მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ კახა კალაძე გაერთო სხვა კონკურენტების შეურაცხყოფით, შეიძლება ელექტორატი მელიასკენ გადაიხაროს" - როგორ აფასებენ ექსპერტები მერობის კანდიდატების შანსებს?
11:38 / 24-07-2021
მეორე ტურის ალბათობა მაღალია, თუ კახა კალაძე ძალიან გაერთო სხვა კონკურენტების შეურაცხყოფით, შეიძლება იმდენად გააბრაზოს სხვა პარტიების ელექტორატი, რომ მელიასკენ გადაიხარონ, - ასე გამოეხმაურა პოლიტიკური ექსპერტი, გია ხუხაშვილი „ინტერპრესნიუსთან“ ოპოზიციის ერთი ნაწილის გადაწყვეტილებას, რომ მერობის კანდიდატი თბილისში ნიკა მელია იქნება, საკრებულოს თავმჯდომარეობის კანდიდატი ელენე ხოშტარია, ხოლო ზურაბ ჯაფარიძე ვიცე მერად განიხილება.
როგორც ხუხაშვილი აღნიშნავს, აღნიშნული კანდიდატები 2021 წლის თვითმმართველობის არჩევნებში, ფინალში გავლენ, თუმცა ძნელი სათქმელია, როგორი იქნება ეს ფინალი.
"ამ არჩევნების ამოცანა იმდენად არ უკავშირდება მერის პოზიციას, რამდენადაც სავარაუდო რიგგარეშე არჩევნების დანიშვნას. რაც შეეხება მათ შანსებს, ისინი ფინალში არიან, მაღალი ალბათობით ფინალში გავლენ. ეს ფინალი როგორ დასრულდება ძნელი სათქმელია. თავს შევიკავებდი პროგნოზებისგან, დინამიკაში უნდა განვიხილოთ ყველაფერი, ბევრი ფაქტორია შემოსული, იგივე კოვიდთან დაკავშირებული ვითარების ზემოქმედება ამ ყველაფერზე, ჩვენ არ ვიცით, ოქტომბრისთვის რა ვითარება გვექნება. გარდა ამისა, ვხედავთ, რომ ძალიან სერიოზული ლოკალური დაპირისპირებაა. გასაგებია, რომ კალაძე ერთი შეხედვით ფავორიტად გამოიყურება. იქიდან გამომდინარე, რომ ხელისუფლების პოზიციები დეგრადირებს ყველა მიმართულებით, სერიოზული სახელმწიფოებრივი პრობლემებია, ამან შეიძლება თავისი როლი ითამაშოს. გარდა ამისა, ძალიან მნიშვნელოვანია, რას იზამს გიორგი გახარია. თუ გახარიამ, თავისი ფალავანი შემოიყვანა ამ თამაშში, ეს კონიექტურას სერიოზულად შეცვლის. მეორე ტური გარდაუვალი იქნება, მეორე ტურთან დაკავშირებული პერიპეტიებიც უფრო ნაკლებად პროგნოზირებადი გახდება.
ალბათ, ბევრი კანდიდატი იქნება. „ლელო“ და „სტრატეგია აღმაშენებელი“ არ შეუერთდა ამ ოპოზიციურ ერთობას. ისინიც ალბათ, წარადგენენ კანდიდატებს. ეს იმუშავებს ხელისუფლების წინააღმდეგ. ისინი ძირითადად მაინც კალაძეს წაართმევენ ხმებს, შესაბამისად, მეორე ტურის ალბათობა მაღალია, მხარეების მთავარი საფიქრალია პირველი ტურის შემდეგ, თამაშგარეთ დარჩენილი კანდიდატების ელექტორატის მოზიდვას რომელი მხარე შეძლებს. კამპანიაც როგორც ერთი, ისე მეორე მხრიდან უნდა იყოს უფრო მეორე ტურზე ორიენტირებული, ვიდრე პირველზე.
თუ კახა კალაძე ძალიან გაერთო სხვა კონკურენტების ნეგატიური შეურაცხყოფით, ვხედავთ, რომ ხელისუფლებას არ უჭირს თავისი კონკურენტების შეურაცხყოფა და სიძულვილის ენით ელაპარაკება, შეიძლება იმდენად გააბრაზოს სხვა პარტიების ელექტორატი, რომ მელიასკენ გადაიხარონ, ან პირიქით მოხდეს. ბევრი ფაქტორია გასათვალისწინებელი.
ალბათ, გარკვეული უპირატესობა აქვს კახა კალაძეს, რაც ადმინისტრაციულ რესურსს, გარკვეულ ტექნოლოგიებს და მატრიცას, „ანტიმიშას“ გულისხმობს“, - აღნიშნავს ხუხაშვილი.
პოლიტოლოგი ვახტანგ ძაბირაძე მიიჩნევს, რომ ნიკა მელიას და „ნაციონალების“ მხარდაჭერა, მელიას პირადი რეიტინგის მიუხედავად, არ იქნება საკმარისი, რომ მათ კალაძისთვის მოგება შეძლონ.
როგორც ძაბირაძემ აღნიშნა, არჩევნებზე ოპოზიცის მხრიდან ნიკა მელიას კანდიდატობის შემთხვევაში დაპირისპირება მხოლოდ „ქართულ ოცნებასა“ და "ნაციონალურ მოძრაობას“ შორის იქნება, რა შემთხვევაშიც ამომრჩეველი გადაწყვეტილებას მმართველი გუნდის სასარგებლოდ მიიღებს.
"ნაციონალურმა მოძრაობამ“, შეიძლება ითქვას, ყველაზე რეიტინგული კანდიდატები დაასახელა, ვინც კი დღევანდელ ოპოზიციაშია. ასეთია მელიაც და ხოშტარიაც. ჯაფარიძის რეიტინგი ნამდვილად არ ვიცი.
