რას წერს ილჰამ ალიევი "ფეისბუქზე" ირაკლი ღარიბაშვილთან შეხვედრის შემდეგ?

აზერბაიჯანის რესპუბლიკის პრეზიდენტი ილჰამ ალიევი საქართველოს პრემიერ-მინისტრ ირაკლი ღარიბაშვილთან შეხვედრას სოციალურ ქსელ "ფეისბუქში" ეხმაურება.

"აზერბაიჯანელ და ქართველ ხალხს შორის ურთიერთობა ემყარება მეზობლობისა და მეგობრობის მრავალსაუკუნოვან ისტორიას. ეს არის ძალიან კარგი საფუძველი ჩვენი ამჟამინდელი ურთიერთობების განვითარებისათვის, რაც აჩვენებს დიდ დინამიკას და მოიცავს ბევრ სფეროს",- წერს ილჰამ ალიევი.

ცნობისთვის, საქართველოს პრემიერ-მინისტრის ოფიციალური ვიზიტი ბაქოში, აზერბაიჯანის რესპუბლიკის პრეზიდენტთან პირისპირ შეხვედრით დაიწყო. ილჰამ ალიევმა ირაკლი ღარიბაშვილს "ზაგულბას“ სასახლეში უმასპინძლა.

საქართველოს მთავრობის ადმინისტრაციის ინფორმაციით, მხარეებმა ყურადღება გაამახვილეს ორ ქვეყანას შორის არსებულ სტრატეგიულ პარტნიორობასა და მეგობრულ ურთიერთობებზე და ხაზი გაუსვეს ერთობლივი ძალისხმევით განხორციელებულ რეგიონული მნიშვნელობის წარმატებულ პროექტებს.

• წაიკითხეთ: ირაკლი ღარიბაშვილს ილჰამ ალიევმა "ზაგულბას“ სასახლეში უმასპინძლა - რაზე ისაუბრეს საქართველოს პრემიერმა და აზერბაიჯანის პრეზიდენტმა