"მთელი საარჩევნო კამპანიის კლიპები, თუ ფოტოები შენი ხელით იქმნებოდა... საოცრად ნიჭიერი ხარ" - რას წერს ეკა ბესელია იუბილარ ქალიშვილზე
პარტია "სამართლიანობისთვის" ლიდერი, ეკა ბესელია საკუთარ ქალიშვილს, ლიზა გუბელაძეს დაბადების დღეს სოციალურ ქსელში ულოცავს.
"ჩემო პრინცესა, გილოცავ დაბადების მე-17 გაზაფხულს და შენს დღეს.
დედას უნდა, რომ უბედნიერესი იყო და სულ ვიმეორებ, რომ გელოდებოდი სწორედ ასეთს, როგორიც ხარ... სულ პატარა უკვე ყველა ტიტულს ფლობდი და სილამაზის, თუ ნიჭიერთა კონკურსებს იპყრობდი. ახლა როცა დიდი ხარ, საჯაროობა არ მოგწონს და აპროტესტებ როცა ჩემს გამო ჩდები. საოცრად ნიჭიერი ხარ და სულ ველოდები კიდევ რას აღმოვაჩენ შენში...
საოცარი იყო ეს ბოლო შემოდგომა, როცა მთელი საარჩევნო კამპანიის კლიპები, თუ ფოტოები შენი ხელით იქმნებოდა... აი, ასე უბრალოდ თვითნასწავლი მანერებით და შენეულო ხედვით... როგორ განიცდიდი უსამართლო შედეგებს...
მომწონს ის სიკეთე და უსაზღვრო ადამიანური სიყვარული, რაც გაქვს, უბრალოება და თავისუფლება. უფალს მადლობა, რომ მაჩუქა შენი თავი, აი, ასეთი, როგორიც მინდოდა ყოფილიყავი - საოცარი ლიზა!
მართალია ზოგჯერ ვეჭვიანობ, მგონია, რომ შენი "ლოტუსი", ეს კოპლებიანი ძაღლი (რომელიც სამი დღიდან გაზარდე) ჩემზე მეტად გიყვარს, მაგრამ ამ მზრუნველობაშიც გხედავ, როგორი ადამიანი იზრდები... მიყვარხარ, დე, სამყაროზე მეტად და უფალი იყოს შენი შემწე და ეს სიყვარული".
"როცა ვმეგობრობდით მაშინაც ვიყავი რუსეთის აგენტი? მთელს ჩემს ოჯახს იცნობ, რამ დაგაწერინა ეს სისულელე?" - რას წერს ჯაღმაიძე თეოლოგის პოსტის საპასუხოდ
გიგი უგულავას ქალიშვილი ფილმის გადასაღებად ფულს აგროვებს - "დახმარება მთხოვა - შენს "ფრენდებში" გაავრცელეო"