რაც შეეხება ამ კანდიდატების კონკურენტუნარიანობას, ჩემი აზრით, ზოგადად ოპოზიციას არჩევანი უნდა გაეკეთებინა ადგილობრივ არჩევნებსა და რიგგარეშე არჩევნებს შორის და ამის მიხედვით ემოქმედათ. კონკურენტები, რა თქმა უნდა, არიან, მაგრამ არ მგონია, რომ მათ შეძლონ კალაძის დამარცხება.
მელიას და „ნაციონალების“ მხარდაჭერა, მელიას პირადი რეიტინგის მიუხედავად, არ იქნება საკმარისი იმისთვის, რომ მათ შეძლონ კალაძისთვის მოგება. ალბათ, იქნება მეორე ტური. მაგრამ ის, რომ ეს გუნდი შეძლებს კალაძის დამარცხებას, მეეჭვება. ყოველ შემთხვევაში ამას „ქართული ოცნება“ გამოიყენებს ისევ და ისევ იმ თეზისის გასათამაშებლად, რომ ხელისუფლებაში „ნაციონალები“ მოდიან, როცა დაპირისპირება რჩება „ნაციონალებსა“ და „ქართულ ოცნებას“ შორის, ამომრჩეველი გადაწყვეტილებას ძირითადად ღებულობს „ქართული ოცნების“ სასარგებლოდ.
ბოლოს ეს იყო საპრეზიდენტო არჩევნების დროს - მთლიანმა ოპოზიციამაც კი ვერ შეძლო „ქართული ოცნების“ კანდიდატის დამარცხება. თუმცა ობიექტურად, მაშინდელი ოპოზიციის საპრეზიდენტო კანდიდატი, შესაძლოა, უფრო ძლიერი ყოფილიყო, ვიდრე „ქართული ოცნების“,- განაცხადა ძაბირაძემ.
კითხვაზე, ოპოზიციისთვის ხომ არ აჯობებდა, რომ „ნაციონალურ მოძრაობასთან“ ნაკლებად დაკავშირებული საერთო კანდიდატი წარედგინა, ძაბირაძე ამბობს, რომ „ეს ვარიანტი ყველაზე უკეთესი იქნებოდა“.
"ლელომ“ გარკვეულწილად სცადა კიდეც საერთო, აპოლიტიკურ კანდიდატზე საუბარი, მაგრამ ასეთი კანიდატის მოძებნა საკმაოდ რთულია. ამასთან, „ნაციონალურ მოძრაობას“ სულაც არ უნდა სადაავეები გაუშვას ხელიდან. არის კიდევ რამდენიმე ვერსიაც - ნიკა მელია თუ სჭირდებათ იმისთვის, რომ არჩევნები მოიგოს, მაშინ ის მარცხდება, მაგრამ თუ ნიკა მელიას განიხილავენ, არა როგორც მხოლოდ არჩევნებში მონაწილეს, არამედ არჩევნების შემდგომ პერიოდში მოსალოდნელი საპროტესტო ტალღის ამგორებელს, მაშინ კი, ნიკა მელია უნდა ყოფილიყო. იმაშია საქმე, თუ რა განზრახვა აქვს „ნაციონალურ მოძრაობას“ და როგორ ხედავს თავის პერსპექტივას. გუშინ საოცარი გამოსვლა ჰქონდა ნიკა მელიას - მე ჯერ არ მინახავს ადამიანი, რომელიც ამბობდეს - საკრებულო იქნება ჩემი უფროსი და შემამოწმებს. ვინმე უფროსს და მაკონტროლებელს ეძებდეს, ასეთი რამ არ გამიგია. ასეთი აბსურდული რაღაცები ხდება.
ვფიქრობ ოპოზიციამ მთლიანობაში არასწორი ნაბიჯი გადადგა, რადგან მგონია, რომ ოპოზიციას უნდა ემუშავა არა იმაზე, ვინ იქნებოდა მერი ან საკრებულოს თავმჯდომარე, არამედ იმაზე, რომ „ქართულ ოცნებას“ 43% არ აეღო. ერთდროულად თან ქალაქისთვის იბრძოლოს და თან 43%-ზე იმუშავოს, ოპოზიციას რესურსი ნამდვილად არ გააჩნია. თუ ისინი უარს იტყოდნენ მერობის კანდიდატებზე, მაშინ ოპოზიცია იქნებოდა ერთიანი და ექნებოდათ საერთო ინტერესი მთელ ოპოზიციაში. მგონია, რომ თუ რაღაც ექსტრაორდინალური არ მოხდა, პირველ ტურში შეიძლება გაუჭირდეს, მაგრამ საბოლოოდ კალაძე გაიმარჯვებს“,- განაცხადა ძაბირაძემ.
ცნობისთვის, თბილისში ოპოზიციის ერთი ნაწილის მერობის კანდიდატი ნიკა მელია, საკრებულოს თავმჯდომარეობის კანდიდატი ელენე ხოშტარია იქნება, ზურაბ ჯაფარიძე კი ვიცე-მერად განიხილება.
მკითხველის კომენტარები /
70 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კახა კალაძე არის უალტერნატივო მერობის კანდიდატი.როგორ შეიძლება მელიას,ხოშტარიას და ჯაფარიძის არჩევა დასახელებულ თანამდებობებზე?ეს იქნება კატასტროფა თბილისი და თბილისელებისთვის.თუ გვინდა,რომ თბილისი იყოს საოცნებო ქალაქი,უნდა ავირჩიოთ კალაძე. კი
კახის მიერ შეურაცხყოფილი ერთი ადამიანი მაინც დამისახელეთ, ,,ექსპერტებო,,!(((