მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იქვე დაჩოქილი დედა ვერ იჯერებდა, რომ შვილი ცოცხალი გადაურჩა" - რას ჰყვება მაშველი, რომელიც 10 წლის გოგონას გადარჩენის ოპერაციაში მონაწილეობდა
16:24 / 30-01-2021
საგანგებო სიტუაციების მართვის სამსახურის თანამშრომლებმა ზუგდიდში 10 წლის ბავშვი ნანაგრევებიდან გამოიყვანეს. ბავშვი კლინიკაშია გადაყვანილი და მის სიცოცხლეს საფრთხე არ ემუქრება.
ზუგდიდში მომხარი ფაქტის შესახებ ინფორმაცია საგანგებო სიტუაციების მართვის სამსახური გაავრცელა.
"112"-ში შემოვიდა ინფორმაცია ზუგდიდში, თამარ მეფის ქუჩაზე ორსართულიანი შენობის ნგრევის შესახებ. ინიციატორის გადმოცემით, ნანგრევებში მოყოლილი იყო არასრულწლოვანი. საგანგებო სიტუაციების მართვის სამსახურის თანამშრომლები ადგილზე დროულად გამოცხადდნენ და დაიწყეს სამაშველო ოპერაცია.
მაშველებმა ბავშვის სავარაუდო ადგილსამყოფელი ნანგრევებისგან უმოკლეს დროში გაათავისუფლეს და 10 წლის გოგონა უსაფრთხო ადგილას გამოიყვანეს. არასრულწლოვანი იმყოფებოდა კონტაქტურ მდგომარეობაში. სასწრაფო სამედიცინო დახმარების ჯგუფის მიერ ის გადაყვანილია კლინიკაში, სადაც უტარდება შესაბამისი დახმარება”,- აღნიშნულია ინფორმაციაში.
ერთ-ერთი მაშველი, რომელიც 10 წლის გოგონას გადარჩენის ოპერაციაში მონაწილეობდა, დიმიტრი ბარამიაა. ის ზუგდიდის სახანძრო-სამაშველოს სამმართველოს უფროსია.
ბარამიას AMBEBI.GE ესაუბრა:
- ორსართულიანი, მიტოვებულივით შენობაა, კაპიტალური, ადრე დევნილები ცხოვრობენ. ამ ეტაპზე მხოლოდ ეს დედა და შვილი ყოფილან. ინფორმაცია შემოვიდა, შენობა ჩამოინგრა და ბავშვია მოყოლილიო... ძალიან სწრაფად მივედით ადგილზე. ეს არის ე.წ. საკონსერვოს ტერიტორიაზე არსებული შენობა. ადგილზე მისულებს ასეთი სურათი დაგვხვდა - გაფითრებული და შეშინებული დედა ადგილს გვითითებდა, სადაც ბავშვი იყო მოყოლილი...
მიშველეთ, ვერ სუნთქავსო - სასოწარკვეთილი კიოდა. ბავშვი ორ ბეტონის ფილას შორის იყო მოყოლილი და უკვე სუნთქვა უჭირდა. ის ფილები კედელზე იყო მიბჯენილი, თუმცა მათ შორის მცირედი სივრცე იყო, სადაც ბავშვი იყო გაჭედილი... ანუ ორივე სართული ჩაინგრა და კედლები მოიყოლა.
- კონტაქტური იყო?
- კი, საბედნიეროდ... თავი ქვიშითა და ნანგრევების მტვრით ჰქონდა დაფარული და ძლივს სუნთქავდა. პირველ რიგში, სუნთქვის საშუალება მივეცით და მერე თანდათან, სპეციალური ხელსაწყოებით გავათავისუფლეთ ნანგრევებისგან.. შოკი ჰქონდა. ჯერ ხმა ვერ ამოიღო, მერე ტირილი დაიწყო. დედამისი ეძახდა, მარიამ, ხმა გამეციო... მერე თანდათან მოვიდა აზრზე. სასწრაფო დახმარების ბრიგადაც იქ იყო და შესაბამისი დახმარება აღმოუჩინეს.
ბავშვს გარეგნული დაზიანებები არ აღენიშნებოდა. დედამისიც ეკითხებოდა, რამე ხომ არ გტკივაო, მაგრამ უარობდა... სახე და ტანსაცმელი ჰქონდა მტვრით მოსვრილი და შეშინებული იყო. ჩვენ მაშინვე საკაცეზე დავაწვინეთ. იქვე დაჩოქილი დედა ვერ იჯერებდა, რომ შვილი ცოცხალი და უვნებელი გადაურჩა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს სასიხარულო და გმირული ამბავი გააშუქეთ, ნოდარა მელაძის ინდურ მიხვრა მოხვრაზე რომ იხარჯებით.
martla gmiroba chaidines zugdidshi mashvelebma,matloba mat amistvis.ratom duman televiziebi gaashuqon,achvenon sazogadoebas rom chvens gverdit cxovroben da mushaoben ketilsindisieri adamianebi.