მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლევან წულაძე აპირებს, კონკურსში მონაწილეობა მიიღოს... მას კოვიდი დაუდასტურდა..." - რატომ აღარ არის "ჭოლა" მარჯანიშვილის თეატრის სამხატვრო ხელმძღვანელი
22:05 / 13-01-2022
გავრცელდა ინფორმაცია, რომ ლევან წულაძე მარჯანიშვილის თეატრის სამხატვრო ხელმძღვანელი აღარ არის. ოფიციალურ მიზეზად კონტრაქტის ამოწურვა სახელდება. თუმცა არსებობს მოსაზრება, რომ ამის მიზეზი მიხეილ სააკაშვილის გათავისუფლების მოთხოვნით შექმნილი პეტიციაა, რომელზეც ლევან წულაძემ ხელი მოაწერა.
კონტაქტი ამოეწურა საქართველოში არსებულ სხვა თეატრების სამხატვრო ხელმძღვანელებსაც, მაგრამ კულტურის მინისტრმა დისკრეციის უფლება გამოიყენა და ზოგი (რუსთაველის, ჩრდილების, გაბრიაძის და გრიბოედოვის თეატრი) შემთხვევაში პირდაპირ დაინიშნა და ზოგს ვადა გაუხანგრძლივა.
კულტურის მინისტრის, თეა წულუკიანის განმარტებით, ლევან წულაძეს უბრალოდ კონტრაქტის ვადა გაუვიდა და მას შეუძლია კონკურსში მონაწილეობა ხელახლა მიიღოს.
"ბატონი წულაძე არ გათავისუფლებულა, ვადა გაუვიდა, ისევე როგორც რამდენიმე ათეულ სამხატვრო ხელმძღვანელს და მიმდინარეობს საკონკურსო პროცედურები. თუკი ის სამხატვრო ხელმძღვანელები, რომლებსაც ვადა გაუვიდათ და ზოგიერთი მათგანი ხელახლა აპირებს კანდიდატობას, შემოიტანს განცხადებას და მისი განაცხადიც, როგორც ნებისმიერი სხვა, იქნება განხილული“, - აღნიშნა თეა წულუკიანმა.
AMBEBI.GE მარჯანიშვილის თეატრის დირექტორის მოვალეობის შემსრულებელს, ეკატერინე მაზმიშვილს ესაუბრა, რომელმაც ლევან წულაძის კონტრაქტის ვადის ამოწურვა დაადასტურა.
- ბატონი ლევანი გათავისუფლებული არ არის, მისი კონტრაქტი 4-წლიანი იყო. თეატრის სამხატვრო ხელმძღვანელს 4 წელიწადში ერთხელ ირჩევენ. ახლა 4 თეატრის გარდა, ყველგანაა კონკურსი გამოცხადებული. ზოგან უკვე დასრულდა, ზოგან ახლა გამოცხადდა. ამ კონკურსის შედეგად ახალი სამხატვრო ხელმძღვანელი ინიშნება.
- ბატონ ლევანთან დაკავშირებით გავრცელდა ინფორმაცია, რომ რადგანაც მან ხელი მოაწერა მიხეილ სააკაშვილის გათავისუფლების მოთხოვნით შექმნილ პეტიციას, თანამდებობიდან ამიტომ გათავისუფლდა...
- ეს იმ ტელევიზიის ვერსია და აზრია, ვინც ინფორმაცია გაავრცელა. მინდა, გითხრათ, რომ არავითარი შევიწროება არ მიმდინარეობს. ამის საფუძველი არ არსებობს. ვიმეორებ, ყველა თეატრშია კონკურსი გამოცხადებული.
- კულტურის მინისტრს მხოლოდ 4 თეატრის შემთხვევაში აქვს დისკრეციის გამოყენების უფლება? ამას ვინ წყვეტს?
- კულტურის მინისტრს რამდენი თეატრის შემთხვევაში შეუძლია ამ უფლების გამოყენება, არ ვიცი. ფაქტია, რომ მარჯანიშვილის თეატრის შემთხვევაში არ გამოუყენებია.
- სხვა ბევრი ძალიან კარგი თეატრის შემთხვევაშიც... - როდის შედგება კონკურსი?
- თეატრების უმეტესობაში კონკურსი უკვე დასრულდა და დანიშნულებიც არიან ახალი სამხატვრო ხელმძღვანელები - ან იგივე, ვინც მანამდე იკავებდა ამ პოზიციას. მარჯანიშვილის თეატრის კონკურსი ალბათ უახლოს დღეებში გამოცხადდება. თავად კონკურსი სადღაც 20 დღე მიმდინარეობს ხოლმე. ახლა სამხატვრო ხელმძღვანელის პოზიციაზე ბატონმა ლევანმა ყველა შესაბამისი მოთხოვნის მიხედვით განაცხადი უნდა შეიტანოს კულტურის სამინისტროში. შემდეგ არის საბჭო, რომელიც რეკომენდაციას აძლევს კანდიდატურას. მოკლედ, თვე-ნახევარში ყველაფერი გაირკვევა. აქ არანაირი სასკანდალო არაფერია და ვერანაირი პოლიტიკური სარჩული ვერ ექნება.
- ბატონ ლევანს ვერ ვუკავშირდებით და როგორია მისი აზრი?
- მისი აზრია, რომ უნდა მიიღოს კონკურსში მონაწილეობა. ახლა ის არის, რომ მას კორონა დაუდასტურდა.
მკითხველის კომენტარები /
26 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაპატიეთ, მაგრამ, კარგ რეჟისორს როგორ შეიძლება ვადა გაუვიდეს. არ ველოდი ამას, ქალბატონო თეა. არავის უსწავლებია თქვენთვის, რომ ხელოვნებას ვადა არ აქვს
წუნკალიანი დანიშნეთ!!!!! ისეთი ბზრიალაა, მალიარობასაც შეძლებს!