სო­ფელ გუ­მათ­ში აქ­ცი­ის ერთ-ერთი ორ­გა­ნი­ზა­ტო­რის მირ­ზა ნო­ზა­ძის გან­ცხა­დე­ბით, არ აპი­რე­ბენ პრო­ტეს­ტის შე­წყვე­ტას, იქამ­დეს ვიდ­რე „ნა­მახ­ვა­ნი­ჰეს­თან“ და­კავ­ში­რე­ბუ­ლი პრობ­ლე­მა სრუ­ლად არ აღ­მო­ი­ფხვრე­ბა.

რო­გორც ნო­ზა­ძე გან­მარ­ტავს, 169-დღი­ა­ნი პრო­ტეს­ტის გან­მავ­ლო­ბა­ში ად­გი­ლობ­რივ ხე­ლი­სუფ­ლე­ბის წარ­მო­მად­გენ­ლებს მათ­თან კო­მუ­ნი­კა­ცია არ ჰქო­ნი­ათ.

„ხე­ლი­სუფ­ლე­ბის ად­გი­ლობ­რი­ვი წარ­მო­მად­გენ­ლებ­თან არ გვქო­ნია არა­ნა­ი­რი კო­მუ­ნი­კა­ცია. ჩვენ გვაქვს კი­თხვე­ბი არა პო­ლი­ცი­ას­თან, არა­მედ ხე­ლი­სუფ­ლე­ბას­თან. ასე­ვე, ჩვენს მიერ არ­ჩე­ულ მან­დატ­მი­ცე­მულ პი­რებ­თან. არ­ცერ­თი მათ­გა­ნი არ გვი­ნა­ხავს აქ მო­სუ­ლი. არ­ცერ­თი მათ­განს არ ინ­ტე­რეს­დე­ბა ჩვე­ნი მო­თხოვ­ნე­ბით. სამ­წუ­ხა­როდ, ჩვენ გვი­წევს ურ­თი­ერ­თო­ბა პო­ლი­ცი­ას­თან, რომ­ლე­ბიც უკა­ნო­ნო ბრძა­ნე­ბით არი­ან დაბ­ნე­ულ­ნი და ეს იგ­რძნო­ბა მათი საქ­ცი­ე­ლის­გა­ნაც.

რაც შე­ე­ხე­ბა ჩვენს სა­მო­მავ­ლო გეგ­მებს, ჩვენ ვაგ­რძე­ლებთ მშვი­დო­ბი­ან პრო­ტესტს, ჩვენ არ ვა­პი­რებთ აქე­დან წას­ვლას. არ ვა­პი­რებთ შევ­წყვი­ტოთ პრო­ტეს­ტი იქამ­დე, სა­ნამ არ მოხ­დე­ბა პრობ­ლე­მის აღ­მო­ფხვრა. კონ­კრე­ტუ­ლად ვი­თხოვთ - „ნა­მახ­ვა­ნ­ჰე­სის“ კას­კა­დის ხელ­შეკ­რუ­ლე­ბის გა­უქ­მე­ბას, კომ­პა­ნია „ენ­კას“ მიერ ხე­ო­ბის და­ტო­ვე­ბას და მო­რა­ტო­რი­უ­მის გა­მო­ცხა­დე­ბას. აღ­ნიშ­ნუ­ლი მიზ­ნად უნდა ისა­ხავ­დეს ენერ­გო­პო­ლი­ტი­კის შე­მუ­შა­ვე­ბას. მო­სახ­ლე­ო­ბი­სა და ექ­სპერ­ტე­ბის ჩარ­თუ­ლო­ბით უნდა გა­ნი­სა­ზღვროს სა­ქარ­თვე­ლო­ში ენერ­გო­პო­ლი­ტი­კა. გვქონ­დეს შე­ჯე­რე­ბუ­ლი და სა­ხალ­ხო დო­ნე­ზე მი­ღე­ბუ­ლი ენერ­გო­პო­ლი­ტი­კა, რომ­ლი­თაც ჩვენ შეგ­ვეძ­ლე­ბა პრო­ტეს­ტის გა­რე­შე გან­ვა­ხორ­ცი­ე­ლოთ დიდი პრო­ექ­ტე­ბი“, - გა­ნა­ცხა­და მირ­ზა ნო­ზა­ძემ.

