Facebook-ი, Messenger-ი და Instagram-ი შეფერხებით მუშაობს - რას უკავშირდება გლობალურად წარმოქნილი პრობლემა

დღეს დილიდან Facebook-ი, Messenger-ი და Instagram-ი შეფერხებით მუშაობს. პრობლემა გლობალური მასშტაბისაა და ყველაზე მეტად ის Messenger-ს ეხება. მილიონობით მომხმარებელი „მესენჯერით“ სარგებლობასა და მიმოწერას ვერ ახერხებს.

უფრო ზუსტად კი, ვებ-გვერდ Downdetector-ის ცნობით, „ფეისბუქისა“ და „მესენჯერის“ მომხმარებელთა 53% შეტყობინებებს ვერ იღებს.

მომხმარებელთა ნაწილს პრობლემები აქვს ავტორიზაციასთან, ნაწილს კი „ნიუს ფიდთან.“

ჯერჯერობით უცნობია, თუ რას უკავშირდება ხარვეზი, ან რა დრო დასჭირდება პრობლემის მოგვარებას. „ჩვენ ვმუშაობთ, რომ პრობლემა მაქსიმალურად სწრაფად აღმოვფხვრათ“, - ციტირებს „დეილი მეილი“ "ფეისბუქის“ გუნდის წარმომადგენლის კომენტარს, თუმცა ისიც აღსანიშნავია, რომ ოფიციალური განცხადება ჯერჯერობით არავის გაუკეთებია.