აზერბაიჯანის და რუსეთის პრეზიდენტები მოსკოვში ერთმანეთს შეხვდნენ - რისთვის გადაუხადა მადლობა პუტინმა ალიევს
აზერბაიჯანის და რუსეთის პრეზიდენტებს შორის მოსკოვში შეხვედრა გაიმართა.
როგორც კრემლის მიერ გავრცელებულ ინფორმაციაშია აღნიშნული, შეხვედრისას ვლადიმერ პუტინმა ილჰამ ალიევს რეგიონში კონფლიქტის დარეგულირებაში განხორციელებული ძალისხმევისთვის მადლობა გადაუხადა.
„რა თქმა უნდა, ერთ-ერთ ყველაზე მნიშვნელოვან საკითხად რჩება რეგიონში სიტუაციის დარეგულირება. ვიცი, რომ თქვენ დიდ ყურადღებას უთმობთ და მნიშვნელობას ანიჭებთ ამას და მსურს, მადლობა გადაგიხადოთ, რომ ხერხდება კომპრომისული გადაწყვეტილებების მოძებნა. ისინი ყოველთვის ყველაზე რთულია, მაგრამ თუკი გვინდა და ჩვენ ყველას გვინდა, დარეგულირება, ჩვენ ამ გზით უნდა ვიაროთ. აქამდე ჩვენ ეს გამოგვდიოდა, რის გამოც მინდა მადლობა გადაგიხადოთ“, - განუცხადა პუტინმა ალიევს.