16
მაისიდღის ზოგადი ასტროლოგიური პროგნოზი
ამერიკელი მსახიობისა და მომღერლის პერის ჰილტონის და კარტერ რეუმის ქორწილი კალიფორნიაში, პატარძლის ბაბუის სასტუმროში - Bel-Air- ში გაიმართა, რომელიც 61 მილიონ დოლარადაა შეფასებული. წვეულება პარასკევს დაიწყო, 3 დღე-ღამის განმავლობაში გაგრძელდა და თან კარნავალიც კი ახლდა.
- წყვილი ერთმანეთს 2020 წლის იანვრიდან ხვდებოდა. ჰილტონს მომავალმა მეუღლემ ცოლობა 2021 წლის თებერვალში პრივატულ კუნძულზე სთხოვა. ნიშნობის ვიდეო, ქორწილის შემდეგ პატარძალმა თვითონ გაავრცელა. ვიდეოში წყვილი თეთრებშია გამოწყობილი და სანაპიროზე მოსეირნობს.
რეუმი მუხლზე იჩოქებს და ჰილტონს ცოლობას სთხოვს. ამ დროს მომღერალიც ჩნდება, კარტერი პერისს ხელზე ბრილიანტის ბეჭედს უკეთებს და წყვილისთვის კიდევ უფრო ემოციური ხდება ეს მომენტი. მაყურებელს შეეძლება ეს კადრები ჰილტონის რეალითი შოუ - “Paris In Love”-ში ნახოს.
40 წლის პერის ჰილტონმა წვეულების განმავლობაში სულ 4-ჯერ გამოიცვალა კაბა - "მიყვარს სხვადასხვანაირი სამოსი, ამ მხრივ, რეუმი ჩემგან სრულიად განსხვავდება.“
- პერისის მეჯვარე გოგონებს Alice + Olivia-ს მსგავსი ვარდისფერი კაბები ეცვათ.
პერის ჰილტონისთვის ეს მეოთხე ნიშნობა იყო, თუმცა ქორწილი რიგით პირველია.
პერის ჰილტონმა "იუთუბის“ დოკუმენტურ ფილმში, "This is Paris”-ში ისაუბრა წინა ურთიერთობებზე და გამოტყდა, რომ ყველა მათგანში უწევდა ფიზიკურ თუ მორალურ ძალადობასთან შეგუება - "უკვე ისე ვიყავი შეჩვეული ამგვარ ურთიერთობებს, რომ მეგონა, ნორმალური იყო.“ თუმცა 40 წლის მილიონერი ამბობს, რომ კარტერთან ისწავლა, რა არის ნამდვილი სიყვარული და მასთან ერთად სიცოცხლის ბოლომდე აპირებს ყოფნას.
ჰილტონის და რეუმის ქორწილს მრავალი ცნობილი ადამიანი ეწვია: კიმ კარდაშიანი, ნიკოლ რიჩი, ემა რობერტსი, პაულა აბდული, დემი ლოვატო და სხვა.
მოამზადა ანა სიბოშვილმა
amaze uketesi kaci ver ishova??
ხომ არ ააცდინეს ??