მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ მოხვდნენ კორონავირუსის ვაქცინით ორჯერადად აცრილი ადამიანები რეანიმაციაში - "ამის განმაპირობებელი თანმხლები დაავადებები იყო"
15:32 / 20-08-2021
ასეთი შემთხვევები ერთეულია, ამის განმაპირობებელი თანმხლები დაავადებები იყო, - ასე უპასუხა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ, მედია ვებინარზე დასმულ შეკითხვას, თუ რატომ გახდა კორონავირუსის ვაქცინით ორჯერადად აცრილი ადამიანების რეანიმაციაში განთავსება აუცილებელი.
გამყრელიძის თქმით, როცა გარშემო ამდენი ინფიცირებულია, ორჯერადად აცრილებიც ძალიან ფრთხილად უნდა იყვნენ, რადგან გადადების შანსი არსებობს.
„ჩემი ინფორმაციით, ასეთი შემთხვევები ერთეულია, რა თქმა უნდა, ამის განმაპირობებელი თანმხლები დაავადებები იყო. ის, რომ ორჯერ აცრილი იყო, ბევრს ეგონა და ჰგონია, რომ არ დაემართება კოვიდი და უფრო თავისუფლად არიან, არადა როცა გარშემო ამდენი ინფიცირებულია ორჯერადად აცრილებიც ძალიან ფრთხილად უნდა იყვნენ, იმიტომ, რომ გადადების შანსი, რა თქმა უნდა, არსებობს.
ხშირესად, როგორც გითხარით, 98-99% შემთხვევებში ძალიან იოლად წავა, მაგრამ შეიძლება იყოს 1%, ნახევარი პროცენტი, რომ დამძიმდეს ადამიანი. ამის ანალიზი ახლა კეთდება და ალაბთ ერთი თვე დაგვჭირდება, სექტემბერში გამოვაქვეყნებთ ანალიზსაც როგორ წავიდა ვთქვათ რეინფექცია ერთჯერადად და ორჯადად აცრილებში, მაგრამ მე რა ინფორმაციაც მაქვს, თითზე ჩამოსათვლელია, მითუმეტეს ორჯერადად აცრილების რეანიმაციაში განთავსება“, - განაცხადა გამყრელიძემ.
ამირან გამყრელიძის განცხადებით, ყველა ვაქცინა, რომელიც დღეს საქართველოში ადმინისტრირდება „ფაიზერი“, „ასტრაზენეკა“, „სინოვაკი“, „სინოფარმი“, იცავენ ადამიანებს დღეს მოცირკულირე ყველა შტამისგან, ოღონდ განსხვავებული პროცენტით.
როგორც მან ვებინარზე განაცხადა, ეს პროცენტი მერყეობს 70-დან-88%-ს შორის სხვადასხვა ვაქცინებზე.
„ისინი იგივე „დელტა“ შტამზეც მუშაობენ. ხაზს ვუსვამ, რომ ყველა ეს ვაქცინა იგივე „დელტა“ შტამთან მიმართებით მოქალაქეებს დაიცავს ჰოსპიტალიზაციისგან, დიდი ალბათობით რეანიმაციაში მოხვედრისგან, დამძიმებისა და სიკვდილიანობისგან. ეს ვაქცინები მუშაობენ „დელტა“ შტამზე. რაც შეეხება იმას, გვაქვს თუ არა რეინფიცირება აცრის შემდეგ? გვაქვს. სექტემბერშიც გამოვაქვეყნებთ ალბათ ივლის-აგვისტოს თვის მონაცემებს. ივნისის მონაცემებით, ერთჯერად აცრილებში გვქონდა 0.9% რეინფიცირება, ორჯერადად აცრილებში 0.3%. ეს თითქმის თანაბარი იყო ოთხივე ვაქცინაზე, რომელიც ივნისის ჩათვლით ადმინისტრირდებოდა. მაშინ ცოტა გვქონდა „ფაიზერი“ 30 ათასამდე დოზამდე, მეტი იყო ჩინური ვაქცინები და „ასტრაზენეკა“. ახლა უფრო მეტი დოზები ივლისსა და აგვისტოში გაკეთდა და სექტემბერში ახალ მონაცემებს გამოვაქვეყნებთ“, - განაცხადა გამყრელიძემ.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა დავიჯერო აღარ ვიცი, მე ორჯერ ვარ აცრილი და მესამეც მინდა, ამ დროს გამყრლიძე ამბობს 6, 7 კაცია რეინფიცირებულიო, მაისში კი ამბობდნენ 150 კაციო, აღარ ვიცი ვის დავუჯერო, იქიდან ფხაკაძე გვიჩიჩინებს ასტრაზენეკა არ მუშაობსო, სტრესში ვართ მუდმივად
Ამდენი ტყუილისგან გონება აერიათ. იმნაძემ თქვა ჩემები სინოფარმით ავცერიო და ორ დღეში განაცხადა ჩემი ორსული ქალიშვილი ფაიზერით აიცრაო.არ მჯერა არც მე და არც სხვებს.