18
მაისიდღის ზოგადი ასტროლოგიური პროგნოზი
15 მარტიდან ბავშვებს შესაძლებლობა მიეცემათ, დაკავდნენ საყვარელი სპორტით და შეხვდნენ მონატრებულ მეგობრებს, რადგან რაგბის სკოლა „ძმები“ ვარჯიშს განაახლებს.
„სმარტ კაპიტალ ჯგუფი“ სხვადასხვა მიმართულების ბიზნეს შესაძლებლობებს ქმნის და ქვეყნისთვის მნიშვნელოვან ინვესტიციებს ახორციელებს. სოციალური პასუხისმგებლობა და ჯანსაღი ცხოვრების წესის ხელშეწყობა, როგორც ყველა წარმატებული, მზარდი კომპანიისთვის, ასევე „სმარტ კაპიტალ ჯგუფისთვის“, ძალიან მნიშვნელოვანია. ამ მიმართულებით ჯგუფი პატრონაჟს უწევს რაგბის ახლადშექმნილ სკოლას- „ძმები“. ეს მიმართულება ჯგუფისთვის მნიშვნელოვანია, დამფუძნებლის აზრით, სპორტი ფიზიკური კულტურის შემადგენელი ნაწილია, მომავალი თაობის სწორი აღზრდისთვის კი, ჯანსაღი ცხოვრების წესი სასიცოცხლოდ მნიშვნელოვანი.
სკოლაში ვარჯიშებს გამოცდილი და ლიცენზირებული მწვრთნელები ვახტანგ მძინარიშვილი და ზურაბ ზაალიშვილი უძღვებიან. კონკრეტულად, რა სიახლეები ელოდებათ „ძმებში“ მისულ მოსწავლეებს, ამის შესახებ ვახტანგ მძინარიშვილს ვესაუბრეთ:
ბავშვებს დიდი ხნის განმავლობაში არ ჰქონდათ ვარჯიშისა და თანატოლებთან ხშირად კომუნიკაციის საშუალება. როგორ ფიქრობთ, რამდენად მნიშვნელოვანია ახლა მათთვის ამ პროცესების აღდგენა?
შეზღუდული სოციალიზაცია და ფიზიკური აქტივობა როგორც ბავშვებში, ისე მოზარდებში მთელ რიგ პრობლემებს იწვევს. ბავშვის განვითარებისთვის ორივე კომპონენტის არსებობა ძალიან მნიშვნელოვანია. ჩვენი სკოლის მიზანიც არამხოლოდ რაგბის შესწავლა, არამედ ჯანსაღი ცხოვრების წესის დამკვიდრება, გუნდურად მუშაობისა და ჯანსაღი კონკურენცის სწავლებაა, რისთვისაც აუცილებელია თანატოლებთან სოციალიზაცია.
ხანგრძლივი პაუზის შემდეგ, რაგბის სკოლის წევრებს ერთმანეთი ძალიან მოგვენატრა და ასევე, ბავშვებს ძალიან მოენატრათ რაგბი. ამ ხნის განმავლობაში ხშირად გვწერდნენ და გვკითხულობდნენ. ბავშვებისთვის ძალიან მნიშვნელოვანია სოციალური ურთიერთობები, მითუმეტეს მას თან თუ ახლავს სპორტული აქტივობები, რომელსაც ჩვენი რაგბის სკოლა სთავაზობს. როდესაც ბავშვები რაგბზე იწყებენ ვარჯიშს, მათ უვითრდებათ ისეთი უნარები, როგორიც არის სამართლიანობა, გუნდურობა და თანამშრომლობა.
რა სიახლეები ელოდებათ ბავშვებს „ძმებში“?
რაგბის სკოლა მონატრებულ მოსწავლეებს განახლებულ ბაზასა და სავარჯიშო პირობებს დაახვედრებს. „მუშტაიდის ბაღი“ კი, სადაც „ძმები“ მდებარეობს, ბავშვებს საშუალებას აძლევს, ჯანსაღ, გამონაბოლქვისგან თავისუფალ გარემოში ივარჯიშონ.