ცნო­ბის­თვის, რი­ო­ნის მცვე­ლებს სო­ლი­და­რო­ბას უცხა­დე­ბენ არა­სამ­თავ­რო­ბო ორ­გა­ნი­ზა­ცი­ე­ბის წარ­მო­მად­გენ­ლე­ბი. შე­სა­ბა­მი­სი გან­ცხა­დე­ბა დღეს "სა­ქარ­თვე­ლოს დე­მოკ­რა­ტი­ულ­მა ინი­ცი­ა­ტი­ვამ" გა­ავ­რცე­ლა.

"ჩვენ, ხელ­მომ­წე­რი ორ­გა­ნი­ზა­ცი­ე­ბი, სო­ლი­და­რო­ბას ვუ­ცხა­დებთ სო­ფელ გუ­მათ­თან მიმ­დი­ნა­რე აქ­ცი­ის მო­ნა­წი­ლე­ებს, რო­მელ­თა კონ­სტი­ტუ­ცი­ით გა­რან­ტი­რე­ბუ­ლი შეკ­რე­ბი­სა და მა­ნი­ფეს­ტა­ცი­ის უფ­ლე­ბა უხე­შად ირ­ღვე­ვა სა­ხელ­მწი­ფოს მიერ.

168 დღი­ა­ნი უწყვე­ტი მშვი­დო­ბი­ა­ნი პრო­ტეს­ტის ფონ­ზე, ხე­ლი­სუფ­ლე­ბა ყო­ველ­დღი­უ­რად ზრდის რეპ­რე­სი­ას რი­ო­ნის ხე­ო­ბა­ში მცხოვ­რე­ბი მო­ქა­ლა­ქე­ე­ბის მი­მართ. უკა­ნას­კნე­ლი დღე­ე­ბის გან­მავ­ლო­ბა­ში, სა­მარ­თალ­დამ­ცა­ვი ორ­გა­ნო­ე­ბი თა­ვად სცდე­ბი­ან სა­მარ­თლის ფარ­გლებს და მი­ზან­მი­მარ­თუ­ლად, უკა­ნო­ნო ძა­ლის­მი­ე­რი მე­თო­დე­ბით ცდი­ლო­ბენ პრო­ტეს­ტის ჩახ­შო­ბას.

მი­უ­ხე­და­ვად იმი­სა, ხე­ლი­სუფ­ლე­ბას მარ­თე­ბუ­ლად მი­აჩ­ნია თუ არა ად­გი­ლობ­რი­ვი მო­სახ­ლე­ო­ბის პრო­ტეს­ტი, იგი ვალ­დე­ბუ­ლია, მო­ის­მი­ნოს ხალ­ხის ხმა. სა­ზო­გა­დო­ე­ბის­თვის მნიშ­ვნე­ლო­ვა­ნი სა­კი­თხე­ბის გან­ხილ­ვის მიზ­ნით შეკ­რე­ბის შე­საძ­ლებ­ლო­ბა დე­მოკ­რა­ტი­უ­ლი მმარ­თვე­ლო­ბის გა­ნუ­ყო­ფე­ლი ნა­წი­ლია და ამ უფ­ლე­ბით თა­ნა­ბა­რი და სრულ­ფა­სო­ვა­ნი სარ­გებ­ლო­ბის შე­საძ­ლებ­ლო­ბა სა­ზო­გა­დო­ე­ბის ღი­ა­ო­ბის და დე­მოკ­რა­ტი­უ­ლო­ბის ხა­რისხს გან­სა­ზღვრავს. სწო­რედ იქ, სა­დაც არ­სე­ბობს დიდი სა­ზო­გა­დო­ებ­რი­ვი ინ­ტე­რე­სი და პრო­ტეს­ტი, ხე­ლი­სუფ­ლე­ბამ უნდა უზ­რუნ­ველ­ყოს დი­ა­ლო­გი ყვე­ლა და­ინ­ტე­რე­სე­ბულ პირ­თან: ად­გი­ლობ­რივ მო­სახ­ლე­ო­ბას­თან, სა­მეც­ნი­ე­რო წრე­ებ­თან, პო­ლი­ტი­კურ თუ სა­მო­ქა­ლა­ქო ჯგუ­ფებ­თან.

