მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მეგონა, ცუდი აღარაფერი მოხდება ჩემს ცხოვრებაში, მაგრამ... ქირურგმა დიაგნოზი მითხრა: - არაკეთილთვისებიანი სიმსივნე" - რას ჰყვება ირაკლი იმნაიშვილი გადატანილ ორ მძიმე დაავადებაზე
10:45 / 01-06-2021
"რუსთავი 2"-ის აღმასრულებელი დირექტორი, ირაკლი იმნაიშვილი ტელეკომპანია "რუსთავი 2"-ზე, გადაცემა "ფარულ კონვერტს" სტუმრობდა, სადაც ისაუბრა თუ როგორ დაამარცხა ჯერ C ჰეპატიტი, შემდეგ კი სიმსივნე. მას მძიმე დიაგნოზი 2006 წელს დაუსვეს და ოჯახის წევრებს უთხრეს, რომ პაციენტს სიცოცხლის 3-დან 6-თვემდე პერიოდი ჰქონდა დარჩენილი. ირაკლის თქმით, ეს დიაგნოზი მაშინ განაჩენი იყო, რადგან იმ პერიოდში დაავადება სტიგმატიზირებული იყო. საქმე ისაა, რომ იმხანად ეს დაავადება წამალდამოკიდებულებასთან ასოცირდებოდა.
"ერთი ინციდენტის შემდეგ ბევრი სისხლი დავკარგე, რამაც გამოიწვია პრობლემები სისხლთან დაკავშირებით, მარტივი ენით რომ ვთქვათ, რაღაც ელემენტი სისხლში ქრებოდა, თან იმდენად სწრაფად, რომ იყო პერიოდი, როდესაც დღეში ორჯერ იღებდნენ სისხლის ანალიზს და ამით ზომავდნენ სიცოცხლის დარჩენილ დროს. მქონდა საშინელი სისუსტე, 50 მეტრის გავლა არ შემეძლო. ერთ-ერთმა ექიმმა თქვა, რომ დარჩენილი მქონდა სამიდან ექვს თვემდე სიცოცხლე.
C ჰეპატიტი იყო ერთგვარი სინონიმი, რომ ეს არის მხოლოდ წამალდამოკიდებულების დაავადება. სტიგმის გამო დიდი ხნის განმავლობაში ვდუმდი. სინამდვილეში წამალდამოკიდებულები წარმოადგენენ ძალიან მცირე პროცენტს, ადამიანების უმეტესობა უხარისხო სამედიცინო სერვისის გამო დაინფიცირდა. ჩემს შემთხვევაში ეს იყო სტომატოლოგიური კლინიკა. მაშინ თინეიჯერი ვიყავი. ავადმყოფობის სივერაგე იმაში მდგომარეობს, რომ სიმპტომი არ გაქვს. რომ არ დაწყებულიყო რუტინული კვლევა, C ჰეპატიტი განაგრძობდა განვითარებას.
52 ნემსი გავიკეთე, მკურნალობა 1 წელი გაგრძელდა... ძალიან მძიმე გვერდითი მოვლენები ჰქონდა. ნემსს მოჰყვებოდა თავისი ანოტაცია - იწვევს მძიმე ქიმიურ დეპრესიას, რასაც მოსდევს თვითმკვლელობის მცდელობები, ხოლო შემდეგ აბზაცში წერია, რომ იყო თვითმკვლელობის ფაქტები. ჩავთვალე, რომ მე არ უნდა გამომეყენებინა ანტიდეპრესანტები, რასაც მოჰყვა უმძიმესი ქიმიური დეპრესია, ამ სიმძიმეს თან დაერთო, რომ მე ჩემი ადგილის დამკვიდრებას ვცდილობდი ლონდონში, ერთ-ერთი მედიაკომპანიაში.
ლონდონში ცხოვრობს ჩვენი არაჩვეულებრივი მეგობარი ელისაბედ ჩაჩხიანი, რომელმაც შეგვიფარა. მის გარეშე წარმოუდგენელი იქნებოდა ეს ყველაფერი. მიხარია, რომ იმ პრეპარატით მკურნალობა, რომელიც დღეს საქართველოშია შემოსული, საუკეთესოა, რაც კი მსოფლიოში არსებობს, "- ჰყვება ჟურნალისტი.
