და მას მუსიკალურ წრეებში კარგად იცნობენ. ახალგაზრდა ქალი ბავშვობიდან მღერის, უკრავს ფორტეპიანოზე და სიმღერებისთვის მუსიკას და ტექსტებს წერს. ერთ-ერთ ინტერვიუში ამბობს, რომ მამას ძალიან უყვარდა ჯაზი და თვითონაც ბავშვობიდან უსმენდა, მაგრამ მისთვის არენბის, სოულის და ნიუსოულის შესრულება უფრო საინტერესოა.
ნატალიას წლებია, რაც საკუთარი ბენდი ჰყავს, ბერკლის დამთავრების შემდეგ გარკვეული პერიოდი "რუსთავი 2“-ზე ერთ-ერთ მუსიკალურ პროექტში მომღერლებს სცენაზე დგომასა და სიმღერაში ეხმარებოდა. ეს მაშინ, როდესაც ტელევიზია ჯერ კიდევ ნაყოფიების მფლობელობაში იყო. ახლა კი "მთავარ არხზე“ სტუმრის სტატუსით დადის და სხვადასხვა გადაცემებში ხშირად მღერის.
ერთ-ერთი ბოლო სტუმრობისას, ჰყვებოდა, რომ 17 წლის ასაკში ამერიკაში გაფრინდა და სწორედ ამ დროს დაიწყო მისი ცხოვრების ახალი ეტაპი. ოჯახთან დამშვიდობება მარტივი არ ყოფილა. ჰქონდა კულტურული შოკიც, როდესაც უცხო ქვეყანაში სხვადასხვა მენტალიტეტის მქონე ადამიანებთან მოუწია ურთიერთობა. ამბობს, რომ მთავარია შრომა და დაბრკოლებებს კარიერის განვითარებაზე ზრუნვაში ხელი არ შეუშლია. მართალია წლებია სიმღერებს წერს, მაგრამ მხოლოდ რამდენიმე თვის წინ გადაწყვიტა, რომ ფართო საზოგადოებისთვის წარედგინა ეს სიმღერები და ალბომზეც დაიწყო მუშაობა.
ნატალია ნაყოფია 1996 წელს დაიბადა. გოგონა ელგა სოფიასა და კობა ნაყოფიას მეორე საერთო შვილია. მის ძმას ნიკოლოზ ნაყოფიას საზოგადოება კარგად იცნობს. ის ორჯერ იყო დაქორწინებული, მისი პირველი მეუღლე "მის საქართველო“ ხათუნა სხირტლაძე გახლდათ, რომელთან ერთი საერთო შვილი ნიკოლოზ ჯუნიორი ჰყავს, მეორე ქორწინებიდან მოდელ ნანუკა გოგიჩაიშვილთან კი შვილი რამდენიმე თვის წინ შტატებში შეეძინა.
ნატალია მილიონერი მამის ოფიციალურ დეკლარაციაში აღარ იძებნება მას შემდეგ, რაც სრულწლოვანი გახდა.
2016 წლიდან კობა ნაყოფიას მეორე ოჯახი ჰყავს. მისი ქორწინება ელგა სოფიასთან დასრულდა და მილიონერის ახალი რჩეული 20 წლით უმცროსი გვანცა ბიწკინაშვილი გახლავთ. კობა ნაყოფია და გვანცა ბიწკინაშვილი ოფიციალურ ქორწინებაში ჯერჯერობით არ არიან. 2021 წელს შევსებულ დეკლარაციაში პარლამენტარს ოჯახის წევრებიდან მხოლოდ მესამე შვილი, გიორგი ვასილი ნაყოფია ჰყავს მითითებული, რომელიც 2017 წელს გვანცასგან შეეძინა. ქალი არასამთავრობო ორგანიზაცია UNDP-ს გუნდში ადმინისტრაციისა და ფინანსების ასისტენტად მუშაობს. ამბობენ, რომ ნაყოფიას მეორე მეუღლე ნატალიას მეგობარი იყო. თუმცა ასევე ვრცელდებოდა ჭორი, რომ რეალურად გვანცა, შვილის კი არა, ყოფილი რძლის, ხათუნა სხირტლაძის მეგობარი გახლდათ.
ნაყოფიების პოპულარულ ოჯახს ამჯერად მუსიკალური კარიერით ნატალიაც შეემატა. ქალი სხვა მილიონერების შვილებისგან განსხვავებით სოციალურ ქსელში ნაკლებად აქტიურობს და ამიტომ მისი გატაცებების შესახებ ცოტა რამ არის ცნობილი.
00:00 / 00:00
მკითხველის კომენტარები /
125 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მამაზე მღერის ალბათ არ აწუხებდა ნამუსიო :)
მძიმე შემთხვევაა!!!! ნაყოფიას კლიპის დაფინანსების მაგივრად შვილის ჯანმრთელობისთვის მიეხედა არ იქნებოდა ურიგო!!!