მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოში "ფაიზერით" 3 ბავშვია აცრილი - რა შემთხვევაში უნდა ჩაუტარდეთ 12 წლის ზემოთ მოზარდებს ვაქცინაცია და როდის არის კატე - ს გადაღება რეკომენდირებული?
15:39 / 03-09-2021
საქართველოში უკვე სამი არასრულწლოვანი ბავშვია აცრილი, - ამის შესახებ ინფორმაცია პედიატრმა თემურ მიქელაძემ ambebi.ge-სთან ინტერვიუში დაადასტურა. ბავშვებს "ფაიზერით" ვაქცინაცია მშობლების მიმართვის საფუძველზე ჩაუტარდათ, ამერიკის პედიატრთა ასოციაციის რეკომენდაციით და ასევე ერთ-ერთი ბავშვის შემთხვევაში, გერმანელი ექიმი ითხოვდა, რომ ამ პაციენტისთვის აუცილებელი იყო ვაქცინაცია, რადგან ინფიცირების შემთხვევაში შეიძლება მისი სიცოცხლე რისკის ქვეშ დამდგარიყო. აცრილ არასრულწლოვანებს თანდაყოლილი პათოლოგიები ჰქონდათ, მათ შორის ერთ-ერთი ორგანოგადანერგილი ბავშვი იყო.
"აცრილი ბავშვებიდან ორი მათგანი 12 წლის იყო, მესამე - 15 წლის. ერთ-ერთმა უკვე გადაიტანა კოვიდი და საკმაოდ მსუბუქად, ახლა მეორე დოზითაც ავცრით. ზოგადად ბოლო სამი დღეა, ბავშვებში მომართვიანობა შემცირდა. აქამდე დღეში 25-30 პაციენტს ვიღებდი და 4-5 შემთხვევაზე ჩამოვიდა. ეს, წესით, კარგი მაჩვენებელი უნდა იყოს", - ამბობს ექიმი.
მისი თქმით, თუ საქართველოში 12 წლის ზევით ბავშვების აცრა დაიწყება, ეს უნდა მოხდეს მხოლოდ იმ ბავშვების შემთხვევაში, ვინც რისკ-ჯგუფებში არიან. ესენი არიან: ორგანოგადანერგილი ბავშვები, ასევე ვისაც აქვთ შაქრიანი დიაბეტი, გადიან ქიმიოთერაპიის კურსს, აქვთ თირკმელების დაავადებები:
"რეკომენდაციას ვუწევ მხოლოდ რისკ-ჯგუფების აცრას "ფაიზერის" ვაქცინით, რამეთუ ბავშვებს მაინც მსუბუქად გადააქვთ ავადმყოფობა. კორონავირუსული ინფექციით 4500-ზე მეტი პაციენტი ვმართე და აქედან მხოლოდ 27 ჰოსპიტალიზაცია მქონდა და არც ერთი ლეტალური შედეგი. ბავშვებს, რომლებსაც არ აქვთ თანდაყოლილი ან ქრონიკული პათოლოგია, გადააქვთ შედარებით მსუბუქად. ამიტომ უნდა აიცრან ის ბავშვები, ვისაც ეს პათოლოგიები აღენიშნებათ".
მშობლები ხშირად ვერ ანსხვავებენ კორონავირუსსა და ნაწლავურ ინფექციას, რადგან ორივე შემთხვევაში დაავადების ერთ-ერთი პირველი სიმპტომი ფაღარათია. ექიმი ამბობს, რომ ამას ხშირად ექიმებიც ვერ ხვდებიან, რადგან დელტა შტამისა და ნაწლავური ინფექციის კლინიკა ძალიან ჰგავს ერთმანეთს, ამიტომ უნდა მოხდეს კოვიდზე ტესტირება.
სოციალურ ქსელში მშობლები ხშირად გამოთქვამენ უკმაყოფილებას, რომ მათ ბავშვს რამდენიმე დღეა სიცხე აქვს და ექიმები "კატეს“ არ უღებენ.
Ambebi.ge-ს კითხვაზე, რა შემთხვევაში უნდა გადაუღონ ბავშვს ფილტვებზე კომპიუტერული ტომოგრაფია, პედიატრი ამბობს, რომ ეს მხოლოდ ექიმის გადასაწყვეტია.
"ეს ექიმმა უნდა გადაწყვიტოს, თუ ის მიიჩნევს საჭიროდ, მაშინ უნდა ჩატარდეს ეს კვლევა, რადგან კომპიუტერულ ტომოგრაფიას აქვს ზედმეტი გამოსხივება. საერთოდ, ბავშვებში ფილტვების ერთი ან ორქულიანი დაზიანება არაფერს გვაძლევს. პნევმონიის დროს ყოველთვის არის რაღაც ქულები", - გვპასუხობს პედიატრი.
ბავშვთა ასაკში კორონავირუსის ბოლო სტატისტიკა კი ასე გამოიყურება - 14 წლამდე ბავშვებში ინფიცირების მაჩვენებელია 15 პროცენტი, 19 წლამდე ახალგაზრდებში კი - 20 პროცენტი.
ამ ეტაპზე 12 წლიდან ასაკის ბავშვებში მხოლოდ ორ ვაქცინას აქვს მიღებული მსოფლიო ჯანდაცვის ორგანიზაციის ავტორიზაცია - ეს არის "ფაიზერი“ და "მოდერნა“. ბავშვებში ვაქცინაცია დაწყებულია კანადაში, აშშ-ში, იტალიაში, საფრანგეთში, გერმანიასა და ბელგიაში.
3 წლიდან "სინოვაკითა“ და „სინოფარმით“ ვაქცინაცია დაშვებულია ჩინეთში.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვი უტვინო მშობლის ხელში ცოდოა!!!
სამწუხაროდ ამისი აღარ დაიჯერება არაფერი.!