მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
3 სამედიცინო აპარატი, რომელსაც პაციენტები სახლში მკურნალობისას საჭიროებენ
10:14 / 22-09-2021
შეგრძნება, რომ არ შეგიძლია, ღრმად ჩაისუნთქო, დაუკმაყოფილებლობის განცდას, აფორიაქებას, სტრესს და შფოთვას იწვევს. ეს პრობლემა კიდევ უფრო აქტუალური გახდა კოვიდ პანდემიის გამო, რადგან დაინფიცირებულთა დიდ ნაწილს სწორედ სუნთქვითი პრობლემები აწუხებს, რაც ფილტვების დაზიანებით არის გამოწვეული.
აღნიშნულ პრობლემას ინფიცირებულები განსაკუთრებით განიცდიან მაშინ, როცა მკურნალობის კურსს სახლში გადიან, რადგან აქვთ შეგრძნება, რომ საჭიროების შემთხვევაში, სწრაფად ვერ მიიღებენ გადაუდებელ სამედიცინო დახმარებას. მსგავსი შფოთვა და შიში არამხოლოდ ჩვენთან, არამედ მსოფლიოს სხვა ქვეყნებშიც აწუხებთ, ამიტომ სულ უფრო აქტუალური ხდება იმგვარი სამედიცინო აპარატურის შეძენა, რომელსაც ნებისმიერი ადამიანი სამედიცინო განათლების გარეშეც სწრაფად და ეფექტურად გამოიყენებს და თავის ჯანმრთელობის მდგომარეობას გააკონტროლებს.
სანამ აპარატურის მიმოხილვაზე გადავალთ, მოკლედ აღვწეროთ, COVID-19-ის გარდა რა იწვევს სუნთქვის გაძნელებას. სუნთქვის უკმარისობა ხდება მაშინ, როცა სხეულის შესაძლებლობა, ჩაისუნთქოს ჰაერი არ ემთხვევა ტვინის ბრძანებებს. ამერიკის ფილტვების ასოციაციის ინფორმაციით, სუნთქვის გაძნელებას სამედიცინო ენაზე დისპნეას უწოდებენ და აღნიშნული პრობლემა შეიძლება გამოწვეული იყოს როგორც ჯანმრთელობის სერიოზული პრობლემით, ისე უბრალოდ ფიზიკური გადაღლილობით ან სტრესით. სუნთქვის გაძნელებასთან დაკავშირებული სერიოზული დაავადებებია ასთმა, ფილტვების ქრონიკული ობსტრუქციული დაავადება, გულის დაავადება (გულის შეტევა, გულის უკმარისობა), ანემია, სისხლის კოლტები ფილტვებში (ფილტვის ემბოლია). თუ გრძნობთ სუნთქვის გაძნელებას, მკერდის ტკივილს ან ზეწოლას, კარგავთ გონებას და გაწუხებთ გულისრევა, სასწრაფოდ მიმართეთ ექიმს.
რაც შეეხება სამედიცინო აპარატურას, რომელიც ადამიანებს სახლის პირობებში სუნთქვითი პრობლემების გამოვლენასა და მოგვარებაში ეხმარება (რა თქმა უნდა, ექიმის დანიშნულებით), მათი ჩამონათვალი ასეთია: ჟანგბადის კონცენტრატორი, პულსოქსიმეტრი და სუნთქვის აპარატი.
ჟანგბადის კონცენტრატორი არის მოწყობილობა, რომელიც უზრუნველყოფს ჟანგბადის კონცენტრირებას გაზის წყაროდან, აზოტის შერჩევითი ამოღებით, რათა ჟანბგადით გაჯერებული აირის ნაკადი წარმოქმნას.
მოწყობილობის გამოყენებისას სისხლში იზრდება ჟანგბადის შემცველობა, რათა ორგანოებმა გამართულად შეძლონ ფუნქციონირება. კონცენტრატორებს იყენებენ როგორც საავადმყოფოებში, ისე სახლებში, ასევე, შეგხვდებათ სპორტდარბაზებში და სხვა არასამედიცინო პროფილის ადგილებში.
ჟანგბადის კონცენტრატორი განსაკუთრებით აქტუალური გახდა კოვიდ პანდემიის პერიოდში, შინ მკურნალობის დროს. მოწყობილობას მხოლოდ ფილტრის გაწმენდა სჭირდება, სხვა სპეფიციკური დეტალების გათვალისწინება არ გიწევთ. უბრალოდ, გახსენით კონცენტრატორის ბოთლი და ნახევრამდე გაავსეთ სუფთა, გაფილტრული წყლით, დაახურეთ თავი და მოათავსეთ აპარატზე მისთვის განკუთვნილ ადგილას, გახსენით ფილტრის სახურავი, რომელიც როგორც წესი, მოწყობილობის უკანა მხარეს უნდა იყოს მოთავსებული და ამოიღეთ კონცენტრატორის მილი და ბოთლის სახურავზე ფრთხილად დაამაგრეთ, მისი მეორე ნაწილი კი შეუერთეთ აპარატის მეტალის თავს. აღნიშნული პროცედურის შემდეგ დაგჭირდებათ მეორე მილი, რომლის მეშვეობითაც უშუალოდ პაციენტმა უნდა მიიღოს ჟანგბადი. აღნიშნული მილის ერთი ბოლო შეუერთეთ ბოთლის თავს, შემდეგ აპარატი შეაერთეთ დენის წყაროში, ჩართეთ ის და როგორც კი ჟანგბადის გამომუშავებას დაიწყებს, გამოსაყენებლად მზადაა.