ჩვენს ბაზას, განახლების მიზნით, ჩაუტარდა სარემონტო სამუშაოები და შეიცვალა როგორც მოედნის საფარი, ასევე მთლიანად განახლდა ინტერიერი და სავარჯიშო ინვენტარი. სეზონს ვხვდებით ახალი სახალისო ვარჯიშებით, რომელიც ბავშვების ფიზიკურ გამოცოცხლებას შეუწყობს ხელს.
საინტერესოა, რა ასაკიდან შეუძლიათ ბავშვებს სკოლაში ვარჯიშის დაწყება?
რაგბის სკოლაში ბავშვებს ვარჯიშის დაწყება 5 წლის ასაკიდან შეუძლიათ. სკოლა „ძმებში“ 3 ასაკობრივი ჯგუფი ვარჯიშობს - 5-დან 14 წლამდე. ისინი გადიან როგორც პრაქტიკულ, ისე თეორიულ ვარჯიშებს. სპორტი ბავშვებს ფიზიკურ გამძლეობას, ძალას, კოორდინაციის უნარს უვითარებს. თამაშის სტრატეგიული ელემენტების სწავლა მათ მატებს კონცენტრაციისა და ანალიზის უნარს. რაც მთავარია, რაგბი ბავშვებსა და მოზარდებს ასწავლის მიზნის პატიოსანი გზებით მიღწევას. სპორტის ეს სახეობა ასევე დიდ როლს თამაშობს ხასიათის ჩამოყალიბებაში, ავითარებს თავდაჯერებულობასა და თავმოყვარეობას, ბავშვი სწავლობს მოწინააღმდეგის პატივისცემასა და ჯანსაღ კონკურენციას.
როდის შეიქმნა „ძმები“? როგორც ვიცი, ცოტა ხნის წინ, მონაკოს პრინცესაც გეწვიათ და თქვენი მიღწევებით მოიხიბლა...
რაგბის სკოლა „ძმები“ დაახლოებით 2 წლის წინ შეიქმნა. როგორც ვახტანგ მძინარაშვილი გვიამბობს, იდეის დონეზე ჩამოყალიბებული პროექტი საბოლოოდ, „სმარტ კაპიტალ ჯგუფის“ მხარდაჭერით განხორციელდა. „სმარტ კაპიტალ ჯგუფის" ერთ-ერთი დამფუძნებელი მიხეილ ჩხარტიშვილი და მე ბავშვობიდან მეგობრები ვართ. ის დიდი ხნის განმავლობაში ადევნებდა თვალს ჩემს სპორტულ და სამწვრთნელო კარიერას და ყოველთვის მგულშემატკივრობდა. მე საქართველოს ნაკრებში ვთამაშობდი და პარალელურად, ჩემს კლუბში ვავარჯიშებდი საფესტივალო ასაკის ბავშვებს.
გარკვეული პერიოდის შემდეგ, მე და მას რაგბის სკოლის ჩამოყალიბების იდეა გაგვიჩნდა - ასე შეიქმნა "ძმები". „სმარტ კაპიტალ ჯგუფმა“ დაასპონსორა და დღემდე ფინანსურ მხარდაჭერას უწევს სკოლას, ხოლო დანარჩენს, რაც კარგი სპორტსმენის აღზრდისთვის საჭიროა, მე ვაკეთებ ჩემი გამოცდილებით.
ასევე, უნდა აღვნიშნო, გასულ წელს რაგბის სკოლას მონაკოს პრინცესა შარლინ უოტსტოკი ეწვია, საწვრთნელი ბაზა მოინახულა, ბავშვები გაიცნო და მონაკოშიც დაპატიჟა. ბავშვების მონდომებამ და რაგბის მიმართ სიყვარულმა სტუმრის აღფრთოვანება გამოიწვია.
15 მარტიდან, „ძმები“ ჯანსაღ და დაცულ გარემოში, კვლავ განაგრძობს ვარჯიშს. გუნდი მზადაა მიიღოს და ახალი წევრი ბავშვები და კიდევ მეტ წარმატებას მიაღწიოს მათთან ერთად.
ისეთი შესავალი და პირობებია მადლობის მეტი ჯერ რაგვეთქმის მარა განხორცირლებას ვაკვირდებით.მადლობთ
სიყვარული ასწავლეთ პირველ რიგში, გთხოვთ. დღეს ეს გვაკლია და რა თქმა უნდა, სამშობლოს სიყვარული. გაიხარეთ, წარმატებები არ მოგიშალოთ უფალმა.