"ჩვენი ოჯახი, იმისთვის რომ ცხოვრების საშუალება ჰქონდეს, მიწას ცხვირით თხრის... ეს კი 60 ათასს გვთხოვს" - რას წერს ანი ნადარეიშვილი თავდაცვის მინისტრზე?

ანი ნადარეიშვილის ინფორმაციით, თავდაცვის მინისტრმა ჯუანშერ ბურჭულაძემ მისი მეუღლოის, ბაჩო ახალაიას წინააღმდეგ სასამართლოში სარჩელი შეიტანა.

როგორც ნადარეიშვილი სოციალურ ქსელში წერს, სამინისტროდან 60 ათასის გაფლანგვაზე.

"აი ამ ნაძირალამ, კორუმპირებულმა, კიდევ უფრო ნაძირალა კორუმპირებული ღარიბაშვილის მონა მინისტრმა, ბაჩო ახალაიას წინააღმდეგ სასამართლოში შეიტანა სარჩელი, თითქოს ბაჩო ახალაიამ დააზარალა თავდაცვის სამინისტრო და 60 ათასი ლარი გაფლანგა.

(ეს თანხა 4-ჯერ 15-15 ათასი ლარის ოდენობით გამოყოფილი იქნა რუსეთის ჯაშუშების გამოვლენის მიზნით გატარებულ ოპერატიულ ღონისძიებაზე, რის შედეგადაც ისინი დაკავეს და გაასამრთლეს კიდეც. ნუ,ივანიშვილმა, რა თქმა უნდა ,ეს რუსეთის ჯაშუშები სასწრაფოდ გაათავისუფლა ხელისუფლებაში მოსვლისთანავე).

ხოდა, ახლა, ჯუანშერი ითხოვს 60 ათასი ლარის ანაზღაურებას ადამიანისგან, რომელიც 9 წელია ციხეში ზის და თან თვითონ ბაჩო ახალაიას შექმნილი დიდგორების ფონზე იწონებს თავს. პარალელურად თვითონ ყოველდღიურად კორუფციული სქემებით მდიდრდება და ფეშენებელურ სახლებს იშენებს, მაშინ როცა, ბაჩო ახალაიას ოჯახი, იმისთვის რომ ცხოვრების საშუალება ჰქონდეს, პირდაპირი მნიშვნელობით მიწას ცხვირით თხრის, იმიტომ რომ მიშას ჩამოყვანილი ტრაქტორები და კომბაინებიც მიშას ჯინაზე გაყიდეს" - წერს ნადარეიშვილი.