"სულ რამდენიმე დღით ვარ თბილისში და ტაქსის მძღოლები მეკითხებიან, ვაპირებთ თუ არა მანქანებზე თეთრი ფერის შეცვლას..." - რას წერს შოთა არველაძე ძმის შესაძლო მერობის კანდიდატობაზე
ვეტერანი ქართველი ფეხბურთელი შოთა არველაძე მისი ძმის პოლიტიკაში მოსვლასთან დაკავშირებით გავრცელებულ ინფორმაციაზე სოციალურ ქსელში კომენტარს აკეთებს:
"სულ რამდენიმე დღით ვარ თბილისში და ტაქსის მძღოლები მეკითხებიან, ვაპირებთ თუ არა ავტომანქანებზე თეთრი ფერის შეცვლას. არადა თეთრი ფერი მომწონს, მართლა მომწონს. მეც და ჩემს ძმებსაც გვაქვს საქმე, რომელსაც ათწლეულებია ვემსახურებით და ასე ვაპირებთ მომავალშიც. თანაც, პირდაპირ მერის თანამდებობაზე ფიქრი არ იქნებოდა სწორი, ჯერ გამგეობაში და საკრებულოში მუშაობის გამოცდილება გვჭირდება.
P.S. იქნებ კიჭა მაინც დავითანხმოთ", - წერს შოთა არველაძე.
რამდენიმე დღის წინ გავრცელებული ინფორმაციით, შესაძლოა, აჩი არველაძეს ექსპრემიერი გიორგი გახარია თბილისის მერობის კანდიდატად განიხილავდეს. აღნიშნული მოსაზრება მას შემდეგ გაჩნდა, რაც აჩი არველაძემ ექსპრემიერთან ერთად გადაღებული ფოტოები სოციალურ ქსელში გამოაქვეყნა. "სტუმარი ჩვენს მოცვის ბაღებში", - წერდა არველაძე. ფოტოებზე აჩისთან ერთად, მის ძმა რეზი არველაძეცაა აღბეჭდილი.
საზოგადოებამ ჯერ კიდევ არ იცის როდის დააფუძნებს ოპოზიციაში გადაბარგებული ყოფილი პრემიერ-მინისტრი გიორგი გახარია პარტიას. თუ ვინ იქნებიან მის გუნდში, ნაწილობრივ ცნობილია, თუმცა კულუარებში სახელდება კიდევ არაერთი სხვა ადამიანიც, ვინც ექსპრემიერის გვერდით შეიძლება ვიხილოთ. მათ შორის, ლაპარაკია იმაზეც, რომ შესაძლოა, ძმები არველაძეებიდან რომელიმე პოლიტიკაში სწორედ გახარიასთან ერთად მოვიდეს.
საკითხთან დაკავშირებით რამდენიმე დღის წინ კომენტარი აჩი არველაძემაც გააკეთა.
ჰიპ-ჰოპის ქართველი არტისტი Kazzy Jazz გარდაიცვალა - "არც კოვიდი ჰქონია და არც აცრილი იყო, ძილში დაემართა თრომბი"
"ცოტათი ფეხზე ადგომაც დავიწყე" - რას წერს თინა ხიდაშელი