მი­უ­ხე­და­ვად იმი­სა, სხვა­დას­ხვა იდე­ო­ლო­გი­ის სა­მო­ქა­ლა­ქო და პო­ლი­ტი­კურ ჯგუ­ფე­ბი ემ­ხრო­ბი­ან თუ არა ნა­მახ­ვა­ნ­ჰე­სის მშე­ნებ­ლო­ბას, ყვე­ლას სა­ერ­თო მტე­რი არის ავ­ტო­რი­ტა­რიზ­მი. შე­სა­ბა­მი­სად, ად­გი­ლობ­რი­ვი მო­სახ­ლე­ო­ბის ხმის გა­გო­ნე­ბის ნაც­ვლად, მათ წი­ნა­აღ­მდეგ რეპ­რე­სი­უ­ლი მე­ქა­ნიზ­მე­ბით მოქ­მე­დე­ბა, საფრ­თხეს წარ­მო­ად­გენს დე­მოკ­რა­ტი­ის­თვის - ანუ უკ­ლებ­ლივ ყვე­ლას­თვის", - ნათ­ქვა­მია გან­ცხა­დე­ბა­ში.

ხელ­მომ­წე­რი ორ­გა­ნი­ზა­ცი­ე­ბი:

• მმარ­თვე­ლო­ბის მო­ნი­ტო­რინ­გის ცენ­ტრი (GMC)
• სა­ქარ­თვე­ლოს დე­მოკ­რა­ტი­უ­ლი ინი­ცი­ა­ტი­ვა (GDI)
• დე­მოკ­რა­ტი­ი­სა და უსაფრ­თხო გან­ვი­თა­რე­ბის ინ­სტი­ტუ­ტი (IDSD)
• პარტნი­ო­რო­ბა ადა­მი­ა­ნის უფ­ლე­ბე­ბის­თვის (PHR)
• სა­ქარ­თვე­ლოს ატ­ლან­ტი­კუ­რი საბ­ჭო­უფ­ლე­ბე­ბი სა­ქარ­თვე­ლო­ტო­ლე­რან­ტო­ბის და მრა­ვალ­ფე­როვ­ნე­ბის ინ­სტი­ტუ­ტი (TDI)
• მე­დი­ის გან­ვი­თა­რე­ბის ფონ­დი (MDF)
• ადა­მი­ა­ნის უფ­ლე­ბა­თა ცენ­ტრი­კავ­ში­რი “სა­ფა­რი”შავი და ბალ­ტი­ის ზღვის ალი­ან­სი-სა­ქარ­თვე­ლო­ი­ნი­ცი­ა­ტი­ვა მო­წყვლა­დი ჯგუ­ფე­ბის რე­ა­ბი­ლი­ტა­ცი­ის­თვის (RIVG)
• Სამარ­თლი­ა­ნი არ­ჩევ­ნე­ბი­სა და დე­მოკ­რა­ტი­ის სა­ერ­თა­შო­რი­სო სა­ზო­გა­დო­ე­ბა (ISFED)

ვეხ­მი­ა­ნე­ბით, რი­ო­ნის ხე­ო­ბა­ში გან­ვი­თა­რე­ბულ მოვ­ლე­ნებს და მი­ვიჩ­ნევთ, რომ გა­უ­გე­ბა­რი და და­უ­სა­ბუ­თე­ბე­ლია, სო­ფელ ნა­მოხ­ვა­ნის მი­მარ­თუ­ლე­ბით, „ბლოკპოს­ტე­ბის" მო­წყო­ბა და სა­ქარ­თვე­ლოს მო­ქა­ლა­ქე­ე­ბის­თვის, ქვეყ­ნის ტე­რი­ტო­რი­ა­ზე, გა­და­ად­გი­ლე­ბის თა­ვი­სუფ­ლე­ბის შე­ზღუდ­ვა, - ამის შე­სა­ხებ „ღია სა­ზო­გა­დო­ე­ბის ფონ­დის“ მიერ გავ­რცე­ლე­ბულ გან­ცხა­დე­ბა­შია აღ­ნიშ­ნუ­ლი.

