რატომ გახდა მსოფლიოში პოპულარული Gift Box-ების გამოწერა და 5 გამორჩეული „სასაჩუქრე ყუთი“, რომელიც შეგიძლიათ გამოიწეროთ

ყოველთვიური თემატური სასაჩუქრე ყუთების გამოწერის პრაქტიკა 2010 წელს კომპანია Birchbox-მა დაიწყო. მათ ეს შეთავაზება მამაკაცებისთვის გააკეთეს, შედეგად, მთელი მსოფლიოს მასშტაბით 800 000-ზე მეტი ხელმომწერი შეაგროვეს, ხოლო ყოველწლიურმა შემოსავალმა 96 000 000$-ს გადააჭარბა. დღეისათვის Gift Box-ების უამრავი ვარიანტი არსებობს და ეს სერვისი ძალიან პოპულარულია მთელ მსოფლიოში.

ისეთი გიგანტი კომპანიები, როგორიცაა Walmart, CVS Pharmacy, Amazon და Lancome, ბაზარზე აფუძნებენ სასაჩუქრე ყუთებს. ყველაფერი ძალიან მარტივია: მომხმარებელი იწერს სასურველ Gift Box-ს, იხდის ყოველთვიურ ღირებულებას და ავსებს სპეციალურ განაცხადს, სადაც უთითებს საკუთარ ინტერესებსა და სურვილებს. ამის შემდეგ ის რეგულარულად, თვეში ერთხელ იღებს სასაჩუქრე ყუთს სახლში.

რაშია Gift Box-ების უპირატესობა?

1. მორგებული თქვენს ინტერესებზე

მნიშვნელობა არ აქვს, ხართ თუ არა შოკოლადის, კომიქსების მოყვარული თუ ღვინის მცოდნე. ყოველთვის არსებობს შესაძლებლობა, პირად ინტერესებზე მორგებული სასაჩუქრე ყუთი გამოიწეროთ. ამ სერვისის უმეტესობა შექმნილია ვიწრო ინტერესებისთვის.

2. ცნობისმოყვარეობა და სიურპრიზის მოლოდინი

სასაჩუქრე ყუთის გამოწერის შემთხვევაში არასდროს იცი ბოლომდე, რომელი ნივთები შეგხვდება ყუთში, ამიტომ თითოეული ბოქსი პატარა საიდუმლოა. მოლოდინისა და ცნობისმოყვარეობის შეგრძნებით, ყოველთვიური საჩუქრების მიღებით გამოწვეული კმაყოფილება მნიშვნელოვნად იზრდება.

3. ფასი და მოხერხებულობა

გარდა იმისა, რომ აბონენტები სასაჩუქრე ყუთებს პირდაპირ სახლში იღებენ, მასში გაცილებით ნაკლებს იხდიან, ვიდრე მაღაზიებში იმავე პროდუქციის ყიდვისას დახარჯავდნენ. თანაც მაღაზიებში სიარული სასიამოვნო გამოცდილებად იქცევა.

5 გამორჩეული სასაჩუქრე ყუთი, რომლის გამოწერაც შეგიძლიათ:

1. Allure Beauty Box

პოპულარული Beauty Box, რომელშიც ხარისხიანი კოსმეტიკური საშუალებები შეგხვდებათ. ყუთის ღირებულება თვეში 23$-ია. რაც უფრო მეტი ხანგრძლივობით გამოიწერთ, მით ნაკლები მოუწევს ყოველთვიური ღირებულება. 3 თვე 65$, 1 წელი კი 250$-ია.

2. Try The World

თუ კულინარიული საჩუქარი გინდათ, მაშინ Try The World - იდეალური ვარიანტია. თქვენ შეძლებთ დააგემოვნოთ განსაკუთრებული სნექი, სასმელები და ინგრედიენტები და გაუსინჯოთ გემო მსოფლიოს. სნექის ბოქსი თვეში 19$-ია; კულინარიული - 30$, ხოლო საავტორო ნაკრების ფასი 40$-ია.

3. ლიტბოქსი

„ლიტბოქსი“ ლიტერატურული ყუთია, რომლის გამოწერის შემთხვევაშიც, თვეში ერთხელ მიიღებთ ორ წიგნს და საჩუქარს. „ლიტბოქსის“ გამოწერით, თქვენ შეძლებთ ბიუჯეტურად შეავსოთ თქვენი ოჯახის ბიბლიოთეკას ახალი და საინტერესო წიგნებით. litbox.ge-ს საიტზე დარეგისტრირების შემდეგ, ირჩევთ სასურველ ჟანრს, რომელიც თავის მხრივ კიდევ რამდენიმე ქვეჟანრად იყოფა. შეგიძლია აირჩიოთ მხატვრული, შემეცნებითი, საბავშვო ან სერიული ხასიათის წიგნები, რომ ყუთის შიგთავსი მაქსიმალურად მოერგოს თქვენს ინტერესებს. ერთი „ლიტბოქსის“ ღირებულება 20 ლარია და მისი გამოწერა სასურველი ვადითაა შესაძლებელი. ყუთის შიგთავსს თითოეული გამომწერისთვის წიგნის „მრჩევლები“ აარჩევენ, რომლებიც ლიტერატურული წრეების ცნობილი წარმომადგენლები და სხვადასხვა სფეროს სპეციალისტები არიან. „ლიტბოქსის“ გამოწერა საიტზე უკვე შესაძლებელია!

4. BarkBox

BarkBox-ი თქვენს ძაღლს შესანიშნავ საჩუქარს გაუკეთებს, თვეში 19$-ად. სასაჩუქრე ყუთში მოთავსებულია საღეჭი სნექები, სათამაშოები, ძაღლის ჯანმრთელობისთვის საჭირო ნივთები.

5. Loot Crate

19$-ად Loot Crate პოპ-კულტურის ატრიბუტიკის ეპიკური ნაკრებით მოგამარაგებთ: ტანსაცმელი, გაჯეტები, სათამაშოები და სხვ. ასეთი სასაჩუქრე ყუთი ანიმეების მოყვარულებსაც გაუხარდებათ. Loot Crate განსაკუთრებით პოპულარულია თინეიჯერებში.

თქვენ რომელ ბოქსს ისურვებდით?