17
მაისიდღის ზოგადი ასტროლოგიური პროგნოზი
მეტროში პოლიციელის მიერ ნაცემი შშმ პირის მამა აცხადებს, რომ მის შვილს დაზიანებები თვალის არეში აქვს. როგორც ის აღნიშნავს, მისი შვილი ახლა სამხარაულის ექსპერტიზის ეროვნულ ბიუროშია გადაყვანილი, რათა მისთვის მიყენებული დაზიანებები შეფასდეს.
"ჩემი შვილი მეგობრებთან ერთად ჩადიოდა "ისნის" მეტროში, პოლიცია რომ მიუახლოვდა, მისი მეგობრები გაიქცნენ, ამას ხელი გადაუგრიხეს და განყოფილებაში გადაიყვანეს, იქაც ცემდნენ. ბავშვი სახლში ღამე, 12:00 საათზე მოვიდა, ვნახე, რომ ნაცემი იყო და თვალი დასიებული, დალურჯებული ჰქონდა. დღეს პოლიციამ ექსპერტიზაზე წაიყვანა, დანარჩენი ვნახოთ, როგორ იქნება.
ამბობს, მეტროში ჩავედით, ტელეფონით ვიდეოებს ვიღებდით, არაფერი დაგვიშავებია, არაფერს ვამტვრევდითო. არაფრის გამო დამიჭირა პოლიციამ, მეგობრები გაიქცნენ, მე შემიყვანეს და მცემესო.
სკოლაში არ დადის, მისი მეგობარი "ვაგზალზე“ ქირით ცხოვრობს და მასთან ცხოვრობს, სახლში კვირაში ორჯერ მოდიოდა, ეს ამბავი რომ მოხდა, სახლში მოვიდა",- აცხადებს არასრულწლოვნის მამა.
ცნობისთვის, მეტროში შშმ პირზე ძალადობის საქმეზე ორი პოლიციელი, ნუკრი ბაქრაძე და კახა ბაკაშვილი დააკავეს.
ნუკრი ბაქრაძეს სისხლის სამართლის კოდექსის 1443 მუხლის მეორე ნაწილის "ა“",ბ“, და "ზ“ ქვეპუნქტებით გათვალისწინებული დანაშაულის ჩადენას ედავებიან, რაც გულისხმობს დამამცირებელ და არაადამიანურ მოპყრობას ჩადენილს მოხელის მიერ, სამსახურებრივი მდგომარეობის გამოყენებით, დამნაშავისათვის წინასწარი შეცნობით არასრულწლოვნისა და სხვაგვარად თავისუფლებაშეზღუდული პირის მიმართ; ხოლო, ფაქტის შემსწრე საპატრულო პოლიციის დეპარტამენტის მეორე თანამშრომელს - კახა ბაკაშვილს სისხლის სამართლის კოდექსის 332-ე მუხლის პირველი ნაწილით გათვალისწინებული დანაშაულის ჩადენას ედავებიან, რაც გულისხმობს სამსახურებრივი უფლებამოსილების ბოროტად გამოყენებას.
პროვოკაციის სუნი უდის ამ საქმეს.ამ ბავშვებს ალბათ რაღაც დაალევინეს ან მოაწევინეს და ეს ჩაადენინეს. რატომ იყო იქ არასამთავრობოს წარმომადგენელი ან ტვ–1–ის ჯურნალისტი? ეს ფაქტი კარგ გამოძიებას საჭიროებს, თორემ კიდევ მივიღებთ მსგავს შემთხვევებს.
ასეთ არასრულწლოვანებს და უფრო ნორმალურებსაც დღეს ეს ვითომ ოპოზიციონერები ბოროტად იყენებენ, მათ სკვერებში დაამტვრევინეს სკამები, განათებები და ა.შ. ეს უკვე აღარავის უკვირს.მაგრამ, კანონი უნდა ამოქმედდეს ასეთებისთვის, თუ არასრულწლოვანის დანაშაულისთვის თუნდაც დააჯარიმებენ მშობელს, ეს შედეგს გამოიღებს, მშობლებიც უფრო ყურადღებით იქნებიან,ფულის სანაცვლოდ მათ შვილებს სხვებიც ვერ გამოიყენებენ, ბავშვებიც უფრო ნორმალურად აღიზრდებიან. სხვა შემთხვევაში, გადაჯიშება გვიწერია, კრიმინალებად გაიზრდებიან ბავშვების საკმაო ნაწილი.