რო­გორც გავ­რცე­ლე­ბულ ინ­ფორ­მა­ცი­ა­შია ნათ­ქვა­მი, „ნა­მოხ­ვა­ნი ჰე­სის“ მშე­ნებ­ლო­ბის გა­და­წყვე­ტი­ლე­ბის მი­ღე­ბი­სას, არ ყო­ფი­ლა გათ­ვა­ლის­წი­ნე­ბუ­ლი ეკო­ლო­გი­ას­თან, კულ­ტუ­რულ მემ­კვიდ­რე­ო­ბას­თან, პრო­ექ­ტის სო­ცი­ა­ლურ სარ­გებ­ლი­ა­ნო­ბას­თან და­კავ­ში­რე­ბუ­ლი წუ­ხი­ლე­ბი და ად­გი­ლობ­რი­ვი მო­სახ­ლე­ო­ბის სა­ჭი­რო­ე­ბე­ბი

„ამას გარ­და, პო­ლი­ცი­ამ აქ­ტი­ვის­ტებ­სა და ად­გი­ლობ­რივ მო­სახ­ლე­ო­ბას და­უ­შა­ლა კარ­ვე­ბი, სა­დაც 169 დღის გან­მავ­ლო­ბა­ში, მიმ­დი­ნა­რე­ობ­და უწყვე­ტი, მშვი­დო­ბი­ა­ნი პრო­ტეს­ტი. აღ­ნიშ­ნუ­ლის გა­სა­მარ­თლებ­ლად შსს-ს მიერ წარ­მოდ­გე­ნი­ლი და­სა­ბუ­თე­ბა, ვერ აკ­მა­ყო­ფი­ლებს, უფ­ლე­ბა­ში ჩა­რე­ვის­თვის სა­ქარ­თვე­ლოს კონ­სტი­ტუ­ცი­ი­თა და ადა­მი­ა­ნის უფ­ლე­ბე­ბის სტან­დარ­ტე­ბით დად­გე­ნილ სა­ბა­ზი­სო მო­თხოვ­ნებს.

„ნა­მოხ­ვა­ნი ჰე­სის“ მშე­ნებ­ლო­ბის გა­და­წყვე­ტი­ლე­ბის მი­ღე­ბი­სას, არ ყო­ფი­ლა გათ­ვა­ლის­წი­ნე­ბუ­ლი ეკო­ლო­გი­ას­თან, კულ­ტუ­რულ მემ­კვიდ­რე­ო­ბას­თან, პრო­ექ­ტის სო­ცი­ა­ლურ სარ­გებ­ლი­ა­ნო­ბას­თან და­კავ­ში­რე­ბუ­ლი წუ­ხი­ლე­ბი და ად­გი­ლობ­რი­ვი მო­სახ­ლე­ო­ბის სა­ჭი­რო­ე­ბე­ბი; არ გა­ბა­თი­ლე­ბუ­ლა პრო­ექ­ტის უსაფრ­თხო­ე­ბა­სა და ხარ­ვე­ზი­ან კვლე­ვებ­თან და­კავ­ში­რე­ბუ­ლი სა­მეც­ნი­ე­რო არ­გუ­მენ­ტე­ბი, რა­მაც, ლო­გი­კუ­რად წარ­მოშ­ვა ად­გი­ლობ­რი­ვე­ბის სა­მარ­თლი­ა­ნი პრო­ტეს­ტი. ხოლო ამ პრო­ტეს­ტის ძა­ლა­დობ­რი­ვად შე­ჩე­რე­ბის მცდე­ლო­ბა და ადა­მი­ა­ნის ფუნ­და­მენ­ტუ­რი უფ­ლე­ბე­ბის დარ­ღვე­ვა, მი­ა­ნიშ­ნებს, რომ სა­ხელ­მწი­ფომ გა­და­უხ­ვია მის ფუნ­ქცი­ა­სა და როლს, პო­ლი­ტი­კუ­რი, თუ ად­მი­ნის­ტრა­ცი­უ­ლი გა­და­წყვე­ტი­ლე­ბე­ბის მი­ღე­ბი­სას, იხელ­მძღვა­ნე­ლოს და შე­ბო­ჭილ იქ­ნას სა­ჯა­რო ინ­ტე­რე­სით.

