ჰოლივუდის ვარსკვლავის, ჯენიფერ ენისტონის "ინსტაგრამ" სთორიზე საქართველოს პრეზიდენტი სალომე ზურაბიშვილი მოხვდა. მსახიობი რამდენიმე ქვეყნის ქალი ლიდერების ფოტოებს აქვეყნებს, რომლებმაც მისი თქმით, "ბევრი რამ შეცვალეს".
"მაშინ, როცა სამყაროში ცვლილებების მოწინააღმდეგეთა ხმაური ისმის, ცვლილებები, ნებისმიერ შემთხვევაში, მაინც ხდება. მიეცით უფლებები ქალებს და შეცვალეთ მსოფლიო", - წერს ენისტონი და ხაზს უსვამს იმ ფაქტს, რომ ბევრი სახელმწიფოს მმართველ რგოლში წამყვან ადგილებს ქალები იკავებენ.
"სთორზე" ზურაბიშვილთან ერთად, გერმანიის კანცლერის ანგელა მერკელის, ნეპალის პრეზიდენტის ბიდჰია დევი ბჰანდარის, ტაივანის პრეზიდენტის ცაი ინ-ვენის, ახალი ზელანდიის პრემიერ-მინისტრის, სლოვაკეთის პრეზიდენტის, ასევე ტრინიდადის და ტობაკოს პრეზიდენტის, ამერიკის ყოფილი პირველი ლედის, მიშელ ობამას და სხვა ლიდერი ქალის ფოტოებიც არის.
პრეზიდენტი ღირსეული ქალბატონია. ერთადერთი დანაშაული, რაც აქვს ჩადენილი - გრიგოლ ვაშაძე დაამარცხა საპრეზიდენტო არჩევნებში. ამას ნაცები ვერასდროს აპატიებენ, რამდენადაც გაუცრუვდათ სააკაშვილის და სხვა დამნაშავეების შეწყალების მოლოდინი. ხომ წარმოგიდგენიათ, რა იქნებოდა დღეს საცოდავ საქართველოში.
პრეზიდენტმა რაც თქვა ცხინვალზე, დავითგარეჯზე თუ საქართველოს სხვა პრობლემებზე, ყველაფერი იყო სწორი, მაგრამ მის ნათქვამს არაკეთილმოსურნეები თავის ინტერპრეტაციას უკეთებენ და ტეხავენ ისტერიკებს.
გაუგებრობის ნიადაგზე! ბევრი იცის ჯენიფერამ!