მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქართველებს გერმანიაში ლეგალურად დასაქმება შეეძლებათ - როგორ უნდა დარეგისტრირდეთ და რა მოთხოვნებს უნდა აკმაყოფილებდეთ პროგრამაში ჩასართავად
16:32 / 11-02-2021
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს შეხვდა. ამის შესახებ ინფორმაციას ჯანდაცვის სამინისტრო ავრცელებს.
მათივე ინფორმაციით, მხარეებმა გერმანიაში დროებით ლეგალურად დასაქმებაზე ისაუბრეს.
“გერმანიის შრომის ბაზარზე, საქართველოს მოქალაქეებს დროებითი ლეგალური დასაქმება 3 თვით შეეძლებათ. სეზონური სამუშაოები გერმანიაში 1 აპრილიდან დაიწყება. რეგისტრაციის გავლა კი 15 თებერვლიდანაა შესაძლებელი და მთელი წლის განმავლობაში გაგრძელდება. დასაქმება სოფლის მეურნეობის სექტორში სეზონურ სამუშაოებზეა შესაძლებელი.
სამუშაოს მაძიებელი პირველად რეგისტრაციას სპეციალურ სარეგისტრაციო პორტალზე http://workabroad.gov.ge/ გადის.
სეზონურ სამუშაოებზე დასაქმების მსურველი უნდა აკმაყოფილებდეს შემდეგ მოთხოვნებს: უნდა იყოს საქართველოს მოქალაქე; ასაკი: 18 წლიდან 60 წლამდე; გერმანიაში გამგზავრებამდე 3 თვით ადრე პერიოდში არ უმოგზაურია შენგენის სივრცეში; ფიზიკური ჯანმრთელობა; მოსავლის აღების სამუშაო გამოცდილება და მოტივაცია; ნებისმიერი მიზეზის (დარღვევის) არარსებობა, რაც იწვევს ქვეყანაში ხელახლა შესვლის შეზღუდვას;
გერმანული ან ინგლისური ენის ელემენტარულ საკომუნიკაციო დონეზე ცოდნა (ჯგუფურად დასაქმების შემთხვევაში, აუცილებელია, მინიმუმ ერთმა წევრს უნდა შეეძლოს გერმანულ ან ინგლისურ ენაზე კომუნიკაცია). ენის ცოდნის მოთხოვნას განსაზღვრავს დამსაქმებელი.
სეზონურ სამუშაოებზე დასაქმება სხვადასხვა სეზონური მოსავლის აღებას გულისხმობს. დასაქმების ხანგრძლივობაა 1-დან 3 თვემდე. სამუშაო დრო: 5-6 დღე კვირაში; 8 - 10 საათი დღეში. მინიმალური ხელფასი - 9.50 ევრო საათში (დარიცხული), რომელსაც გამოაკლდება გადასახადები, კვებისა და საცხოვრებლის ხარჯები.
რეგისტრაციის შემდეგ, სსიპ დასაქმების ხელშეწყობის სახელმწიფო სააგენტოს თანამშრომლები, კონკრეტული ვაკანსიის შესახებ ინფორმაციის მიღების შემთხვევაში, უკავშირდებიან დასაქმების მსურველებს. სერვისცენტრში მისვლისას მსურველს თან უნდა ჰქონდეს პირადობის ელექტრონული მოწმობა და/ან საქართველოს მოქალაქის ბიომეტრიული პასპორტი.
კონკრეტულ ვაკანსიაზე დასაქმების მსურველთა შესახებ მონაცემები მიეწოდება გერმანელ დამსაქმებელს. დასაქმებაზე საბოლოო გადაწყვეტილებას იღებს გერმანელი დამსაქმებელი. გადაწყვეტილება ეცნობება თითოეულ მსურველს. გერმანელი დამსაქმებლის მხრიდან დადებითი გადაწყვეტილების შემთხვევაში, დამსაქმებელი მუშაობის დაწყების მსურველს უგზავნის შრომით ხელშეკრულებას, რომელიც მხარეებს შორის გაფორმდება გერმანიაში გამგზავრებამდე”, - ნათქვამია ინფორმაციაში.
აღნიშნულთან დაკავშირებით კომენტარი გააკეთა საქართველოში გერმანიის ელჩმაც. ჰუბერტ ქნირშის განცხადებით, საქართველოს მოქალაქეებს გერმანიის სოფლის მეურნეობაში დასაქმება სეზონურად, მაქსიმუმ 90 დღის განმავლობაში შეეძლებათ.
როგორც ჰუბერტ ქნირშმა აღნიშნა, საქართველო არის პირველი ქვეყანა, ვისთანაც გერმანიამ აღნიშნული მიმართულებით მუშაობა დაიწყო.