ზე­მო­აღ­ნიშ­ნუ­ლი­დან გა­მომ­დი­ნა­რე, მო­ვუ­წო­დებთ ში­ნა­გან საქ­მე­თა სა­მი­ნის­ტროს შე­წყვი­ტოს მო­ქა­ლა­ქე­ე­ბის კა­ნო­ნით გა­რან­ტი­რე­ბუ­ლი შეკ­რე­ბის და გა­მო­ხატ­ვის თა­ვი­სუფ­ლე­ბე­ბის და­უ­სა­ბუ­თე­ბე­ლი შე­ზღუდ­ვა და არ გა­მო­ი­ყე­ნოს ძალა მშვი­დო­ბი­ა­ნი მო­სახ­ლე­ო­ბის წი­ნა­აღ­მდეგ; ხოლო სა­ქარ­თვე­ლოს მთავ­რო­ბამ, აი­ღოს რე­ა­ლუ­რი პა­სუ­ხის­მგებ­ლო­ბა და „ნა­მოხ­ვა­ნი ჰეს­თან“ და­კავ­ში­რე­ბუ­ლი პრო­ცე­სი წარ­მარ­თოს გამჭვირ­ვა­ლედ, ეფექ­ტი­ა­ნად, ხე­ო­ბის მო­სახ­ლე­ო­ბის ინ­ტე­რე­სე­ბის სრუ­ლი დაც­ვით“, - აღ­ნიშ­ნუ­ლია გავ­რცე­ლე­ბულ ინ­ფორ­მა­ცი­ა­ში.

რი­ო­ნის ხე­ო­ბა­ში დღეს გან­ვი­თა­რე­ბულ მოვ­ლე­ნებს ეხ­მა­უ­რე­ბა ასე­ვე სა­ხალ­ხო დამ­ცვე­ლი. ომბდუს­მე­ნის შე­ფა­სე­ბით, ნაც­ვლად იმი­სა, რომ სა­ხელ­მწი­ფოს აქ­ცი­ის მო­ნა­წი­ლე­ე­ბის­თვის პა­სუ­ხე­ბი გა­ე­ცა იმ ლე­გი­ტი­მურ შე­კი­თხვებ­ზე რაც ჰქონ­დათ, პრობ­ლე­მის მო­საგ­ვა­რებ­ლად, ძალა აირ­ჩია:

"4 დღის წინ რი­ო­ნის ხე­ო­ბა­ში პრო­ტეს­ტის მო­ნა­წი­ლე­ებს შევ­ხვდი, რომ­ლებ­საც ჰქონ­დათ ძა­ლი­ან კონ­კრე­ტუ­ლი და ლე­გი­ტი­მუ­რი შე­კი­თხვე­ბი სა­ხელ­მწი­ფოს­თან, ითხოვ­დნენ დი­ა­ლოგს და ემ­ხრო­ბოდ­ნენ პრო­ტეს­ტის მხო­ლოდ მშვი­დო­ბი­ან ფორ­მას. ამის სა­პა­სუ­ხოდ, ხე­ლი­სუფ­ლე­ბამ პრობ­ლე­მის მო­საგ­ვა­რებ­ლად სა­პო­ლი­ციო ძა­ლის­მი­ე­რი გზა აირ­ჩია, რაც ად­გილ­ზეც ვთქვი და მო­მა­ვა­ლიც და­ა­დას­ტუ­რებს, რომ არა პრობ­ლე­მის მოგ­ვა­რე­ბის, არა­მედ გამ­წვა­ვე­ბის გზაა და რაც ასე­ვე სის­ტე­მა­ტი­უ­რად იწ­ვევს ადა­მი­ა­ნის უფ­ლე­ბე­ბის უხეშ დარ­ღვე­ვას. სა­ხელ­მწი­ფომ სა­ზო­გა­დო­ებ­რივ პრო­ტესტს უნდა უპა­სუ­ხოს არა პო­ლი­ცი­ე­ლე­ბის ხე­ლით, არა­მედ მეტი დი­ა­ლო­გი­თა და უშუ­ა­ლო კო­მუ­ნი­კა­ცი­ით. შე­სა­ბა­მი­სად, კვლავ გა­ვი­მე­ო­რებ, რომ:

- ხე­ლი­სუფ­ლე­ბამ და­უ­ყოვ­ნებ­ლივ უნდა შეს­თა­ვა­ზოს მო­სახ­ლე­ო­ბას დი­ა­ლო­გის და დის­კუ­სი­ის ფორ­მა­ტი და დრო;

- დი­ა­ლო­გი უნდა გაგ­რძელ­დეს მა­ნამ, სა­ნამ ყვე­ლა შე­კი­თხვა­ზე არ იქ­ნე­ბა გა­ცე­მუ­ლი კვა­ლი­ფი­ცი­უ­რი, არ­გუ­მენ­ტი­რე­ბუ­ლი პა­სუ­ხი;

