ყა­ზა­ხე­თის უდი­დეს ქა­ლაქ ალ­მა­თი­ში შე­ტა­კე­ბე­ბი და სრო­ლა 6 იან­ვარ­საც გრძელ­დე­ბო­და. ყა­ზა­ხუ­რი პო­ლი­ცია, რო­მელ­საც ზურგს უმაგ­რებს რუ­სე­თის მე­თა­უ­რო­ბით მოქ­მე­დი სამ­ხედ­რო ალი­ან­სის, კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცი­ის (ОДКБ) ჯარი, და­უ­პი­რის­პირ­და ყა­ზა­ხე­თის და­მო­უ­კი­დებ­ლო­ბის დრო­ი­დან ყვე­ლა­ზე მა­სობ­რივ და სის­ხლი­ან საპ­რო­ტეს­ტო გა­მოს­ვლებს.

კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცი­ის ჯა­რე­ბი ყა­ზა­ხეთ­ში მას მერე გა­და­ის­რო­ლეს, რაც თხე­ვა­დი აი­რის ფა­სე­ბის ზრდის გამო და­წყე­ბუ­ლი საპ­რო­ტეს­ტო გა­მოს­ვლე­ბი სის­ხლი­ან შე­ტა­კე­ბებ­ში გა­და­ი­ზარ­და პო­ლი­ცი­ა­სა და დე­მონ­სტრან­ტებს შო­რის.

ყა­ზა­ხე­თის პრე­ზი­დენ­ტმა ყა­სიმ-ჟო­მართ თო­ყა­ევ­მა 7 იან­ვარს პრე­ზი­დენ­ტის ად­მი­ნის­ტრა­ცი­ის, უსაფრ­თხო­ე­ბის საბ­ჭო­სა და თავ­დაც­ვის ძა­ლე­ბის ლი­დე­რებ­თან შეხ­ვედ­რა გა­მარ­თა და გა­სუ­ლი ღა­მის ოპე­რა­ცია შე­ა­ჯა­მა. მისი თქმით, ქვე­ყა­ნა­ში კონ­ტრტე­რო­რის­ტუ­ლი ოპე­რა­ცია იქამ­დე გაგ­რძელ­დე­ბა, ვიდ­რე თი­თო­ე­უ­ლი თავ­დამ­სხმე­ლი არ გა­ნად­გურ­დე­ბა. "ან­ტი­ტე­რო­რის­ტუ­ლი ოპე­რა­ცია და­წყე­ბუ­ლია. სა­მარ­თალ­დამ­ცა­ვე­ბი ინ­ტენ­სი­უ­რად მუ­შა­ო­ბენ. კონ­სტი­ტუ­ცი­უ­რი წეს­რი­გი ძი­რი­თა­დად ქვეყ­ნის ყვე­ლა რე­გი­ონ­ში აღ­დგა. ად­გი­ლობ­რი­ვი ხე­ლი­სუფ­ლე­ბა სი­ტუ­ა­ცი­ას აკონ­ტრო­ლებს. მაგ­რამ ტე­რო­რის­ტე­ბი აგ­რძე­ლე­ბენ ია­რა­ღის გა­მო­ყე­ნე­ბას და მო­ქა­ლა­ქე­ე­ბის ქო­ნე­ბის და­ზი­ა­ნე­ბას. ამი­ტომ, კონ­ტრტე­რო­რის­ტუ­ლი მოქ­მე­დე­ბე­ბი უნდა გაგ­რძელ­დეს მებ­რძო­ლე­ბის სრულ გა­ნად­გუ­რე­ბამ­დე“, - გა­ნა­ცხა­და ყა­ზა­ხე­თის პრე­ზი­დენ­ტმა.

შე­გახ­სე­ნებთ, მას­შტა­ბუ­რი დე­მონ­სტრა­ცი­ე­ბის ფონ­ზე ყა­ზა­ხე­თის პრე­ზი­დენ­ტმა ყა­სიმ-ჟო­მართ თო­ყა­ევ­მა მთავ­რო­ბის გა­დად­გო­მის გა­და­წყვე­ტი­ლე­ბას მო­ა­წე­რა ხელი, თუმ­ცა, ამის მი­უ­ხე­და­ვად, საპ­რო­ტეს­ტო აქ­ცი­ე­ბი ქვე­ყა­ნა­ში კვლავ გაგ­რძელ­და.

