28
მარტიდღის ზოგადი ასტროლოგიური პროგნოზი
ესპანეთში უამინდობის გამო დაღუპულთა რიცხვი სულ მცირე 4-მდე გაიზარდა. Reuters-ის ინფორმაციით, ძლიერი თოვის დროს ადიდებულ მდინარეს 2 ადამიანი ემსხვერპლა, რომლებიც ავტომობილში იმყოფებოდნენ. გამოცემის ცნობით, კიდევ 2 ადამიანი, რომლებიც ქუჩაში ცხოვრობდნენ, ტემპერატურის მკვეთრ ვარდნას ემსხვერპლნენ.
უკვე რამდენიმე დღეა, რაც ესპანეთში უხმა თოვლმა პრობლემები შექმნა. თოვლმა და ყინულმა შეფერხება გამოიწვია 400-მდე ავტომაგისტრალზე, რის შედეგადაც 1000-მდე ადამიანი გზებზე ჩარჩა. დროებით დაიხურა მადრიდის აეროპორტიც. მადრიდის ცენტრში ქარის მიერ წაქცეულმა ხეებმა ავტომობილები დააზიანა.
ხელისუფლებამ სიფრთხილის ზომების გათვალისწინებით, დედაქალაქში დიდი პარკები დახურა. შეჩერდა ჩქაროსნული სარკინიგზო მიმოსვლა მადრიდსა და ქალაქ ალიკანტეს და ვალენსიას შორის. ხელისუფლებამ მოსახლეობას მოუწოდა, არააუცილებელი მგზავრობისგან თავი შეიკავოს.
მეტეოროლოგები მადრიდში მომდევნო დღეებში ცივ ამინდებს და ტემპერატურის მინუს 12 გრადუსამდე დაცემასაც პროგნოზირებენ.