- დი­ა­ლო­გი უნდა იყოს მაქ­სი­მა­ლუ­რად გამჭვირ­ვა­ლე და შე­დეგ­ზე ორი­ენ­ტი­რე­ბუ­ლი;

- პო­ლი­ცი­ამ და­უ­ყოვ­ნებ­ლივ უნდა უზ­რუნ­ველ­ყოს მო­ქა­ლა­ქე­ე­ბის თა­ვი­სუ­ფა­ლი გა­და­ად­გი­ლე­ბის და მშვი­დო­ბი­ა­ნი შეკ­რე­ბის უფ­ლე­ბის რე­ა­ლი­ზა­ცია;

- ფარ­თო სა­ზო­გა­დო­ე­ბის ინ­ფორ­მი­რე­ბის მიზ­ნით, მნიშ­ვნე­ლო­ვა­ნია ყვე­ლა მხა­რის მზა­ო­ბა (სა­ხელ­მწი­ფო, კომ­პა­ნია, პრო­ტეს­ტის მო­ნა­წი­ლე­ე­ბი) მე­დია დის­კუ­სი­ებ­სა და დე­ბა­ტებ­ში მო­ნა­წი­ლე­ო­ბის თა­ო­ბა­ზე", - ნათ­ქვა­მია ნინო ლომ­ჯა­რი­ას გან­ცხა­დე­ბა­ში.

• რო­გორ ვი­თარ­დე­ბო­და მოვ­ლე­ნე­ბი რი­ო­ნის ხე­ო­ბა­ში მთე­ლი დღის გან­მავ­ლო­ბა­ში

დღეს მთე­ლი დღის გან­მავ­ლო­ბა­ში რი­ო­ნის მცვე­ლე­ბი, რომ­ლე­ბიც ჰიდ­რო­ე­ლექტრო­სად­გუ­რის მშე­ნებ­ლო­ბას აპ­რო­ტეს­ტე­ბენ, სა­მარ­თალ­დამ­ცვე­ლე­ბის პი­კე­ტე­ბის დაძ­ლე­ვა­სა და გუ­მა­თი­დან სო­ფელ ნა­მოხ­ვან­ში დაბ­რუ­ნე­ბას ცდი­ლობ­დნენ. სა­მო­ქა­ლა­ქო პრო­ტეს­ტი უკი­დუ­რეს ზო­მამ­დე თა­ვად პო­ლი­ცი­ის ქმე­დე­ბებ­მა გა­ამ­წვა­ვა მას შემ­დეგ, რაც სა­მარ­თალ­დამ­ცვე­ლებ­მა ღა­მით, პრო­ტეს­ტის მო­ნა­წი­ლე­ე­ბის სიმ­ცი­რით ისარ­გებ­ლეს და კარ­ვე­ბის ქა­ლა­ქი და­შა­ლეს.

რამ­დე­ნი­მე შე­ტა­კე­ბის, ხან­გრძლი­ვი და­პი­რის­პი­რე­ბი­სა და ად­გი­ლობ­რი­ვი პო­ლი­ცი­ის ხელ­მძღვა­ნე­ლის­გან და­უ­ფა­რა­ვი მუ­ქა­რის მი­უ­ხე­და­ვად, რი­ო­ნის ხე­ო­ბის მცვე­ლებ­მა დღის ბო­ლოს ქუ­თი­სის­კენ გამ­გზავ­რე­ბა გა­და­წყვი­ტეს.

გაბ­მუ­ლი სიგ­ნა­ლე­ბით ათო­ბით ავ­ტო­მო­ბი­ლის­გან შემ­დგარ­მა კო­ლო­ნამ მთე­ლი ქა­ლა­ქი შე­მო­ი­ა­რა, ბო­ლოს პრო­ტეს­ტის მო­ნა­წი­ლე­ე­ბი ქუ­თა­ი­სის მთა­ვარ მო­ე­დან­ზე შე­იკ­რიბ­ნენ. მათი მო­თხოვ­ნე­ბი კვლავ უც­ვლე­ლია - სა­ხალ­ხო პრო­ტეს­ტის მო­ნა­წი­ლე­ე­ბი ნა­მახ­ვან ჰე­სის მშე­ნებ­ლო­ბის შე­ჩე­რე­ბას მო­ი­თო­ვენ.

ფო­ტო­ე­ბი: George Boochko