ფრიდონ ინჯია ინიციატივით გამოდის, რომ მაგისტრალებზე დაშვებული სიჩქარე 130 კმ/სთ-მდე გაიზარდოს

საქართველოს პარლამენტის წევრი, ფრიდონ ინჯია ინიციატივით გამოდის, რომ მაგისტრალებზე დაშვებული სიჩქარე 130 კმ/სთ-მდე გაიზარდოს.

ამის შესახებ მან პარლამენტის სხდომაზე განაცხადა, სადაც დეპუტატები შს მინისტრს უსმენდნენ.

ინჯიამ ინიციატივის მიზეზად საცობები დაასახელა.

"საცობებმა წიაღო საქართველო. გამოსავალი პრაქტიკულად არ ჩანს, ვერ ვხედავთ. განსაკუთრებით ახლა, ბავშვები რომ სკოლაში წავიდნენ. ხომ არ შეიძლება ვიფიქროთ იმაზე, რომ იქ, სადაც შეიძლება ჩქაროსნულ მაგისტრალებზე, ის შეზღუდვა, რომელიც არის 110 კილომეტრი საათში, გაიზარდოს ამ პერიოდში 130 კილომეტრ საათამდე?" - მიმართა დეპუტატმა ვახტანგ გომელაურს.