ასევე დაგაინტერესებთ

15:08 / 06-01-2022

საგარეო უწყების ინფორმაციით, საკონსულოს დახმარების თხოვნით ყაზახეთში მყოფმა საქართველოს 8 მოქალაქემ მიმართა - როგორია მათი მდგომარეობა?

19:09 / 06-01-2022

"მრავალრიცხოვანი საპროტესტო ნაკადული მძლავრ საპროტესტო მდინარედ ვაქციოთ და წყალს გავატანოთ ყველაფერი" - სააკაშვილი

10:45 / 08-01-2022

"მალე პუტინის საიმედო კადიროვცები ყაზახეთში იქნებიან... მეამბოხეები თანდათან გაქრებიან" - ჩეჩნეთის ლიდერის პოზიცია ყაზახეთზე და მწვავე გამოხმაურება ინტერნეტში

ყა­ზა­ხუ­რი მე­დი­ის ინ­ფორ­მა­ცი­ით, გა­სუ­ლი ღა­მის გან­მავ­ლო­ბა­ში "ქვე­ყა­ნა­ში 3 000-ზე მეტი აქ­ტი­ვის­ტი და­ა­კა­ვეს, დაჭ­რი­ლია 18 პირი, 26 კრი­მი­ნა­ლის ლიკ­ვი­და­ცია მოხ­და“.

ყა­ზა­ხე­თის სა­ხელ­მწი­ფო ტე­ლე­ვი­ზი­ის ცნო­ბით კი, ალ­მა­თის ქუ­ჩებ­ში შე­ტა­კე­ბი­სას, 13 პო­ლი­ცი­ე­ლი და­ი­ღუ­პა და 350 - ზე მეტი და­შავ­და.

ყა­ზა­ხეთ­ში მიმ­დი­ნა­რე მოვ­ლე­ნე­ბის შე­ფა­სე­ბი­სას პო­ლი­ტო­ლოგ­მა თორ­ნი­კე შა­რა­შე­ნი­ძემ გა­ნა­ცხა­და, რომ ყა­ზა­ხეთ­ში მიმ­დი­ნა­რე მოვ­ლე­ნებ­ზე შე­დე­გით უნდა ვიმ­სჯე­ლოთ, შე­დე­გია და­ხო­ცი­ლი ადა­მი­ა­ნე­ბი, გა­დამ­წვა­რი შე­ნო­ბე­ბი და კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცი­ის (ОДКБ) ჯა­რე­ბის შეყ­ვა­ნა ქვე­ყა­ნა­ში. შე­სა­ბა­მი­სად, ყა­ზა­ხე­თის მმარ­თვე­ლი რე­ჟი­მის გა­დარ­ჩე­ნა­ში, რა თქმა უნდა, რუ­სე­თი სა­ნაც­ვლოდ რა­ღა­ცას მო­ი­თხოვს.

"ყა­ზა­ხეთ­ში მიმ­დი­ნა­რე მოვ­ლე­ნებ­ზე შე­დე­გით უნდა ვიმ­სჯე­ლოთ, შე­დე­გია და­ხო­ცი­ლი ადა­მი­ა­ნე­ბი, გა­დამ­წვა­რი შე­ნო­ბე­ბი და კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცი­ის (ОДКБ) ჯა­რე­ბის შეყ­ვა­ნა ქვე­ყა­ნა­ში, ასე რომ კარ­გს ჯერ­ჯე­რო­ბით ვე­რა­ფერს ვერ ვი­ტყვი. არა მგო­ნია რუ­სეთს აწყობ­დეს არას­ტა­ბი­ლუ­რო­ბა სა­მე­ზობ­ლო­ში, მაგ­რამ რო­გორც კი გაჩ­ნდა სა­ჭი­რო­ე­ბა, ვნა­ხეთ, რომ ჯარი შე­იყ­ვა­ნა.