მოწყობილობას იყენებენ მაშინ, როცა ფილტვების მაღალი დაზიანების გამო პაციენტს დამოუკიდებლად სუნთქვა არ შეუძლია.
პულსოქსიმეტრი სისხლის ჟანგბადით გაჯერების მაჩვენებელია. მოგეხსენებათ, კორონავირუსის ერთ-ერთი პრობლემური გართულება ვირუსული პნევმონიაა, რომლის მძიმე მიმდინარეობის დროს მკვეთრად ქვეითდება სისხლის ჟანგბადით გაჯერების მაჩვენებელი ანუ სატურაცია. სწორედ აღნიშნული მაჩვენებელი განსაზღვრავს პნევმონიის სიმძიმეს, როცა სხვა კვლევის ჩატარება ბინაზე ვერ ხერხდება.
სატურაციის გასაზომად მცირე ზომის კომპაქტური და თანამედროვე მოწყობილობა პულსოქსიმეტრი გამოიყენება, რომელიც ერთნაირად მოსახერხებელია როგორც კლინიკაში, ისე ბინაზე მკურნალობისას. მოწყობილობის გადამწოდი თითზე მაგრდება და სულ რამდენიმე წუთში ეკრანზე ვხედავთ სატურაციისა და პულსის მაჩვენებლებს. სისხლის წითელი უჯრედები - ერითროციტები შეიცავს ცილა ჰემოგლობინს, რომელსაც გადააქვს ჟანგბადი ორგანიზმში. როცა პულსოქსიმეტრი გვაჩვენებს 96%-ს, ეს ნიშნავს, რომ ჰემოგლობინის 96%-ს გადააქვს ჟანგბადი, 4%-ს კი - არა.
სატურაციის მაჩვენებლის მიხედვით განისაზღვრება, სჭირდება თუ არა პაციენტს ჟანგბადის მიწოდება და ასევე საჭიროა თუ არა ჰოსპიტალიზაცია. ჯანმრთელ ადამიანს ეს მაჩვენებელი 95% ან მეტი უნდა ჰქონდეს. ბინაზე მკურნალობის პერიოდში სასურველია, პულსოქსიმეტრზე ხელმისაწვდომობა გვქონდეს, სწორედ ამიტომ, პანდემიის გავრცელებასთან ერთად, როგორც საქართველოში, ისე მსოფლიოს სხვა ქვეყნებში მასზე მოთხოვნა მნიშვნელოვნად გაიზარდა.
ფილტვების „სავარჯიშო“ სუნთქვის აპარატი
ალბათ ისე, როგორც არასდროს, დღეს დიდი მოთხოვნაა ფილტვების სავარჯიშო აპარტზე, რომელიც პირდაპირ COVID-19-ის გართულებებთან არის დაკავშირებული.
აპარატის გამოყენებით „ვავარჯიშებთ“ ფილტვებს და არ ვაძლევთ მოდუნების, ვირუსთან დანებების საშუალებას. მოწყობილობა, რა თქმა უნდა, მხოლოდ კოვიდის გართულებების თავიდან ასაცილებლად არ არის განკუთვნილი, არამედ ის გამოიყენება პოსტ ოპერაციულ პერიოდში, რეაბილიტაციისთვისაც.
მისი გამოყენება მარტივია: მოწყობილობას მიმაგრებული აქვს მსხვილი მილი, ასევე, აქვს მარკერი, რომელიც გვიჩვენებს პროგრესს და ინდიკატორი, რომელიც სწორად სუნთქვის შესახებ უკუკავშირს გვაძლევს. მისი გამოყენება შესაძლებელია როგორც მწოლიარე, ისე მჯდომარე მდგომარეობაში. მოწყობილობა უნდა დავიჭიროთ ჩვენს პირდაპირ, ნიკაპის გასწვრივ, კარგად ჩავისუნთქოთ, სანამ მის გამოყენებას დავიწყებთ, შემდეგ მოვათავსოთ მილი პირში და რაც შეიძლება ნელა და ღრმად დავიწყოთ სუნთქვა. სავარჯიშოები უნდა შევასრულოთ ექიმის რეკომენდაციით.
ჩამოთვლილი სამივე მოწყობილობა ხელმისაწვდომია „თბილისი მედიკში“ და მისი შეძენა ნებისმიერ მსურველს შეუძლია. ყველა მათგანი შინ მკურნალობის პროცესს უფრო ამარტივებს და გამოჯანმრთელებაში გვეხმარება.
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბარემ ფასებიც მიგეწერათ.
პულსოქსიმეტრი ავერსში 1 თვის უკან ვიყიდე 50 ლარად.დანარჩენი მეც მაინტერესებს