"ისე უნდა დაერხეს ქვეყანას, რომ ხალხი ქუჩაში გამოვარდეს - ასეთი განცდა აქვს ზოგიერთ ოპოზიციონერს" - ალეკო ელისაშვილი

"ისე უნდა დაერხეს ქვეყანას, რომ ხალხი ქუჩაში გამოვარდეს - ასეთი განცდა აქვს ზოგიერთ ოპოზიციონერს", - ამის შესახებ პარტია "მოქალაქეების" ლიდერმა ალეკო ელისაშვილმა "ტვ პირველის" ეთერში განაცხადა.

"ჩვენი პოზიცია არის ის, რომ მოვიპოვოთ საშვილიშვილო პერსპექტივა ამ ქვეყნის და საარჩევნო სისტემის ფუნდამენტური ცვლილება და შემდეგ კეთილი ვინებოთ და შევიდეთ. და შემდეგ ისე კი არ ჩავატარებინოთ, ერთი ჰანგის ხმები რომ არ ისმოდა და ფარშვანგები არ დადიოდნენ პარლამენტის დარბაზში, არამედ ქარცეცხლში გავატაროთ... ყველამ უნდა მოაწეროს ხელი იმ შთანხმებას და შევიდეთ...

ჩვენ გვაქვს გეგმა და ხედვა, როგორ უნდა დავამარცხოთ ბიძინა ივანიშვილი. აქეთ არ არის არანაირი გეგმა. მოისმინეთ, გამოვა ხალხი გაზაფხულზეო. ამას ვისმენდი ოპოზიციაში და ამაზე ვიყავი გაცოფებული, ოპოზიციის ნაწილს ჰქონდა მიამიტური განცდა, რომ ბიძინა ივანიშვილს შერცხვება ერთპარტიული პარლამენტიო და ვხედავთ, როგორც შერცხვა. იმავე ნაწილს დღესაც აქვს განცდა, რომ ისე უნდა დაერხეს ქვეყანას გაზაფხულზე, ისე უნდა დაიმშეს ხალხი, ისე უნდა გაუბედურდეს, ამ კრიზისმა ისეთ დღეში უნდა ჩააგდოს ხალხი, რომ ქუჩაში გამოვარდეს და ამ მღვრიე წყალში უნდა დაიჭირონ თევზი. ამას უნდა ელოდებოდე პასუხისგმებლობის მქონე პარტია და პოლიტიკოსი?! თუ იმას უნდა ფიქრობდეს, რომ აქამდე არ მივიდეს ეს ქვეყანა. ამას ელოდებიან", - განაცხადა ალეკო ელისაშვილმა.