მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველოში მომუშავე ყველა ფსიქიატრმა და ფსიქოლოგმა ერთად უნდა გავაფსიქოპათოთ, დავარბიოთ სუს-ის შენობა" - რას წერს ნათია ფანჯიკიძე
11:18 / 21-09-2021
მედიაში გავრცელებული ინფორმაციით, ე.წ. სუს-ის ფარულ ჩანაწერებში არა მხოლოდ რელიგიური კონფესიების წარმომადგენლების, სახელმწიფო უწყებების თანამშრომლების, ჟურნალისტების, ადვოკატების, მმართველი პარტიის წარმომადგენლების და ბიზნესმენების, არამედ ფსიქოლოგებისა და ცნობილი ექიმების ჩანაწერებიცაა. არსებული ინფორმაციით, უსმენდნენ ფსიქიკურ ჯანმრთელობაზე მომუშავე ცნობილ პირებსა და მათ ცნობილ პაციენტებს.
აღნიშნულ ინფორმაციას სოციალურ ქსელში ეხმაურება ფსიქოლოგი ნათია ფანჯიკიძე.
"აი, თუ დადასტურდა, რომ მენტალური ჯანმრთელობის სერვისებსაც უსმენდა სუს-ი (ძალიან მინდა, რომ ეს მაინც ტყუილი იყოს), რაც იმას ნიშნავს, რომ ორმაგ დანაშაულს ჩადიოდა, - მოსმენის უკანონობის გარდა, პაციენტს ცალკე იცავს კანონი, - ჩემი აზრით, საქართველოში მომუშავე ყველა ფსიქიატრმა და ფსიქოლოგმა ერთად უნდა გავაფსიქოპათოთ, დავარბიოთ სუს-ის შენობა, ან სულაც, ზურა-გირჩი დავიხმაროთ, ყურადღების გადატანის მიზნით მანქანები ლეწოს, სანამ ჩვენ ბენზინით მოვრწყავთ ბოროტების, უკანონობის და უზნეობის ბუდეს და მერე ყველა ერთად დაგვაპატიმრონ, სამეცნიერო მუშაობა ისე გაიშვიათებულია, ძალიანაც ნაყოფიერი იქნება ჩვენი ყველას ერთად გამოკეტვა. ფუ, თქვე ვირთხებო მართლა, სად დაიბადეთ, სად შეიყარეთ, ვინ გამოგიგონათ ასეთები", - წერს ფსიქოლოგი.
ცნობისთვის, ფსიქიკურ ჯანმრთელობაზე მომუშავე ორგანიზაციები და ასოციაციები ე.წ. სუს-ის ფარულ ჩანაწერებთან დაკავშირებით ერთობლივ განცხადებას ავრცელებენ და მთავრობას მოუწოდებენ, გაანადგურონ არსებული ჩანაწერები და გამოიძიონ დანაშაული. ასევე, მათი განცხადებით, უწყებებმა უნდა გამოიძიონ ამ პრობლემის ფესვები და მოახდინონ ცვლილებები, რომელიც მომავალში ამგვარი ავთვისებიანი სისტემური ქმედებებისგან დაგვაზღვევს.
"საქართველოში მოქმედი ფსიქიკური ჯანმრთელობის დარგში მომუშავე პროფესიული ასოციაციები გამოხატავენ შეშფოთებას იმ ფაქტთან დაკავშირებით, რომ გავრცელებული ინფორმაციის თანახმად, შესაძლოა ქვეყანაში ისმინება და შესაბამისად, არ არის დაცული ფსიქიკური ჯანმრთელობის სერვისების - ფსიქოლოგიური კონსულტირების, ფსიქოთერაპიის, ფსიქიატრიული დახმარების უსაფრთხოება. ეს დიდ ზიანს აყენებს იმ ადამიანებს, ვინც დახმარებისთვის მიმართავს შესაბამის მომსახურებასა და სპეციალისტებს, და შესაძლოა ტრაგიკულ შედეგებამდე მიგვიყვანოს. ეს, ასევე, ზიანს აყენებს ზოგადად ფსიქოლოგიური და ფსიქიატრიული დახმარების საქმეს, რამდენადაც ფსიქიკური ჯანმთელობის მომსახურების საბაზო ეთიკური წესების განხორციელებას შეუძლებელს ხდის. ეს არაჯანსაღი პრაქტიკა კონფლიქტშია კანონთან პირადი ცხოვრების ამსახველი ინფორმაციის ან პერსონალური მონაცემების ხელყოფა და ზოგადად ადამიანის უფლებების კონვენციასთან", - აცხადებენ ორგანიზაციები.
განცხადებას ხელს აწერენ:
- GSP საქართველოს ფსიქოტრავმის საზოგადოება;
- საქართველოს ფსიქიატრთა საზოგადოება;
- GABP საქართველოს სხეულზე ორიენტირებული ფსიქოთერაპიის ასოციაცია;
- საქართველოს იმდიარ საზოგადოება;
- სუპერვიზიის და კონსულტირების საქართველოს საზოგადოება;
- GIP გლობალური ინიციატივა ფსიქიატრიაში;
- GCRT წამების მსხვერპლთა ფსიქოსოციალური და სამედიცინო რეაბილიტაციის ცენტრი.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა გინდა მშვენიერი ლამაზი შენობაა.)))
სუსი დავარბიოთოოო? არიქა!
ნელნელა ვხვდები ბოლშევიკებს რატომ არ გაუჭირდათ ჩვენი გაპარტახება. ჩვენ იმათზე უარესები ვართ!