17
მაისიდღის ზოგადი ასტროლოგიური პროგნოზი
ფეხბურთის მოყვარულთა შორის ვნებათაღელვაა მას შემდეგ, რაც ირანის ქალთა საფეხბურთო ნაკრების მეკარეს ბრალი დასდეს, რომ კაცია. India Times-ის ცნობით, იორდანია აზიის ფეხბურთის ასოციაციას ზოჰრე ქუდეის სქესის შემოწმებისკენ მოუწოდებს.
სერიოზული ბრალდებები მას შემდეგ გაჩნდა, რაც ირანმა 2022 წლის ქალთა აზიის თასის (AFC) შესარჩევი მატჩის პენალტების სერიაში იორდანია დაამარცხა.ირანის ნაკრების გამარჯვებაში დიდი წვლილი მათ მეკარეს მიუძღვის - მან გმირულად მოახერხა 2 გოლის აღება.
ამ გამარჯვების წყალობით ირანის ქალთა ნაკრებმა პირველად მოიპოვა 2022 წლის AFC- ში თამაშის შანსი.
მარცხის შემდეგ, იორდანიის საფეხბურთო ასოციაციის პრეზიდენტმა, პრინცმა ალი ბინ ალ-ჰუსეინმა გაგზავნა მოთხოვნა, რომ ირანის მეკარის სქესი შეემოწმებინათ. ის ამატებს, რომ თუ ბრალდებები მართალი აღმოჩნდა, ამას სერიოზული შედეგი მოჰყვება.
"მიუხედავად იმისა, რომ ფეხბურთელების გენდერის შემოწმება არაა სავალდებულო, არსებობს პროვიზია, რომელიც ჩვენ უფლებას გვაძლევს, მოვითხოვოთ მოთამაშის სქესის დადასტურება", - ამბობს ალ-ჰუსეინი.
ორივე ქვეყნის მედიაში ეს საკითხი მთავარი თემაა. ზოგიერთის მტკიცებით, ალი ბინ ალ-ჰუსეინმა მხოლოდ იმიტომ ატეხა აჟიოტაჟი, რომ მისი ქვეყნის გუნდმა წააგო.
რაც შეეხება ირანის ეროვნულ გუნდს, მათ ბევრი ფიქრი არ დასჭირვებიათ საკუთარი მეკარის დასაცავად. ირანში აცხადებენ, რომ ეროვნული გუნდის ყველა წევრის ჰორმონები შემოწმდა პრობლემების თავიდან ასარიდებლად და ყველაფერი რიგზეა.
"იორდანიის გუნდი თვლიდა, რომ ისინი საუკეთესონი იყვნენ და როცა ირანის წინააღმდეგ წააგეს, მოსალოდნელი იყო,რომ პასუხისმგებლობისგან თავის ასარიდებლად ამგვარ ცრუ ბრალდებებს მიმართავდნენ.“
ჯერ უცნობია გამოიძიებს თუარა AFC ამ საკითხს, როცა ქალთა აზიის თასი უკვე კარსაა მომდგარი.
მოამზადა ანა სიბოშვილმა
ამის ვიდეოც მაქვს ნანახი, რა დაბრალება კაცია აშკარად. რა ექსპერტიზა უნდა ქალის და კაცის გარჩევას, უნახონ "პასპორტი", არის კიდე ათასი ნიშანი, სქესი რომ ჰქონდეს შეცვლილი რომ გამოჩნდება. მაგრამ როგორი საქმეა მთელი ირანი გიმტკიცებს ქალიაო და მოდი ნუ დაიჯერებ. განსაკუთრებით ეს ჩანს სხვა ქალი ფეხბურთელების გვერდში რომ დარბის და თამაშობს.
კაცია