მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შესაძლოა, განსასჯელის სკამზე აღმოჩნდეს ტრაგედიის შედეგად დაზარალებული პირი, რომელმაც ოჯახის წევრი დაკარგა" - დაკავებული ბუდაგოვის ადვოკატი
20:29 / 11-10-2021
ბათუმში, 26 მაისის ქუჩაზე საცხოვრებელი კორპუსის ჩამონგრევის საქმეზე, სავარაუდოდ, ბრალდებულთა წრე გაფართოვდება. ერთ-ერთი დაკავებულის ზაურ ბუდაგოვის ადვოკატის ინფორმაციით, შესაძლოა, განსასჯელის სკამზე აღმოჩნდეს ტრაგედიის შედეგად დაზარალებული ერთ-ერთი პირი, რომელმაც ოჯახის წევრი დაკარგა.
ამ ეტაპზე დაკავებულია სამი პირი: კორპუსის პირველი სართულზე არსებული ბინის მესაკუთრე ზაურ ბუდაგოვი და მის მიერ დაქირავებული ორი მუშა, მამა-შვილი ხუსეინ და გიორგი სურმანიძეები.
სამივე მათგანს აღკვეთის ღონისძების სახით პატიმრობა დღეს შეეფარდათ. დაკავებულებს ბრალი სისხლის სამართლის კოდექსის 240-ე მუხლის მეორე ნაწილით ედებათ, რაც მოსამართლის განმარტებით, შიდა პატიმრობას, ან ორიდან ხუთ წლამდე თავისუფლების აღკვეთას ითვალისწინებს.
ზაურ ბუდაგოვის ადვოკატი, რამინ პაპიძე Ambebi.ge -ს ეუბნება, რომ მისი დაცვის ქვეშ მყოფი გამოძიებასთან თანამშრომლობს და ცდილობს, სამართალდამცავებს მაქსიმალური ინფორმაცია მიაწოდოს. სავარაუდოდ, სწორედ მისი ჩვენება გახდება ბრალდებულთა წრის გაფართოების საფუძველი. ბუდაგოვმა გამოძიებისთვის მიცემულ ჩვენებაში თქვა, რომ სამშენებლო სამუშაოების დაწყებამდე სპეციალისტებთან გაიარა კონულტაცია და გადაწყვეტილება მხოლოდ მათი რეკომენდაციის შედეგად მიიღო.
ბუდაგოვი საკუთარ ჩვენებაში ასახელებს პროფესიონალებს, რომლებმაც იგი დაარწმუნეს, რომ კორპუსის პირველ სართულზე წარმოებული სამშენებლო სამუშაოები აბსოლუტურად უსაფრთხო იქნებოდა. ადვოკატის თქმით, ერთ-ერთი მშენებელი, რომელმაც სამუშაოებისთვის პროექტი შეადგინა და უშუალოდ აძლევდა მითითებებს მუშებს, ტრაგედიის შედეგად დაზარალებული პირია.
"ის (ბუდაგოვი) არ არის ისეთი უპასუხისმგებლო ადამიანი, რომ თვითნებურად, სრულიად დაუკითხავად ეწარმოებინა ეს სამუშაოები. როგორც თვითონ ამბობს, დაუკავშირდა რამდენიმე მშენებელს, ინჟინერს, რომლებიც ამ დარგის სპეციალისტები არიან და მხოლოდ მას შემდეგ დაიქირავა მუშები. ჯერჯერობით ის პირები, რომლებსაც ჩემი დაცვის ქვეშ მყოფი ასახელებს, დაკითხულები არ არიან. თითქმის ყველა მტკიცებულება აქვს ამოღებული გამოძიებას, მათ შორის მიმოწერები, სადაც ეს ყველაფერი დასტურდება. ერთ-ერთი მშენებელი, რომელმაც ბუდაგოვი დაარწმუნა, რომ ეს სამუშაოები ზიანის მომტანი არ იქნებოდა, არის ამავე კორპუსში მცხოვრები პირი, რომელმაც ოჯახის წევრი დაკარგა" - ამბობს ადვოკატი.
რამინ პაპიძე მიიჩნევს, რომ ზაურ ბუდაგოვისა და მის მიერ დაქირავებული მუშების დაკავება უსაფუძვლო გადაწყვეტილება იყო. ადვოკატის თქმით, სანამ ექსპერტიზის დასკვნა არ გახდება ცნობილი, ვინმეს ბრალეულობაზე საუბარი არასერიოზულია.
"სამართალდამცავმა უწყებებმა უპასუხეს საზოგადოების ვნებათაღელვას. მომხდარიდან რამდენიმე საათში დააკავეს ეს პირები. ხომ არის თეორიულად იმის შანსი, რომ შენობის ნგრევა სხვა რამეს გამოეწვია?! დაკავებულები ყვებიან, რომ კორპუსის სიახლოვეს ერთდროულად რამდენიმე მძიმე ტექნიკა მუშაობდა, რის გამოც იყო საგრძნობი ვიბრაციები. მიმდინარეობდა გზის გაყვანის სამუშაოები და მშენებლობა საცხოვრებელი კორპუსის უკან ეზოში. პატიმრობის შეფარდების საფუძვლად მოსამართლე მიიჩნევს 2 დაკავებული მუშის ჩვენებას, რომელიც ჩემი პოზიციით გამომძიებელმა მიაცემინა მათ. მუშების ჩვენებით, მათ ბუდაგოვმა უთხრა, რომ მოსანგრევი იყო მზიდი კედელი და მათ ეს გააკეთეს. დარწმუნებული ვარ, არც კი იციან ამ ტერმინის მნიშვნელობა. გამომძიებელი ეცადა, რომ დაპატიმრების მეტი საფუძველი შეექმნა" - ამბობს პაპიძე.
მკითხველის კომენტარები /
31 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ოღონდ აიცილონ და სხვას შეტენონ''..'..
"იმან მითხრა, ამან ესე თქვა..." ბიჯო, შვილო, ყველანაირი ნებართვა უნდა იყოს ქაღალდზე დაწერილი, ხელმოწერილი და ბეჭედდარტყმული!!! სად, რომელ საუკუნეში, რომელ ქვეყანაში ცხოვრობთ??? ადრე თქვენთან ულვაშს გამოიძრობდნენ ხოლმე და იმას გაძლევდნენ! ეგ მაინცა გაქვთ???