ვანო მერაბიშვილმა "ნაციონალური მოძრაობის" ოფისში ტკბილეული და გაზიანი სასმელები მიიტანა (ფოტოები)
"ნაციონალური მოძრაობის" ცენტრალურ ოფისში ყოფილი პრემიერ-მინისტრი ვანო მერაბიშვილი მივიდა. მან ადგილზე ტკბილეული და გაზიანი სასმელები მიიტანა.
მერაბიშვილმა არ უპასუხა ჟურნალისტების არც ერთ კითხვას იმ მოვლენებთან დაკავშირებით, რომელიც ნიკა მელიასთან მიმართებით ვითარდება. მერაბიშვილმა პარტიის ოფისი კომენტარის გარეშე დატოვა.
"ნაციონალური მოძრაობის" ოფისში ოპოზიციური პარტიების ლიდერები დილიდან იმყოფებიან. ისინი მიიჩნევენ, რომ ნიკა მელიას მიმართ პოლიტიკურ ანგარიშსწორებას აქვს ადგილი.
გარდა ამისა, "ნაციონალური მოძრაობის" წარმომადგენლების თქმით, თბილისის საქალაქო სასამართლოს მხრიდან, სადაც ნიკა მელიას საქმეზე პროცესი მიმდინარეობს, პოლიტიკურ ვერდიქტს ელოდებიან, თუმცა ისინი აპირებენ, რომ სასამართლოს გადაწყვეტილებას მშვიდობიანი გზით აღუდგნენ წინ.
ფოტოები: გიორგი ჟამერაშვილი
"ეს უნდა გადაწყდეს მშვიდობიანად" - აშშ-ის საელჩო ნიკა მელიას საქმეზე გამოტანილ განაჩენზე განცხადებას ავრცელებს
"ვრცელდება ინფორმაცია, რომ სპეცრაზმი შეიძლება დაიძრას - მოვლენ, დავხვდებით" - გიგი უგულავა