მე არ მგო­ნია, რომ რუ­სეთს იქ სჭირ­დე­ბო­დეს რა­ი­მე ამ­ბო­ხი, რად­გან ურ­ჩევ­ნია იქ სტა­ბი­ლუ­რო­ბა იყოს. სო­ცი­ა­ლუ­რი ამ­ბო­ხიც არის ალ­ბათ და ზო­გა­დად, ჩვენ თუ ვიმ­სჯე­ლებთ იმის მი­ხედ­ვით, ამ რე­გი­ონ­ში რო­გო­რი იყო ეს ამ­ბო­ხე­ბე­ბი - ვნა­ხავთ, რომ ამ­ბო­ხე­ბე­ბი ძი­რი­თა­დად ან სო­ცი­ა­ლუ­რი იყო, რო­გო­რიც იყო ყირ­გი­ზეთ­ში ან რე­ლი­გი­უ­რი, რო­გო­რიც იყო უზ­ბე­კეთ­ში. ასე რომ, დე­მოკ­რა­ტი­ას და და­სავ­ლეთ ფა­სე­უ­ლო­ბებს მო­წყუ­რე­ბუ­ლი ხალ­ხი ნაკ­ლე­ბად იყო იქ და ვნა­ხეთ კი­დეც. ხომ აქვს მნიშ­ვნე­ლო­ბა გა­მოს­ვლე­ბი რამ­დე­ნად ძა­ლა­დობ­რი­ვია? გა­დაწ­ვეს და გა­და­ბუ­გეს ყვე­ლა­ფე­რი. ამოქ­მედ­და კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცია (ОДКБ), და­ი­ტეს­ტა საქ­მე­ში, შე­იყ­ვა­ნეს იქ ჯარი და შე­სა­ბა­მი­სად, რე­ჟი­მის გა­დარ­ჩე­ნა­ში რუ­სე­თი, რა თქმა უნდა, რა­ღა­ცას მო­ი­თხოვს სა­ნაც­ვლოდ, ასე რომ, სა­ბო­ლოო ჯამ­ში, იქ კარ­გი არა­ფე­რი მოხ­და. ის ილუ­ზია, რომ დე­მოკ­რა­ტია გა­ი­მარ­ჯვებს, ეს ილუ­ზია დიდი ხნის წინ და­იმ­სხვრა“, - გა­ნა­ცხა­და შა­რა­შე­ნი­ძემ.

სა­ინ­ტე­რე­სოა, რომ მას მერე, რაც ყა­ზა­ხე­თის ხე­ლი­სუფ­ლე­ბამ კო­ლექ­ტი­უ­რი უსაფრ­თხო­ე­ბის ხელ­შეკ­რუ­ლე­ბის ორ­გა­ნი­ზა­ცი­ის (ОДКБ) ჯა­რე­ბის შეყ­ვა­ნა მო­ი­თხო­ვა, რუ­სე­თის სამ­თავ­რო­ბო ტე­ლე­კომ­პა­ნია "რაშა თუ­დე­ის” და სამ­თავ­რო­ბო სა­ინ­ფორ­მა­ციო სა­ა­გენ­ტო­ე­ბის, "როს­სია სე­გოდ­ნია” და "სპუტ­ნი­კის” მთა­ვარ­მა რე­დაქ­ტორ­მა მარ­გა­რი­ტა სი­მო­ნი­ან­მა ცი­ნი­კუ­რი პოს­ტი გა­მო­აქ­ვეყ­ნა:

"რა თქმა უნდა, უნდა და­ვეხ­მა­როთ. აუ­ცი­ლებ­ლად უნდა და­ვეხ­მა­როთ. მაგ­რამ გარ­კვე­უ­ლი პი­რო­ბე­ბიც უნდა წა­ვუ­ყე­ნოთ.

1. ყი­რი­მი - აღი­ა­რონ;

2. კი­რი­ლი­ცა - და­აბ­რუ­ნონ.

3. რუ­სუ­ლი - მე­ო­რე სა­ხელ­მწი­ფო ენად, ისე­ვე, რო­გორც ყირ­გი­ზეთ­შია;

4. შე­ეშ­ვან რუ­სულ სკო­ლებს და არ იც­რუ­ონ უფ­როს­თან, რომ ეს ასეა..."