ირაკლი ასევე იხსენებს 2019 წელს. მას შემდეგ, რაც C ჰეპატიტთან ბრძოლა დაასრულა, მას კიდევ ერთი სერიოზული პრობლემა შეექმნა:
"უკან სიბრძნის კბილთან, მეგონა, რომ კანი მქონდა გაღიზიანებული. მე და ჩემი მეუღლე ნათია ჩავფრინდით ვენაში, განცდა, მაქვს, რომ C ჰეპატიტი მორჩა და ცუდი აღარაფერი მოხდება ჩემს ცხოვრებაში. ექიმმა შემოწმების შემდეგ დარეკა და სასწრაფო საოპერაციო დაჯავშნა. დაკიდა ყურმილი და თქვა, რომ ეს არის სიმსივნური წარმონაქმნი და უნდა ამოვკვეთოთო. ქირურგმა დიაგნოზი მალევე მითხრა: - არაკეთილთვისებიანი სიმსივნე, ვხვდებოდი, რომ ეს სიზმარი არ იყო.
რადგანაც სიმსივნე პირის ღრუში იყო, ქირურგმა გამაფრთხილა, რომ ოპერაციამ შესაძლოა, მეტყველების სერიოზული დეფექტი გამოიწვიოს.
ღამით დავჯექი და ამ ქირურგს მივწერე უზარმაზარი მეილი, თუ რამე არის შესაძლებელი რომ გაკეთდეს თანამედროვე მედიცინაში, თუ შეიძლება, ვინმე კიდევ ჩავრთოთ-მეთქი. მივწერე, რომ თუ დავსახიჩრდებოდი, ეს ნიშნავდა, რომ რაც რამე მიკეთებია, ყველაფერი გაჩერდება… დილის 5 საათზე გავუგზავნე, 1 საათი ვწერდი და მიპასუხა 15 წუთში. მითხრა, რომ ყველაფერი ესმის, დაამატეს სპეციალისტების რამდენიმე ბრიგადა, რომლებიც ამოწმებენ, უჯრედი რამდენად ჯანმრთელია, რომ არ მოჭრან იმაზე მეტი, ვიდრე საჭიროა"… - იხსენებს "რუსთავი 2-ის" აღმასრულებელი დირექტორი.
მისი თქმით, მოსაფიქრებლად სულ რამდენიმე საათი ჰქონდა.
"ძალიან შემეცოდა დედაჩემი ისევ, რადგან 2006 წლიდან 2019 წლამდე ეს მორჩა (C ჰეპატიტთან ბრძოლა). ჩავიცვამდი ტანსაცმელს, ჩავიდოდი სასტუმროს კაფეში, ჩავწერდი ვიდეოს – "დე, გუშინ გვიანობამდე ვიყავით გარეთ ვერ დაგირეკე, გკოცნი"… გადავიღებდი სელფებს, ამოვიდოდი, გამოვიცვლიდი, ჩავიდოდი მეორე კუთხეში – გადავიღებდი. ვაგროვებდი ჩემი ჭკუით – თუ დაზიანდა მეტყველება, თუ შეიძლება რომ ეს იყოს გამოსასწორებელი, რატომ ინერვიულოს, მე ჩავწერ ვიდეოების სერიას, თითქოს სხვადასხვა დროს არის ჩაწერილი. უამრავი ვიდეომიმართვა ჩავწერე"… – იხსენებს ირაკლი იმნაიშვილი.
მისი თქმით, ოპერაცია წარმატებული აღმოჩნდა, თუმცა მცირე ცვლილება მაინც დაუტოვა.
"ზოგჯერ, განსაკუთრებით, როცა ხანგრძლივი გადაცემა მიმყავს და სწრაფად არის აზრი ჩამოსაყალიბებელი, პირის აპარატი არ მომყვება და არის არაბუნებრივი პაუზები. ვნახე, ამაზე ქილიკი და დაცინვები იყო, მაგრამ ეს არის ერთადერთი და არაფერი საწუწუნო არ მაქვს," – ყვება ირაკლი იმნაიშვილი "ფარულ კონვერტში".
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთმა ჯანმრთელი გამყოფოს
ღმერთმა ჯანმრთელობა მოგცეს.