მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რეგიონებში დადიან და მოსახლეობას ეუბნებიან, რომ ისინი არიან "ოცნების" ვარიანტი ბ, ივანიშვილის ალტერნატიული გეგმა" - სუბარი გახარიას გუნდზე
17:41 / 11-05-2021
თავიდან სხვა რიხით დაიწყეს, ბოლო პერიოდში კი რეგიონებში დადიან და მოსახლეობას ეუბნებიან, რომ ისინი არიან „ქართული ოცნების" ვარიანტი ბ, ივანიშვილის ალტერნატიული გეგმა, - ამის შესახებ ჟურნალისტებთან საპარლამენტო უმრავლესობის წევრმა სოზარ სუბარმა გახარიას გუნდზე საუბრისას განაცხადა.
მან დეპუტატ გიორგი ხოჯევანიშვილის ბრალდებებს უპასუხა და განაცხადა, რომ ადამიანებმა, ვისზეც ხოჯევანიშვილი საუბრობს, რომ მუნიციპალიტეტებში მერებმა მათ ზეწოლით დაატოვებინეს თანამდებობები, რეალურად საქმეს არ აკეთებდნენ და დაკავებულნი იყვნენ კონკრეტული პარტიის აგიტაციით. ამასთან, სუბარის თქმით, მერის მოადგილის პოსტი პარტიული თანამდებობაა და ზეწოლად ვერ ჩაითვლება თუ მათ უთხრეს, რომ თანამდებობა უნდა დატოვონ, ხოლო თუ სხვა ტიპის ზეწოლაზეა საუბარი, ეს კანონით ისჯება.
„რამდენიმე პირმა დატოვა თანამდებობა და რამდენიმე კიდევ გაათავისუფლეს, გაათავისუფლეს იმიტომ, რომ როგორც გამათავისუფლებლებმა განმარტეს, ეს ადამიანები საქმის კეთებას შეეშვნენ ბოლო პერიოდში და გადასული იყვნენ კონკრეტული პარტიის თუ კონკრეტული პირის აგიტაციაზე და საქმე არის გასაკეთებელი უამრავი. მერის მოადგილე არის ზოგადად პარტიული თანამდებობა და შესაბამისად, არჩევანი უნდა გააკეთონ: ან საქმე აკეთონ ან თავის პარტიულ საქმიანობას მიხედონ და ოდესმე თუ ეღირსებათ, რაც არ მოხდება, მაგრამ ამ შემთხვევაში ექნებათ საშუალება იყვნენ მერებიც, მოადგილეებიც და პარლამენტის თავმჯდომარეებიც. რაც შეეხება „დასასრულის დასაწყისს" - თავიდან სხვა რიხით დაიწყეს ამ ადამიანებმა, თუმცა, ბოლო პერიოდში მიხვდნენ, რომ არანაირი მხარდაჭერა არ აქვთ და ძალიან სამარცხვინო კამპანია დაიწყეს - ხმამაღლა არ ამბობენ, მაგრამ რეგიონებში დადიან და მოსახლეობას ეუბნებიან, რომ ისინი არიან „ქართული ოცნების“ ვარიანტი ბ, ივანიშვილის ალტერნატიული გეგმა, ამით ცდილობენ მოსახლეობის შეცდომაში შეყვანას,"- განაცხადა სუბარმა.
ცნობისათვის, გიორგი გახარიას გუნდის წევრმა, დეპუტატმა გიორგი ხოჯევანიშვილმა განაცხადა, რომ რამდენიმე მუნიციპალიტეტში მერის მოადგილეებზე ზეწოლა მოხდა და ამ მეთოდით პოლიტიკური რეპრესიებია დაწყებული.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რაში უნდა ჭირდებოდეს ეგ გახარიას? რაღაც არ მჯერა. ვიღაც პროვოკატორობს.
-საქოცეთო. .. ბოლო.,, რუსიანობა,, - ა ხართ საქართველოში.... ანუ სიღატაკე, უიმედობა, კორუფცია, კრიმინალი, ნეპოტიზმი, უპერსპექტივობა...