მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა არ უნდა გამოგვრჩეს თბილისის საერთაშორისო წიგნის ფესტივალზე − წაიკითხეთ ქართველი მწერლების რჩევები, სანამ ფესტივალს ეწვევით
11:43 / 23-06-2021
24-27 ივნისს „ექსპო ჯორჯია“ ქვეყნის ერთ-ერთ ყველაზე მნიშვნელოვან კულტურულ მოვლენას − თბილისის წიგნის საერთაშორისო ფესტივალს − უმასპინძლებს. ფესტივალი არის უდიდესი დღესასწაული როგორც წიგნის გამომცემლებისთვის, მწერლებისა და მთარგმნელებისთვის, ასევე ყველა იმ ადამიანისთვის, ვისაც კითხვა უყვარს.
აღსანიშნავია, რომ გასული წლისგან განსხვავებით, წელს თბილისის წიგნის საერთაშორისო ფესტივალი ჰიბრიდული მეთოდით ჩატარდება და წიგნის მოყვარულებს საშუალება ექნებათ გამომცემლობების სტენდები თამამად დაათვალიერონ. გაითვალისწინეთ, რომ პავილიონში შესასვლელად უნდა გაიაროთ წინასწარი რეგისტრაცია თქვენთვის სასურველი დღისა და საათის დასაჯავშნად საიტზე: www.tbilisibookfestival.ge, დასწრება თავისუფალია.
თბილისის წიგნის საერთაშორისო ფესტივალი წელს უკვე 23-ედ ტარდება და მისულ სტუმრებს ბევრი სიახლე ელოდებათ. იმისათვის, რომ ახალგამოცემულ და ფასდაკლებულ წიგნებს გაეცნოთ, აუცილებლად დაათვალიერეთ კატალოგი, ხოლო მნიშვნელოვანი სიახლეები რომ არ გამოგრჩეთ, ცნობილ ქართველ მწერლებსა და გამოცემის სფეროში მოღვაწე ადამიანებს ვთხოვეთ გაეზიარებინათ რჩევები, რომლებიც ფესტივალზე წასვლის წინ ძალიან გამოგვადგება.
მწერალი ტორესა მოსი ჩვენთან საუბრისას ხაზს უსვამს იმას, თუ რამდენად დიდი მნიშვნელობის მოვლენაა წიგნის ფესტივალი: „მსოფლიოს სხვადასხვა ქალაქის წიგნის ფესტივალმა გასული წლის მსგავსად ვერც წელს ვერ შეძლო ფესტივალის ჩატარება. ამის ფონზე ორმაგად სასიამოვნოა, რომ ჩვენ ეს შევძელით და 24-27 ივნისს თბილისის წიგნის საერთაშორისო ფესტივალი არადისტანციურ რეჟიმშიც ჩატარდება. ასევე სასიხარულოა, რომ წიგნის სექტორმა სერიოზული კრიზისის მიუხედავად ამდენი ახალი წიგნი შემოგვთავაზა. ერთ-ერთს დაგისახელებთ, რომელიც ახლა მაგიდაზე მიდევს და დიდი სიამოვნებით წავიკითხავ: ბერნარდინ ევარისტოს „გოგონა, ქალი და სხვა დანარჩენი“.
სხვათა შორის, ბერდარდინ ევარისტოს ამ რომანის წარდგენა 24 ივნისს 15:30 საათზე მე-11 პავილიონის გვერდით, ღია სივრცეში გაიმართება. პრეზენტაციაზე მისულ სტუმრებს კი ბევრი სიურპრიზი ელოდებათ.
საქართველოს პარლამენტის ეროვნული ბიბლიოთეკის გენერალური დირექტორი, პოეტი და პროზაიკოსი გიორგი კეკელიძე აღნიშნავს, რომ პანდემიამ ვერ გაანელა წიგნებისადმი სიყვარული და ბევრი მკითხველი დიდი მოლოდინით ელის წიგნის ფესტივალს: „მიხარია, რომ წელს ონლაინშეხვედრების გარდა იქნება ტიპური საფესტივალო ცხოვრებაც: ღია სივრცეში წიგნების წარდგება, პავილიონებში წიგნების გამოფენა-გაყიდვა და სხვ. ვფიქრობ, ახლა აუცილებლად მხარი უნდა დავუჭიროთ ქართველ ავტორებს, რადგან გამომცემლებთან ერთად ყველაზე მეტად ისინი დაზარალდნენ. შესაბამისად, მკითხველს ვურჩევდი, რომ პირველ რიგში მათი წიგნები გამოარჩიოს. ცხადია, მთარგმნელებსაც სჭირდებათ მხარდაჭერა და, დარწმუნებული ვარ, ახალ თარგმანებს შორის ნებისმიერი გემოვნების მკითხველი მისთვის სასურველ წიგნს შეარჩევს.“
მწერალი სალომე ბენიძე აღნიშნავს, რომ წლევანდელი ფესტივალი მართლაც განსაკუთრებულია, რადგან ეს აღარ არის უბრალოდ ფესტივალი, არამედ ჩვეულ ცხოვრებასთან დაბრუნების მცდელობაა: „შეგვიძლია წიგნებს ხელით შევეხოთ, ღონისძიებებს დავესწროთ, ჩვენს საყვარელ მწერლებს შევხვდეთ, მონატრებული ადამიანები ვნახოთ და ა. შ. ერთ-ერთი წიგნი, რომელსაც ძალიან ველოდები, გახლავთ ბუკერის პრემიის მფლობელი ბერნარდინ ევარისტოს „გოგონა, ქალი და სხვა დანარჩენი“. გარდა შინაარსისა, ულამაზესი დიზაინი აუცილებლად მიიქცევს მკითხველის ყურადღებას.“
თბილისი - იუნესკოს წიგნის მსოფლიო დედაქალაქი - დირექტორმა ნინია მაჭარაშვილმა გამომცემლობა „პალიტრა L-ის“ კატალოგიდან უკვე შეარჩია მისთვის სასურველი წიგნი: „აუცილებლად შევიძენ ქართველი ავტორის, ტორესა მოსის წიგნს „სიბრძნე სიცრუისა“, რომელიც გამომცემლობა პალიტრა L-მა ხელახლა გამოსცა.“
შეგახსენებთ, თბილისის წიგნის საერთაშორისო ფესტივალი 24-27 ივნისს „ექსპო ჯორჯიაში“ გაიმართება. გაითვალისწინეთ, რომ პავილიონში შესასვლელად უნდა გაიაროთ წინასწარი რეგისტრაცია თქვენთვის სასურველი დღისა და საათის დასაჯავშნად საიტზე: www.tbilisibookfestival.ge, დასწრება თავისუფალია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მწერალი ტორესა მოსი :)))))))))))))