18
მაისიდღის ზოგადი ასტროლოგიური პროგნოზი
"სააკაშვილის გუშინდელმა გამოსვლამ, ალბათ, ყველას გაგვახსენა მარკესის ცნობილი ნაწარმოები, "პატრიარქის შემოდგომა“, გუშინ ჩვენ ვიხილეთ ყოფილი დიქტატორი, რომელიც მისტირის ჭარბ ძალაუფლებას, რომელიც მას თავის დროზე ჰქონდა და რომელსაც ის წლების განმავლობაში ბოროტად იყენებდა" - ასე შეაფასა "ქართული ოცნების“ თავმჯდომარემ ირაკლი კობახიძემ ქვეყნის მესამე პრეზიდენტის მიხეილ სააკაშვილის განცხადება, რომელიც მან სასამართლოს სხდომათა დარბაზში გააკეთა.
როგორც კობახიძემ საშემოდგომო სესიის პლენარულ სხდომაზე აღნიშნა, საზოგადოებას ახსოვს სააკაშვილის მიერ ჩადენილი დანაშაულები და უფრო მნიშვნელოვანია ის, რომ სააკაშვილი დღემდე არის საზოგადოებრივად საშიში.
"ჩვენ რომ დავუშვათ თეორიულად, რომ ის განახორციელებდა გეგმას, რომლითაც ის ჩამოვიდა საქართველოში, ტრაილერით, მაცივრით, პროდუქტებთან ერთად, მაშინ შესაცოდი იქნებოდა უკვე ჩვენი ქვეყანა და ჩვენი ხალხი, მაგრამ, რა თქმა უნდა, ეს არის თეორიული დაშვება და ბუნებრივია, ეს ვერ მოხდებოდა, გამომდინარე იქიდან, რომ ხელისუფლება დგას მოწოდების სიმაღლეზე და სისტემა მუშაობს ისე, როგორც უნდა მუშაობდეს. წამება, არაადამიანური მოპყრობა, გაუპატიურება, ბიზნესის რეკეტი, მედიის მიტაცება, მონოპოლიზაცია, ტერიტორიების გადაცემა - ეს არის მცირე ჩამონათვალი იმ უმძიმესი დანაშაულებისა, რომლებიც ჩაიდინა თავის დროზე მიხეილ სააკაშვილმა, მისმა რეჟიმმა და იმ პოლიტიკურმა პარტიამ, რომელსაც ჰქვია "ერთიანი ნაციონალური მოძრაობა“ და რომელსაც აქვს თავისი განშტოებები დღევანდელ პოლიტიკურ მოცემულობაში. ამის განმეორებას ჩვენი ქვეყანა და ჩვენი ხალხი არ იმსახურებდა. ბუნებრივია, ეს დანაშაულები არც განმეორდება, ჩვენ გვაქვს ამბიცია, რომ ვართ ცივილიზებული, ევროპული ყაიდის საზოგადოება, რომლისთვისაც არის მიუღებელი და შეუთავსებელი ის დანაშაულები, რომლებსაც წინა რეჟიმი და წინა ხელისუფლება სჩადიოდა. ჩვენ ვიმსახურებთ არსებითად სხვა ტიპის სისტემას, რომელიც ჩამოყალიბდა საქართველოში 2012 წლის შემდეგ", - განაცხადა ირაკლი კობახიძემ.
მარკესს კითხულობ და 1921 წლის კონსტიტუცია არ წაგიკითახვს ?კონსტიტუცია სისტემური დოკუმენტია, ის ერის ძალისა და ნების მისსავე საკეთილდღეოდ მისამართად საჭირო წესების და პრინციპების ერთობლიობაა , ჩვენი კონსტიტუცია ერთეულების საკეთილდღეოდ ამ ძალთა დაქსაქსვით ერზე გასაბატონებლად წესთა ერთობლივობაა, სატუსაღო ბანაკის შინაგანაწესია ! ვინც უკვე დასვით ანლაიქები, ან აწი დასვამთ, გირჩევთ 1921 წლის კონსტიტუცია წაიკითხოთ, ასი წლით წინ კი არა, ასი წლით უკანა ვართ , იმასთან შედარებით, რაც იქა სწერია, სწორედ რომ ნაცქოცმოქკავშირის მოღვაწეობით, ვისი დამქაშებიცა ბრძანდებით და ან წევრები ! სარგებელი კონსტიტუციისაგან ხალხს უნდა ქონდეს, და არა მმართველ მორიგე ძალას , მორიგე ღმერთი გამიგია და პოლიტიკური ძალა არა ! რას მორიგეობთ მანდ მონაცვლეობით პოზიცია, ოპოზიცია !? რაღაც არ მახსენდება არასაორჭოფოდ აგვერჩიეთ ან პოზიცია, ან ოპოზიცია ამ 30 წელიწადში! კარგად დაიმახსოვრეთ ორივემ, დიდსულოვანია ქართველი ერი, მაგრამ ნახევარზე მეტი არჩევნებზე არ მოვიდა და მოსულთა ნახევარზე მეტმა სწორედ თქვენ ორის წინააღმდეგ მისცა ხმა !რა ნამუსით გვმოძღვრავთ მაქედან ?!
"პატრიარქის შემოდგომა" რა იციან მელიამ, ხაბეიშვილმა, ხაბაზმა, შუბლაძემ, გოცირიძემ ... მათთვის გასაგებად მათი სალოცავი "ნახევარქათამას'" მთავარი . გმირივით ირჯებოდა