20
მაისიდღის ზოგადი ასტროლოგიური პროგნოზი
ანასტასია შატალოვას მკვლელობის საქმეზე დაკავებულ ბიძინა ხასიას მეუღლის, ნატალია ბართაიას განცხადებით, დაკავებისას სამართალდამცავებმა ხასია აწამეს.
ბარქაიას თქმით, მისი მეუღლე უდანაშაულოა.
"ყველაფერი ტყუილია. აწამეს ხალხნო, არ უცემიათ, აწამეს, პროკურორები რასაც უნდა, იმას ამბობენ და მორჩა. 17-20 წელი რატომ უნდა იჯდეს ჩემი ქმარი, როცა ის დამნაშავე არ არის?
ჩემს ქმარს მე-8 სართულზე რომ აწამებდნენ, მე-5 სართულზე მესმოდა, ეს ნორმალურია? ბიძინა ლოგინის ქვეშ შეიძლება იმალებოდესო, 4 წლის ბავშვს ეძინა ლოგინზე, პოლიციელმა ბავშვს ხელი სტაცა და დივანზე დააგდო, ეს ნორმალურია ხალხნო? დღეს რაც პროკურატურამ გააკეთა, იმას ვაპროტესტებ",- განაცხადა ბარქაიამ.
ცნობისთვის, ანასტასია შატალოვა თბილისში, საბურთალოზე 18 ოქტომბერს მოკლეს. აღნიშნულთან დაკავშირებით სამართალდამცავებმა ბექა ლატარია, ბიძინა ხასია და ლევან რაჯავი დააკავეს.
ბექა ლატარიას ბრალი განზრახ მკვლელობის, ცეცხლსასროლი იარაღის უკანონოდ შეძენა - შენახვა - ტარებისა და განსაკუთრებით დიდი ოდენობით ნარკოტიკული საშუალების შეძენა-შენახვის მუხლით აქვს წარდგენილი.
ბიძინა ხასიას გამოძიება განსაკუთრებით მძიმე დანაშაულის დაფარვას, პოლიციელების სიცოცხლის მოსპობის მცდელობისთვის და საბრძოლო მასალის უკანონოდ შეძენა-შენახვა-ტარებას ედავება.
ლევან რაჯავს გამოძიება პოლიციისთვის წინააღმდეგობის გაწევას და ნარკოტიკული საშუალებების შეძენა-შენახვას ედავება.
რატომ მოკლა? ქალი არ გეცოდება?
ეს ქალი ნორმალურია ეხლა? მკვლელი ქმარი სახლში უზის და სხვას რას ედავება ერთი ვიცოდე? ამათ ხმა აქვთ საერთოდ ამოსაღები?უსირცხვილოები, ფულის გამო ადამიანის სიცოცხლის მოსპობა როგორ არაფერად მიგაჩნიათ, თქვენ ადამიანები გქვიათ ამის მერე?