მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია -
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს გადაწყვეტილება ბჟანია-ანქვაბის რუსეთთან დაახლოების გამოვლინებაა" - როგორ ეხმაურებიან აფხაზები გალის სკოლებში ქართული ენის ამოღებას?
20:18 / 14-09-2021
ოკუპირებული გალის რაიონის სკოლებში, სადაც ქართული ენა ერთ საგნად, უცხო ენის სტატუსით ისწავლებოდა, სრულად ამოიღეს. გალის ყველა სკოლა რუსულ ენაზე გადავიდა. ადგილობრივი მოსახლეობა ვარაუდობს, რომ აფხაზეთის ე.წ. ხელმძღვანელობის ამ გადაწყვეტილების მიზეზი ბჟანიასა და პუტინს შორის ბოლო დროს, ეკონომიკური საკითხების გარშემო შემდგარი მოლაპარაკებები გახდა.
ხელოვნური ბარიერების მიუხედავად, გალელები მაინც ცდილობდნენ, თავიანთი შვილებისთვის განათლება ქართულ მხარეს არსებულ საგანმანათლებლო დაწესებულებებში მიეღოთ. მიუხედავად იმისა, რომ ქართული სახელმწიფო მათ უგამოცდოთ ჩარიცხვასა და შემდეგ, უფასო სწავლებას ჰპირდებოდა, მაინც ცდილობდნენ, რომ შვილები ქართული ენის სპეციალისტებთან მოემზადებინათ. ადგილობრივი სკოლებიდან ქართული ენის ამოღების შემდეგ, ისინიც უფუნქციოდ დარჩნენ.
"მცირე ნაწილი, ვისაც ნათესავები ან ოჯახის წევრები რუსეთში, საცხოვრებლად ან სამუშაოდ ჰყავდათ წასული, უმღალესი განათლების მისაღებად იქ მიდიოდნენ. კიდევ უფრო მცირე ნაწილი, სოხუმში აგრძელებდა სწავლას, მაგრამ უმეტესობა მაინც ქართულ მხარეს გადმოდიოდა, რადგან ქართულ უმაღლეს სასწავლებლებში სწავლის შემდეგ, იქ დასაქმების პერსპექტივაც უჩნდებოდათ.
არ ვიცი, როგორ აისახება ეს შეზღუდვა მოზარდებზე. ორი ვარიანტი არსებობს - პირველი, როგორც კი ბავშვი სასკოლო ასაკის გახდება, ახალგაზრდა ოჯახი ქართულ მხარეს გადავა საცხოვრებლად, რათა ბავშვის ინტეგრაცია დროულად მოხდეს...
მეორე ვარიანტი ასეთი შეიძლება იყოს - დროთა განმავლობაში, იმიტომ, რომ ადგილობრივებმა სიმწრით შენარჩუნებული სახლ-კარი არ დატოვონ, ან სოხუმის ე.წ. უმაღლეს სასწავლებელში გაუშვებენ შვილებს, ან რუსეთში, ნათესავებთან, სადაც პარალელურად, მაღაზიებში, ზოგადად, სავაჭრო სფეროში მუშაობის შესაძლებლობაც ექნებათ..." - ამბობს AMBEBI.GE-სთან საუბარში ერთ-ერთი გალელი.
კიდევ ერთი მათგანის თქმით, ბჟანია-ანქვაბის გუნდისთვის წინა "ხელმძღვანელობის" გადაწყვეტილების გაუქმება წამგებიანი იქნებოდა. ამიტომ წინა გუნდის დაწყებულ გზას გაჰყვა.
"ისინი, სავარაუდოდ, ვერ ცვლიან გადაწვეტილებას, თორემ ამ ხელმძღვანელობისგან ასეთი რადიკალური ზომები გასაკვირიც არის. თუ ხაჯიმბა და მისი გუნდი, წარამარა კეტავდა ენგურის გზას, ბჟანიას გუნდი ბევრად ლოიალურია ჩვენს მიმართ" - ამბობს კიდევ ერთი ადგილობრივი, რომელიც სოფელ ჭუბურხინჯში ცხოვრობს.
გალის რაიონის სკოლებში ქართული ენის შეზღუდვა ჯერ კიდევ რაულ ხაჯიმბას დროინდელმა კადრმა, თემურ ნადარაიამ დაიწყო, რომელიც გალის ე.წ. ადმინისტრაციის უფროსის პოსტზე მუშაობდა. ნადარაიას რადიკალურად ანტიქართული განწყობები თავად აფხაზებსაც კი აღიზიანებდათ.
აფხაზების თქმით, 30 წლის განმავლობაში, ვერც ერთმა "ხელმძღვანელობამ" ვერ შეძლო გალის მოსახლეობის დანარჩენ აფხაზეთთან ინტეგრაცია და ეს პროცესი დღემდე გრძელდება...
"გალის რაიონი, არც საქართველოს ეკუთვნის არც აფხაზეთს. ვისაც როგორც და სადაც მიუხერხდებოდა, ისე იღებდა განათლებას. ასე რომ, ძალიან სწორად იქცევა ჩვენი ხელისუფლება, თუ აფხაზეთის ნაწილი არიან, კეთილი ინებონ და ადაპტირდნენ. საკმარისია, ამდენი ცალკე ავტონომია რომ ჰქონდათ..." - წერს სოციალურ ქსელში ლუიზა ცკუა.
"ეს გადაწყვეტილება ბჟანია-ანქვაბის რუსეთთან ეკონომიკური დაახლოების ერთ-ერთი გამოვლინებაა. აი, ჩვენც ვმუშაობთ, უმცირესობას ასე ვებრძვიო, ეუბნებიან... დაველოდოთ, რა მოხდება, მაშინ, როდესაც სომხები მოითხოვენ სომხურენოვან სკოლებს" -აღნიშნავს ზურა ადლეიბა.
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მალე ქართულ მოსახლეობის ტერორი დაიწყება მათი სრული გამოძევების მიზნით
ნადარაიას ანტიქართული განწყობები :) ეჰ აფხაზეთში დღს ვხვდებით ჩაკვეტაძეს, ფიფიას და სხვა მრავალ ქართულ გვარებს... საქართველო ქართველზე მეტად არავის ეზიზღება - ეს არის იყო და იქნება ჩვენი უბედურება...