"ვიწყებთ პროექტს, რომელიც გულისხმობს ქართველების დასაქმებას გერმანიაში სოფლის მეურნეობაში სეზონურად. საინფორმაციო კამპანია იწყება როგორც ინტერნეტში, ასევე შრომის სააგენტოს მეშვეობით. ეს არის შედეგი იმ ორწლიანი ინტენსიური მუშაობისა, ერთი მხრივ, საქართველოს მხრიდან, რაშიც საქართველოს შრომის სააგენტო და მინისტრი აქტიურად იყო ჩართული და მეორე მხრივ, გერმანიის მხარე და გერმანიის დასაქმების სააგენტო.
როგორც ქალბატონმა მინისტრმა აღნიშნა, ეს არ არის გერმანიაში იმიგრაციის პროექტი, არამედ, ეს არის დროებითი სეზონური სამუშაო გერმანიაში, რომელიც მაქსიმუმ 90 დღეს გრძელდება. ეს იქნება სამუშაო ადგილები გერმანიაში სოფლის მეურნეობის დარგში. ჩვენ დარწმუნებული ვართ საქართველოში ძალიან ბევრი ადამიანი კარგად იცნობს ამ დარგს და შეეძლებათ წვლილი შეიტანონ როგორც გერმანიის სოფლის მეურნეობაში, ასევე, ჩამოსვლის შემდეგ თავისი ქვეყნის იგივე სფეროში.
გერმანია ამ პროექტს ყველა ქვეყანასთან არ ახორციელებს, ჩვენ ამას ვიწყებთ საქართველოთი. პირველად, დიდი ხნის შემდეგ ვიწვევთ სამუშაო ძალას სხვა ქვეყნიდან. განსაკუთრებით მოხარული ვართ, რომ ჩვენ შევძელით და ამას ვაკეთებთ იმ რთულ გლობალურ პანდემიურ სიტუაციაში და განსაკუთრებით რთულ სოციალურ პირობებში, რაც ამ პანდემიამ წარმოქმნა. მოუთმენლად ველი შედეგებს ამ პროექტიდან“, - განაცხადა ჰუბერტ ქნირშმა.
მკითხველის კომენტარები /
82 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნეტა რამდენი კაცი დაბრუნდება უკან? სამუშაო ადგილების შექმნაზე, პირველ რიგში საკუთარ ქვეყანაში უნდა იზრუნოთ და მერე უკვე საზღვარგარეთ.
მიუხედავათ იმისა, რომ ეს დიპლომატიური მიღწევა სავარაუდოდ სარგებელს მოუტანს საქართველოს მოქალაქეებს, ამის როგორც უმუშევრობის პრობლემის გადაწყვეტილებად აღქმა არ შეიძლება. იტალიაში-ც არის ეს პრაქტიკა, ვენახებში სეზონურად სამუშაოდ ჩრდილო-აფრიკიდან ჩამოყავთ მუშები.
"პირველად, დიდი ხნის შემდეგ ვიწვევთ სამუშაო ძალას სხვა ქვეყნიდან"აუჰ, მართლა? პოლონელები და რუმინელები ყოველ წელიწადს არ ჩამოგყავთ?თუ აღარ კადრულობენ 9,5 ევროზე მუშაობას და ამიტომ უფრო შორიდან გახდა ხალხის ჩამოყვანა იმ საქმისთვის საჭირო, რასაც არცერთი გერმანელი არ გააკეთებს?კვირაში 6 დღე, 10 საათი დღეში, გამოდის 60 საათი. 60-ჯერ 9.5 ევრო გამოდის 2280 ევრო თვეში. რადგან ეს დარიცხულია, გამოაკლდება 30% საშემოსავლო გადასახადი. დარჩება 1596 ევრო. კვების და ბინის ქირის ფულიც თქვენ გადაიხადეთო. ძალიან ხელმომჭირნედაც რომ დახარჯოთ კვების და ბინის ფული, თვეში 500 ევროზე ნაკლებად ვერ გამოხვალთ. დარჩა 1096 ევრო თვეში. ე.ი. სამი თვის განმავლობაში 3288 ევრო. თვითმფრინავის ბილეთიც ხომ უნდა აიღოთ? ესეც სულ მცირე 300 ევრო. გამოდის, რომ 3000 ევროს გულისთვის უნდა შეასრულოთ მძიმე და ბინძური სამუშაო სამი თვე, დღეში 10 საათი. მესმის, რომ ეს ბევრი ქართველისთვის სანატრელი შემოსავალია, მაგრამ მე მაინც ვერაფერს ვხედავ ამაში გასახარელს. საამაყოს ხომ მითუმეტეს (რაღაც ამის მსგავსი: არიქა გერმანელებმა პატივი დაგვდეს, დღეს ჭარხალს გვათხრევინებენ და ხვა ევროკავშირში მიგვიღებენ).