მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
2021 წლის მათემატიკური და ალგორითმული აზროვნების კონკურსზე - "M ვექტორი" რეგისტრაცია დაიწყო
15:50 / 05-02-2021
მათემატიკური და ალგორითმული აზროვნების კონკურსი - "M ვექტორი" პროექტის პირველ ეტაპზე მონაწილეობის მიღების მიზნით დაინტერესებულ უფროსკლასელებს იწვევს. მსურველებს 20 იანვრიდან შესაძლებლობა ექნებათ რეგისტრაცია "M ვექტორის" ვებგვერდზე - www.mvector.ge გაიარონ. რეგისტრაციის სისტემის ბმული და პროექტის შესახებ ყველა მნიშვნელოვანი ინფორმაცია ვების მსგავსად, ოფიციალურ Fაცებოოკ გვერდზეც -https://www.facebook.com/www.mvector.ge განთავსდება.
დაინტერესებულ პირებს კონკურსში ჩართვა მაისის ბოლომდე, პროექტის პირველი ეტაპის დასრულებამდე შეეძლებათ, ამავე, ძირითად ეტაპზე ხდება საკონკურსო თემებსა და დავალებებზე მუშაობაც.
- "M ვექტორი" მონაწილეებს კონკურსის მიმდინარეობისას სრულ მხარდაჭერას სთავაზობს: ახალგაზრდებს საშუალება ექნებათ შინაარსობრივი საკითხები ექსპერტებთან ერთად სპეციალურ ფორუმზე განიხილონ. კონკურსის თემატიკასა და პროცედურულ საკითხებთან დაკავშირებით, ოფიციალურ ვებ დაFacebook გვერდებზე სისტემატურად გაიმართება LIVE ჩართვები, შეხვედრები, ასევე, სპეციალური რუბრიკების ფარგლებში, განთავსდება განმარტებითი და შემეცნებითი ინფორმაცია.
- წლევანდელი კონკურსის სიახლეა - მენტორის საათი. მონაწილეებს მენტორებთან ერთად საკითხების განხილვა კვირაში ერთხელ, წინასწარ განსაზღვრულ დროს ვიდეო შეხვედრის ფორმატში შეეძლებათ.
- პროექტის დასკვნითი ნაწილი დამოუკიდებელ სამუშაოს და ექსპერტებთან ონლაინ გასაუბრებას ითვალისწინებს.
2020 წელს საგანმანათლებლო პოლიტიკისა და კვლევების ასოციაციამ ქუთაისის საერთაშორისო უნივერსიტეტთან თანამშრომლობით, მათემატიკითა და ალგორითმული აზროვნებით დაინტერესებულ უფროსკლასელებს ახალი, ინოვაციური და ფორმატით გამორჩეული კონკურსი შესთავაზა.
პროექტი სახელწოდებით - "M ვექტორი" თანამედროვე გამოწვევებსა და ტენდენციებზე ორიენტირებული კონკურსია. მისი მიზანია მოსწავლეებში მათემატიკური, ალგორითმული აზროვნების გამოვლენა, ცოდნის გაღრმავება, ასევე, ამ ცოდნით კონკრეტული მათემატიკური პრობლემების საინტერესო გადაჭრის გზების მიგნების ხელშეწყობა.
"M ვექტორი" უპირატესად მეთორმეტეკლასელებსა და აბიტურიენტებზეა გათვლილი, თუმცა პროექტი მკაცრ შეზღუდვას არ აწესებს, მასში მონაწილეობის მიღება მეთერთმეტე კლასის მოსწავლეებსაც შეუძლიათ.
2020 წელს კონკურსის წინასწარ განსაზღვრული ფორმატი პანდემიის გამო სრულად შეიცვალა და ყველა ეტაპი ონლაინ წარიმართა. ახალგაზრდებისთვის საინტერესო და, რაც მთავარია, ინტეგრირებული სივრცეების შექმნაზე "M ვექტორის" ექსპერტებმა, მენტორებმა იზრუნეს. პროექტის ვებ დაFacebook გვერდები კი მოსწავლეებისა და პედაგოგებისთვის სასწავლო და შემეცნებითი სივრცის ფუნქციასაც ასრულებდა.
2020 წელს "M ვექტორის" კონკურსზე საქართველოს 55 ქალაქიდან და სოფლიდან 500-მდე მსურველი დარეგისტრირდა. მათი უმეტესობა მე-12 კლასის მოსწავლე იყო. პროექტის დასკვნით ეტაპზე 76 მონაწილე შეირჩა, მათგან გამარჯვებული თბილისის, ჭიათურის, ადიგენის, ზუგდიდის, ქუთაისის, საგარეჯოსა და ფოთის სკოლების 18 მოსწავლე გახდა. ამასთან, ყველა გამარჯვებულ მე-12 კლასელს ქუთაისის საერთაშორისო უნივერსიტეტმა პრიზებთან ერთად, KIU-ში სწავლის შესაძლებლობა სრული დაფინანსებით შესთავაზა.
2021 წელს, გასული წლის მსგავსად, ქუთაისის საერთაშორისო უნივერსიტეტს კონკურსის ყველაზე წარმატებული მონაწილეებისათვის სხვადასხვა პრიზი აქვს დაწესებული.
- კონკურსის განმახორციელებელია საგანმანათლებლო პოლიტიკისა და კვლევების ასოციაცია (EPRA)
- კონკურსის ფინანსური მხარდამჭერია საერთაშორისო საქველმოქმედო ფონდი "ქართუ"
- პროექტის პარტნიორია სსიპ ქუთაისის საერთაშორისო უნივერსიტეტი (KIU)
- პროექტის მხარდამჭერია საქართველოს განათლების, მეცნიერების, კულტურისა და სპორტის სამინისტრო
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
