18
მაისიდღის ზოგადი ასტროლოგიური პროგნოზი
"მთავარი არხის" თანამშრომელი, ლადო ვართანოვი "ფეისბუქის" პირად გვერდზე კორონავირუსით გარდაცვლილი ახლობლის შესახებ წერს და საზოგადოებას ვაქცინაციისკენ მოუწოდებს:
"საავადმყოფოში, ჩემს გვერდით ჩემი ასაკის ბიჭი იწვა. გავიცანი, დავახლოვდით, ბევრი საერთო ნაცნობი გვყავდა. სულ ვეხმარებოდი, ექიმს ვეძახდი, ჟანგბადის დარეგულირება ვისწავლე და როგორც მეტყოდა იმ დონეზე ვაყენებდი. სულ ვამხნევებდი.
როცა მე გამომწერეს, მითხრა, უშენოდ რა მეშველებაო, იყავი რა ცოტა ხანს კიდეო. მე ვუთხარი, შემპირდი, რომ მალე გამოხვალ ამ ჯოჯოხეთიდან მეთქი. კიო, გამოვალ, დაგირეკავ და აღვნიშნოთ გამოჯანმრთელებაო.
სულ ვურეკავდი, ვკითხულობდი.
დღეს, დარეკვა მინდოდა, თავი შევიკავე, ფეისბუქზე მის გვერდზე შევედი და უბედურება დამხვდა, ვაჟა გუშინ გარდაცვლილა. ისე ცუდად ვარ, ისე განვიცდი, ვერ აგიღწერთ.
ხალხნო, კოვიდი კლავს! შეეშვით ამ სიბნელეს და აიცერით! ვაჟაც ნანობდა, ნეტა ავცრილიყავიო, მაგრამ ვერ მოასწრო საწყალმა.
გაუფრთხილდით საკუთარ ჯანმრთელობას და სხვებსაც.
დღეში საშუალოდ 50 ადამიანი კვდება, ეს სახუმარო არ არის, არა!".
მართლაც, სრული სიბნელეა აცრის ეჭვქვეშ დაყენება. შარშან, მთელი პანდემუუს განმავლობაში ვაქვინის შექმნას ვნატრობდი და ვერც წარმოვიდგენდი, რომ 21-ე საუკუნის ადამიანი კიდევ ამდენად ბნელი იქნებოდა თავისი აზროვნებით.
,,ნათელგონებიანებთან'' შეკითხვა მაქვს: როცა იძახით, ანტივაქსერები სხვის სიცოცხლეს უქმნით საფრთხესო, სხვაში ვის გულისხმობთ? თუ ვაქსერები აიცრებით, ესეიგი დაცულები ხართ და მაშინ რისი გეშინიათ? ვაქცინები საკმარისი რაოდენობითაა, ვაქცინაცია ყველა ასაკისთვის დაშვებულია და არავინ არავის არ უშლის. აქედან დასკვნა, ამ ისტერიას მიზანმიმართულად ჰყვებით. არ თქვათ, რომ ჩვენზე ზრუნავთ, ხომ ხვდებით, ზედმეტად არადამაჯერებელია. აქვე, ვაქცინა საცდელია და გამოცდები საველე პირობებში მოსახლეობაზე ტარდება, ჩვენ არ ვიცით მისი მოქმედება გრძელვადიან პერიოდში. სტატისტიკა კი ისე დგება, რომ მის მიმართ ნდობა ეჭვქვეშ არის, მითუმეტეს იმ ადამიანების მიერ შედგენილი, ვინც გამოირჩევიან ურთიერთგამომრიცხავი განცხადებებით და მოქმედებებით. ამიტომ ვისაც უნდა, აიცრას, არავინ აკავებს, მისი ნებაა. შტამების შექმნას შევეხები, 1 წელი გასული იყო, რაც ვირუსის შესახებ შევიტყვეთ და იგივე ბრიტანული ან ინდური შტამის გაჩენის შემდეგ რატომ არ მოხდა ამ ქვეყნების სრული ჩაკეტვა? რა აზრი აქვს კოვიდ-პასპორტს, თუ ვაქცინირებული მაინც ავადდება და კოვიდ-გადამტანია? თუნდაც ჩვენთან, როდესაც ივნისის თვის ბოლოს მონაცემებით საქართველოში კორონავირუსი 400-ზე მეტმა ტურისტმა შემოიტანა. რატომ არ დაიცვეს უსაფრთხოების ფაქტორი? როცა ვაქცინის მიმართ ამდენი შეკითხვაა, მთავრობის ეს ნაბიჯი დივერსიას ჰგავს, რომელიც მიმართულია ვაქცინრების იძულებისკენ და ეკონომიკაზე ზრუნვით მართლდება. მეორე შეკითხვა: თუ ვაქცინირებულს ვირუსი მაინც ემართება და მისი გადამტანიცაა, რატომ არ უნდა დავუშვათ ის მოცემულობა, რომ ვაქცინირებულის სხეულში არსებული ვირუსი კიდევ უფრო ძლიერ იმუნიტეტს შეიძენს და უფრო ძლიერ შტამს წარმოქმნის? მითუმეტეს, ყველა ქვეყნის მეცნიერი აღიარებს, რომ ამ ვირუსზე ცოტა რამ ვიცით. ამიტომ შეეშვით ჭკუის სწავლებას და საკუთარ თავს მიხედეთ. განვმეორდები, ვისაც უნდა, აიცრას, არავინ აკავებს და აცრებიც საკმარისი რაოდენობითაა.