მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"უგულავა ცდილობს ურთიერთობა სააკაშვილთან დაალაგოს" - რისთვის ჩაფრინდა კიევში უგულავა და ბრუნდება თუ არა "ნაცმოძრაობაში"?
20:21 / 12-02-2021
"ევროპულ საქართველოში" არსებული შიდა დაძაბულობის თაობაზე რამდენიმედღიანი მითქმა - მოთქმის შემდეგ, დღეს ცნობილი გახდა, რომ პარტიის ლიდერებს შორის მართლაც აზრთა სხვადასხვაობაა.
პარტიაში განახლების აუცილებლობაზე ლაპარაკობენ, რის წინაპირობაც დავით ბაქარაძეს და გიგი უგულავას ლიდერების პარტიის მართვიდან ჩამოშორება მიაჩნიათ, ამ აზრს არ იზიარებს გიგა ბოკერია.
რამდენიმესაათიანი შეხვედრა-თათბირის შემდეგ, დავით ბაქრაძემ განაცხადა, რომ პარტიის თავმჯდომარედ მაისამდე დარჩება, შემდეგ კი პარტიას დატოვებს. ბაქრაძის მსგავსად, გიგი უგულავამაც გვერდზე გადგომა გადაწყვიტა და თქვა, რომ ისიც გენერალური მდივნის პოსტს დატოვებს, თუმცა აქტიურ პოლიტიკაში დარჩება და მთელ შესაძლებლობებს “მავნებელი რეჟიმის” გასტუმრებას მოახმარს.
ვრცელდება ინფორმაცია, რომ პარტიიდან შეიძლება წავიდნენ ზურა ჭიაბერაშვილი და ირმა ნადირაშვილიც. პარტიის წარმომადგენლები პარტიის განახლების მიზეზად საპარლამენტო არჩევნებში მიღებულ შედეგს ასახელებენ, რაც რეალურად არის კიდეც არსებული არეულობის მიზეზი.
ჩვენი ინფორმაციით, ამ შედეგით განსაკუთრებულად უკმაყოფილო დარჩა პარტიის ერთ-ერთი მთავარი დამფინანსებელი დავით კეზერაშვილი, რომელმაც პარტიას დაფინანსება შეუზღუდა. ამის თაობაზე Ambebi.ge ჯერ კიდევ იანვარში წერდა.
სად შეიძლება ვიხილოთ დავით ბაქრაძე და გიგი უგულავა, რომლებიც აცხადებენ, რომ პარტიულ აქტიურობას წყვეტენ, მაგრამ პოლიტიკაში რჩებიან.
როგორც გახდა ცნობილი, გიგი უგულავა ახლახან კიევიდან დაბრუნდა, სადაც ის ექსპრეზიდენტ სააკაშვილს შეხვდა. უგულავას ბრიფინგზე დაუსვეს შეკითხვა, რა მიზნით ჩაფრინდა კიევში და რაზე ისაუბრეს მან და მიხეილ სააკაშვილმა.
"დიახ, სააკაშვილი ვნახე, დიდი საუბარი ჩვენ არ გვქონია, უბრალოდ, გადავიკვეთეთ. ჩვენ ძირითადად ვისაუბრეთ უკრაინაზე, მასთან პარტიულ საკითხებზე არ მისაუბრია, იმიტომ, რომ პარტიას ჰყავს არჩეული თავმჯდომარე და თუ "ნაცმოსთვის" რამე მაქვს სათქმელი, მივალ ბატონ ნიკასთან”, - განაცხადა მან.
როგორც Ambebi.ge-სთვის გახდა ცნობილი, გიგი უგულავამ შესაძლოა "აქტიური პოლიტიკა” მართლაც "დედა პარტიას" - “ნაციონალურ მოძრაობას” დაუკავშიროს. როგორც სანდო წყარო გვეუბნება, "უგულავა მიხეილ სააკაშვილთან ცდილობს ურთიერთობის დალაგებას და არ უნდა გაგვიკვირდეს, თუ მალე მას ისევ "ნაციონალებში" ვიხილავთ.
უგულავა სწორედ ამ მიზნით ჩაფრინდა კიევში. სხვათა შორის, ნიკა მელია უგულავას მათ რიგებში დაბრუნების წინააღმდეგია, ამიტომაც დასჭირდა მას არა თავმჯდომარესთან, არამედ პირდაპირ სააკაშვილთან ჩაფრენა”.
მკითხველის კომენტარები /
30 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"უძღები შვილის დაბრუნება"