კი­თხვა­ზე, არის თუ არა შე­საძ­ლე­ბე­ლი, ყა­ზა­ხეთ­ში გან­ვი­თა­რე­ბუ­ლი პრო­ცე­სე­ბი რუსე­თის მიერ იყოს ინ­სპი­რი­რე­ბუ­ლი, ანა­ლი­ტი­კო­სი ზუ­რაბ ბა­ტი­აშ­ვი­ლი პა­სუ­ხობს:

"მრჩე­ბა შთა­ბეჭ­დი­ლე­ბა, რომ ეს შიდა დი­ნა­მი­კაა იმი­ტომ, რომ ხალ­ხს მო­ბეზ­რდა კო­რუფ­ცი­ულ და ისეთ გა­რე­მო­შო ცხოვ­რე­ბა, სა­დაც ცვლი­ლე­ბე­ბი არ არის. ყა­ზა­ხეთ­ში ბოლო 30 წლის გან­მავ­ლო­ბა­ში ხე­ლი­სუფ­ლე­ბა არ შეც­ვლი­ლა, ადა­მი­ა­ნებს ცვლი­ლე­ბე­ბი სურთ, ასე­ვე, მათ სხვა­დას­ხვა სო­ცი­ა­ლუ­რი მო­თხოვ­ნე­ბი აქვთ, ამ მოძ­რა­ო­ბას არ ჰყავს ლი­დე­რი და არ არის ერ­თი­ა­ნო­ბა. ბევ­რი გა­მოთ­ქვამს უკ­მა­ყო­ფი­ლე­ბას იმი­ტომ, რომ ბუ­ნებ­რი­ვი სიმ­დიდ­რე­ე­ბის რე­ა­ლი­ზა­ცი­ის შემ­დეგ მი­ღე­ბუ­ლი შე­მო­სა­ვა­ლი თა­ნაბ­რად არ ნა­წილ­დე­ბა - მო­გეხ­სენ­ბათ, ყა­ზა­ხე­თი არის ერთ-ერთი უმ­დიდ­რე­სი ქვე­ყა­ნა ნავ­თო­ბი­თა და გა­ზით. ეს რაც შე­ე­ხე­ბა შიდა გან­ზო­მი­ლე­ბას, არის კი­დევ სა­ერ­თა­შო­რი­სო გან­ზო­მი­ლე­ბაც, რო­მე­ლიც რუ­სეთს უკავ­შირ­დე­ბა. რუ­სე­თი პირ­და­პირ საფრ­თხედ გა­ნი­ხი­ლავს ყვე­ლა სხვა სპონ­ტა­ნურ გა­მოს­ვლებს თა­ვის უშუ­ა­ლო სა­მე­ზობ­ლო­ში. ჩვენ ეს და­ვი­ნა­ხეთ სა­ქარ­თვე­ლო­ში, მერე უკ­რა­ი­ნა­სა და ბე­ლა­რუს­ში, ახლა ვხე­დავთ ყა­ზა­ხეთ­ში. ეს არის პუ­ტი­ნის რე­ჟი­მის­თვის პირ­და­პი­რი რე­ზის­ტენ­ცი­უ­ლი საფრ­თხე, მათ ისე არ ეში­ნი­ათ ატო­მუ­რი ბომ­ბის, რო­გორც ასე­თი გა­მოს­ვლე­ბის, ვი­ნა­ი­დან ფიქ­რო­ბენ, ასე­თი გა­მოს­ვლე­ბი რუ­სეთ­საც შე­იძ­ლე­ბა გა­და­ე­დოს. ამი­სი შიში და მო­ლო­დი­ნი აქვთ, ამი­ტომ ნაკ­ლებ და­მა­ჯე­რებ­ლად მი­მაჩ­ნია, რომ ეს ყვე­ლა­ფე­რი რუ­სე­თი­დან არის ინ­სპი­რი­რე­ბუ­ლი“.

ანა­ლი­ტი­კო­სი რუსი ე.წ. სამ­შვი­დო­ბო­ე­ბის შეყ­ვა­ნის შემ­დეგ ყა­ზა­ხე­თის ჩრდი­ლო­ეთ ნა­წი­ლის ოკუ­პა­ცი­ის სცე­ნა­რის გან­ვი­თა­რე­ბას ამ ეტაპ­ზე გა­მო­რი­ცხავს, თუმ­ცა ამ­ბობს, რომ ამ შე­საძ­ლებ­ლო­ბის გა­მო­რი­ცხვაც არ შე­იძ­ლე­ბა და რუ­სეთ­მა, შე­საძ­ლოა იქ ყი­რი­მის, ან დონ­ბა­სის სცე­ნა­რი გა­ნა­ვი­თა­როს.

