ემანუელ მაკრონი "დილის ყავაზე“ პარიზის გარე კაფეში - როგორ აღნიშნა საფრანგეთის პრეზიდენტმა შეზღუდვების შემსუბუქება

პარიზში გუშინ "დიდებული დღე“ იყო. ექვსი თვის შემდეგ, ღია კაფეები, რესტორნების ტერასები გაიხსნა და პირველი სტუმრები მიიღეს. საფრანგეთი თანდათან ძველ ცხოვრებას უბრუნდება.

ადამიანები საყვარელ კაფეებს მეგობრებთან ერთად ესტუმრნენ და მათ შორის იყო ქვეყნის პრეზიდენტი, ემანუელ მაკრონიც.

მაკრონი პრემიერ მინისტრთან ერთად პარიზის ერთ-ერთ გარე კაფეში ყავის დასალევად მივიდა და ასე აღნიშნა კორონავირუსის გამო დაწესებული შეზღუდვების ნაწილობრივ შემსუბუქება.

მედიამ კი გაავრცელა ფოტო და ვიდეო კადრები, სადაც ასახულია, თუ როგორ საუბრობენ პრემიერი ჟან კასტექსი და მაკრონი.

<iframe width="560" height="315" src="https://www.youtube.com/embed/BijAXKZUlo0" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

საფრანგეთში შეზღუდვების შემსუბუქება შეეხო "კომენდანტის საათსაც“. აქამდე ქვეყანაში ე.წ. კომენდანტის საათი საღამოს 7:00 საათიდან იწყებოდა და ახლა 9:00 საათამდე გადაიწია. ეს არის შეზღუდვების შემსუბუქების პირველი ეტაპი და თუკი ეპიდემიოლოგიური ვითარება კიდევ უფრო გაუმჯობესდება, ხელისუფლება სხვა შეზღუდვების მოხსნასაც გეგმავს.

ცნობისთვის, ინფიცირებულთა საერთო რაოდენობის მიხედვით, საფრანგეთი ამ დროისთვის მსოფლიოს მეოთხე ქვეყანაა და ვირუსის გამოვლენის დღიდან ამ დრომდე იქ ინფიცირების 5.9 მილიონი შემთხვევაა აღწერილი, კოვიდს საფრანგეთში 108 181 ადამიანი ემსხვერპლა.