მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რას აცხადებს ბათუმისა და ლაზეთის ეპარქია დეკანოზზე, რომელმაც მრევლის წევრი ქალი "ნაციონალური მოძრაობის" მხარდაჭერის გამო არ აზიარა?
15:47 / 24-01-2022
22 იანვარს ტელეკომპანია "ტვ პირველის“ მიერ გავრცელებულ სიუჟეტში, სოციალურად დაუცველი ქალი რუსუდან თავართქილაძე ყვებოდა, რომ პოლიტიკური კუთვნილების გამო ზიარებაზე უარი უთხრეს.
მისი თქმით, შემთხვევა ხელვაჩაურში, წმინდა პანტელეიმონ მკურნალის ტაძარში მოხდა, სადაც დეკანოზმა ლუკა მიქაბერიძემ საშობაო ლიტურგიაზე სოციალურად დაუცველ ქალს წმინდა ზიარებასთან მიახლებაზე უარი უთხრა და მიზეზად "სააკაშვილის სექტის მომხრეობა" დაასახელა.
რუსუდან თავართქილაძემ ტელევიზიასთან განაცხადა, რომ მღვდელმა ტაძარში თქვა, რომ "ნაციონალური მოძრაობის" მომხრეებს არ აზიარებდა.
"გულში მივლიდა - ნეტავ, რა დავაშავე, რა გავაკეთე ცუდი - მეთქი. ვიდრე პასუხს გამცემდა, რამ არ გამიარა გულში. შენ სექტის მომხრე ხარო, ვერ გავერკვიე, სექტა რაღაც ცუდი რომ იყო, ვიცოდი, მაგრამ პირადად სექტა რა იყო, ვერ მოვიაზრე. ეგ რა არის, მამაო-მეთქი, ვკითხე და სააკაშვილის მომხრე ხარო", - ამბობს ქალი.
მომხდარზე ბათუმისა და ლაზეთის ეპარქიამ სოციალურ ქსელში განცხადება გაავრცელა, რომელშიც ვკითხულობთ, რომ დეკანოზ ლუკას მღვდელმთავრისაგან მიეცა მკაცრი გაფრთხილება...
"ბათუმისა და ლაზეთის ეპარქიის განცხადება
22 იანვარს, სამაუწყებლო ტელეკომპანია "ტვ პირველის“ ეთერში გავიდა სიუჟეტი ხელვაჩაურის წმინდა პანტელეიმონ მკურნალის ტაძრის დეკანოზ ლუკა მიქაბერიძეს და ამავე ტაძრის მრევლის რუსუდან თავართქილაძეს შორის მომხდარი ინცინდენტის შესახებ, რომ მოძღვარმა ეს უკანასკნელი არ აზიარა ენმ-ის მხარდაჭერის გამო და მიზეზად "მ. სააკაშვილის სექტის“ მომხრეობა დაასახელა.
ეპარქია დაინტერესდა არსებული ვითარებით, რაც დეკანოზმა ლუკამ ნაწილობრივ დაადასტურა (ეს გასული სიუჟეტიდანაც ჩანს).
დეკანოზ ლუკას მღვდელმთავრისაგან მიეცა მკაცრი გაფრთხილება, თუმცა აღნიშვნის ღირსია ქალბატონი რუსუდანისა და მისი მეუღლის მხრიდან აგრესიული და პროვოკაციული გამოსვლები, რასაც ადასტურებენ სამრევლოს სხვა წარმომადგენლები.
ქალბატონი რუსუდანის მეუღლის მხრიდან განხორციელდა ზარი სამღვდელმთავრო რეზიდენციაში მუქარით, რომ თუკი მათი მოთხოვნა არ დაკმაყოფილდებოდა, ისინი რევოლუციას მოაწყობდნენ ეკლესიაში.
მიუხედავად ამისა, ასეთი დამოკიდებულება გარკვეული სასულიერო პირების მხრიდან ყოვლად დაუშვებელია, რადგან ქვეყანაში არსებულ პოლიტიკურ და პოლარიზებულ მდგომარეობას და მის დამშვიდებას ეს ხელს არ შეუწყობს.
ეკლესიაში ყოვლად დაუშვებელია პოლიტიკური ნიშნით დაყოფა და საღმრთო ზიარებაზე არ დაშვება, აგრეთვე ამა თუ იმ პოლიტიკური პარტიის მხარდამჭერი მოწოდებები, რომელი პარტიისაც არ უნდა იყოს ის.
მივმართავ ეპარქიის სამღვდელო დასს, ყველა ღონე ვიხმაროთ ქვეყნისა და ამ ქვეყნის მკვიდრთა ერთიანობისთვის, რადგან ღმერთი აერთიანებს, ეშმაკი კი ჰყოფს.
23 იანვარი. 2022 წ".
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ანუ მამაოს დაემუქრა, თუ არ აზიარებთ ჩემს ცოლს, რევოლუციას მოვაწყობო???? ერთმა უკვე სცადა რევოლუციის მოწყობა მრავალი ათასი წლის წინ უფლის წინააღმდეგ და დღესაც ებრძვის!!! ნუ მიეცემით ბოროტის სურვილებს!!! გვფარავდეს უფლისა და ყოვლადწმინდა ღვთისმშობლის მადლი სრულიად საქართველოს!!!
ეს ქალბატონი მართლმადიდებელია თუ ნაცმადიდებელი (ეს ორი რამ შეუთავსებელია) გაარკვიოს და მერე მივიდეს საზიარებლად..