მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არადიდგვაროვანზე ქორწინების გამო იაპონიის პრინცესა სამეფო ოჯახიდან "გააძევეს" - 21-ე საუკუნის ზღაპრული სიყვარულის ამბავი
10:23 / 27-10-2021
იაპონიის სამეფო ოჯახში სკანდალია. პრინცესა მაკო ოჯახის წევრების წინააღმდეგობის მიუხედავად, ცოლად გაჰყვა კაცს, რომელიც დიდგვაროვანი არ არის და არაფერი აკავშირებს საიმპერატორო ოჯახთან.
პრინცესა მაკოს რჩეული კეი კომუროა. ქორწინების გამო მაკოს სამეფო ტიტული ჩამოართვეს.
წყვილმა ურთიერთობა ოფიციალურად 26 ოქტომბერს გააფორმა. 30 წლის მაკომ, ტიტულს სიყვარული ამჯობინა. მან ჯერ კიდევ 4 წლის წინ განაცხადა, რომ კომუროზე დანიშნული იყო. პრინცესას ამ გადაწყვეტილებისთვის ბევრი კიცხავდა. მაკომ სახელმწიფოსგან 1 მილიონის მიღებაზეც კი უარი თქვა, რომ ხალხისთვის დაემტკიცებინა, თუ რაოდენ მნიშვნელოვანი იყო მისთვის კომუროსთან ოჯახის შექმნა. როგორც ცნობილია, ეს თანხა სამეფო ოჯახის დატოვების შემთხვევაში გადაეცემათ იმპერატორის ნათესავებს.
ქორწინების შემდეგ, წყვილი მედიის წინაშე წარსდგა და საკუთარი გრძნობების შესახებ გულახდილად ისაუბრა. 30 წლის კეი კომურამ მიღებულ გადაწყვეტილებაზე გულისამაჩუყებლად ისაუბრა:
"მე მიყვარს მაკო. ერთხელ ვცხოვრობთ და მსურს ეს დრო ჩემს საყვარელ ადამიანთან ერთად ბედნიერად გავატარო. მე და მაკოს თბილი და სიყვარულით სავსე ოჯახის შექმნა გვინდა. ჩვენ ერთმანეთს მხარში ამოვუდგებით ბედნიერებასა თუ განსაცდელში“, - ამბობს კეი კომურო.
ახლად დაქორწინებულებს ნიუ იორკში სურთ საცხოვრებლად გადასვლა, სადაც კომურო საადვოკატო ფირმაში მუშაობს.
- პრინცესა მაკოს საიმპერატორო გვირგვინის დადგმა მაინც არ ეწერა, რადგან იაპონიაში ქალების მმართველობა კანონით აკრძალულია. აგრეთვე, სამეფო ოჯახის ქალ წარმომადგენლებს, იაპონიის კონსტიტუციით, ოჯახსა და ტიტულზე უარის თქმა ევალებათ, თუ ისინი "უბრალო ადამიანზე" გათხოვებას გადაწყვეტენ.
წყვილს ოჯახის შექმნა ჯერ კიდევ 2018 წელს ჰქონდა დაგეგმილი, მაგრამ კომუროს დედასთან დაკავშირებული სკანდალის გამო, ქორწილი გადაიდო. უფრო დეტალურად კი - გავრცელდა ინფორმაცია, რომ მან ყოფილი საქმროსგან 36.000 დოლარი ისესხა და თანხა უკან აღარ დაუბრუნა. კომურომ ამაზე 28-გვერდიანი განცხადებაც კი დაწერა, სადაც ამტკიცებდა, რომ დედამისს ფული საჩუქარი ეგონა და დავის მოსაგვარებლად ის ფულადი ანაზღაურების გადახდაზეც იყო თანახმა.
ზოგიერთის აზრით, მარტოხელა დედის გაზრდილი უბრალო ბიჭი პრინცესას არ იმსახურებს, იმასაც ამბობენ, რომ მაკოს ის ცოლად ფულის გამო ირთავდა. ამგვარი სპეკულაციები წლების განმავლობაში გრძელდებოდა, რამაც კვალი დაამჩნია პრინცესას ფსიქიკაზე. ოქტომბრის დასაწყისში გავრცელდა ინფორმაცია, რომ მაკოს პოსტტრავმული აშლილობა ჰქონდა.
იაპონელი წყვილის სკანდალს ბევრი ბრიტანეთის პრინც ჰარისა და მეგან მერკლის ისტორიას ადარებს. ბევრი ფიქრობდა,
"სიტუაციის მსგავსების მიუხედავად, საეჭვოა, კეი კომუროს და მაკოს ისეთივე ყურადღება დაეთმოს ქორწინების შემდეგ, როგორიც ჰარის და მეგანს. ინგლისელი წყვილი ბევრად უფრო ხშირად ჩნდება კამერების წინ და საქველმოქმედო საქმიანობასაც ეწევა. ისინი გახსნილად ჰყვებოდნენ სამეფო ოჯახის ისტორიებს და ამით მილიონობით დოლარი იშოვეს. ეჭვი მეპარება, კომურო და მაკო მსგავსად მოიქცნენ, საერთოდაც, მგონია, რომ ეს ორი ჩვენი თვალსაწიერიდან უბრალოდ გაქრება", - ამბობს პორტლენდის შტატის უნივერსიტეტში იაპონიის საკითხების მკვლევარი კენ რუოფი.
მოამზადა ანა სიბოშვილმა
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
იუმორის გრძნობა დაკარგეთ,რა უნდა იაპონიას ევროკავშირში .
ბედნიერებას ვუსურვებ ამ წყვილს, სიყვარულისთვის მაკომ თუ მილიონზე და ტიტულზე თქვა უარი, ბევრს მეტიც შეუწირია (ვისთვის მილიონი და ტიტულია ბევრი და ვისთვის ლარი და ოჯახიდან "მოკვეთა")... ასე,რომ გაუმარჯოს წრფელ და უანგარო სიყვარულს!!!