"ოკუ­პა­ცი­ის სცე­ნა­რი შე­იძ­ლე­ბო­და გან­ვი­თა­რე­ბუ­ლი­ყო იმ შემ­თხვე­ვა­ში, თუ ყა­ზა­ხეთ­ში უკ­რა­ი­ნის სცე­ნა­რი გან­ვი­თარ­დე­ბო­და. იქ ვი­თარ­დე­ბა ყა­ზა­ხუ­რი სცე­ნა­რი, შე­სა­ბა­მი­სად, როცა რუ­სეთს აქვს სა­შუ­ლე­ბა მთლი­ა­ნი ქვე­ყა­ნა მო­აქ­ცი­ოს გავ­ლე­ნის ქვეშ, რა­ტომ გა­და­წყვეტს, რომ ნა­წი­ლის ოკუ­პა­ცია გა­ა­კე­თოს? ამი­ტომ ამ ეტა­პის­თვის ეს ნაკ­ლებ­სა­ვა­რა­უ­დოა, თუმ­ცა ასე­თი შე­საძ­ლებ­ლო­ბის გა­მო­რი­ცხვა არ შე­იძ­ლე­ბა იმ შემ­თხვე­ვა­ში, თუ პრო­ტეს­ტან­ტე­ბი და მო­მი­ტინ­გე­ე­ბი მოვ­ლენ ხე­ლი­სუფ­ლე­ბა­ში. ამ შემ­თხვე­ვა­ში რუ­სე­თი, რა თქმა უნდა, უკან არ და­ი­ხევს და შე­საძ­ლოა, მან ჩრდი­ლო­ეთ ყა­ზა­ხეთ­თან და­კავ­ში­რე­ბით ყი­რი­მის, ან დონ­ბა­სის სცე­ნა­რი გა­ნა­ვი­თა­როს.

რაც შე­ე­ხე­ბა და­სავ­ლე­თი­დან პა­სი­უ­რო­ბას, ეს მო­სა­ლოდ­ნე­ლიც იყო იმი­ტომ, რომ მათ ჯერ არ იცი­ან სი­ტუ­ა­ცია რო­გორ გან­ვი­თარ­დე­ბა, სა­ერ­თო სუ­რა­თი - ვინ მო­ა­წყო ეს გა­მოს­ვლე­ბი, რა მო­თხოვ­ნე­ბი ჰქონ­დათ და საით მი­დის ეს ყვე­ლა­ფე­რი, ჯერ­ჯე­რო­ბით უც­ნო­ბია. მათ შო­რის პო­ლი­ტი­კუ­რი მო­თხოვ­ნე­ბიც არ არის ერ­თი­ა­ნად ჩა­მო­ყა­ლი­ბე­ბუ­ლი. რუ­სე­თის ეს კონ­კრე­ტუ­ლი ნა­ბი­ჯი ჯა­რე­ბის შეყ­ვა­ნას­თან და­კავ­ში­რე­ბით, ამა­ვე დროს არის მე­სი­ჯი, რო­გორც სა­კუ­თა­რი მო­სახ­ლე­ო­ბის­თვის, ისე სა­ერ­თა­შო­რი­სო თა­ნა­მე­გობ­რო­ბის­თვის, რომ მსგავს სპონ­ტა­ნურ გა­მოს­ვლებს ჩა­ახ­შობს არა მხო­ლოდ რუ­სე­თის ტე­რი­ტო­რი­ა­ზე, არა­მედ სა­მე­ზობ­ლო­შიც, რად­გა­ნაც ის ამას ეგ­ზის­ტენ­ცი­ურ საფრ­თხედ აღიქ­ვამს. რუ­სეთ­მა, ამ მო­მენ­ტის­თვის, ფაქ­ტობ­რი­ვად, მმარ­თვე­ლი რე­ჟი­მი უკვე გა­და­არ­ჩი­ნა, სა­ნაც­ვლოდ ის ალ­ბათ ყა­ზა­ხე­თის­გან მო­ი­თხოვს ყი­რი­მის აღი­ა­რე­ბას. რუ­სე­თის­თვის სა­ჭი­რო სა­გა­რეო პო­ლი­ტი­კის გა­ტა­რე­ბა იქ­ნე­ბა ის ფასი, რომ­ლის გა­ტა­რე­ბაც ყა­ზა­ხეთს მო­უ­წევს“.

იმ შემ­თხვე­ვა­ში, როცა რუ­სე­თი კავ­კა­სი­ა­სა და ცენ­ტრა­ლურ აზი­ა­შიც ძლი­ერ­დე­ბა, არ არის გა­მო­რი­ცხუ­ლი, პუ­ტი­ნის მო­მა­ვა­ლი სა­მიზ­ნე სა­ქარ­თვე­ლო გახ­დეს. ზურა ბა­ტი­აშ­ვი­ლის აზ­რით, რუ­სე­თის­თვის უკ­რა­ი­ნა და კავ­კა­სია სა­სი­ცო­ცხლოდ მნიშ­ვნე­ლო­ვა­ნია იმი­სათ­ვის, რომ სსრკ-ის მსგავ­სი კავ­ში­რი აღად­გი­ნოს.

"რუ­სე­თის ნე­ბის­მი­ე­რი გაძ­ლი­ე­რე­ბა პირ­და­პირ არ­ტყამს სა­ქარ­თვე­ლოს უსაფრ­თხო­ე­ბას. ეხე­ბა ეს რო­გორც ყა­რა­ბაღ­ში ე.წ. სამ­შვი­დო­ბო­ე­ბის გან­თავ­სე­ბას, ისე ახლა ყა­ზა­ხეთ­ში ჯა­რე­ბის შეყ­ვა­ნას. მა­ინც ვფიქ­რობ, რომ ამ შემ­თხვე­ვა­ში გა­დამ­წყვე­ტია 2 რამ:

რო­გორ გან­ვი­თარ­დე­ბა მოვ­ლე­ნე­ბი უკ­რა­ი­ნა­ში, რად­გან რუ­სე­თის სურ­ვი­ლი - აღად­გი­ნოს სსრკ-ის მსგავ­სი კავ­ში­რი, ვერ შედ­გე­ბა, თუ მას­ში არ იქ­ნე­ბა უკ­რა­ი­ნა და კავ­კა­სია. კავ­კა­სი­ა­ში სა­ქარ­თვე­ლოა ამ მხრივ მნიშ­ვნე­ლო­ვა­ნი. უკ­რა­ი­ნა­ში თუ რუ­სე­თი წარ­მა­ტე­ბუ­ლი იქნა, მა­შინ, რა თქმა უნდა, შემ­დე­გი სა­მიზ­ნე სა­ქარ­თვე­ლო იქ­ნე­ბა. მე­ო­რე სა­კი­თხია სა­ქარ­თვე­ლო და მისი პო­ლი­ტი­კუ­რი ნება, რო­მე­ლიც ამ დრო­ის­თვის არის არ­გა­ღი­ზი­ა­ნე­ბის პო­ლი­ტი­კა, რაც პირ­და­პირ ურტყამს ჩვენს ინ­ტე­რე­სებს. სა­ერ­თა­შო­რი­სო თა­ნა­მე­გობ­რო­ბა სულ უფრო ნაკ­ლებს ლა­პა­რა­კობს სა­ქარ­თვე­ლოს ოკუ­პი­რე­ბულ ტე­რი­ტო­რი­ებ­ზე, რად­გან სა­ქარ­თვე­ლოს ხე­ლი­სუფ­ლე­ბა თა­ვად არ აქ­ტი­უ­რობს ამ მი­მარ­თუ­ლე­ბით, სი­რაქ­ლე­მის პო­ზი­ცი­ა­შია, რაც გა­მო­სა­ვა­ლი არ არის - მგე­ლი შე­ჭამს ჯერ სხვას, მაგ­რამ მერე სი­რაქ­ლე­მის პო­ზა­ში მყო­ფე­ბის შეჭ­მა­საც ად­ვი­ლად მო­ა­ხერ­ხებს“, - გვე­უბ­ნე­ბა ანა­ლი­ტი­კო­სი.