"მე და ჩემს კოლეგებს, თვეებია არც ჩაცმა გვღირსებია, არც ჭამა - მოლებთან რიგებში მომლოდინენო, ვერ ხედავთ, რომ ხალხი იხოცება?" - ექიმის ემოციური მიმართვა
თბილისის სასწრაფო სამედიცინო დახმარების ცენტრის უფროსი ექიმი მაია სვანიშვილი გუშინ თბილისის მაღაზიებსა და ქუჩებში არსებულ სიტუაციას ეხმაურება.
როგორც ის "ფეისბუქზე" წერს, "შავმა პარასკევმა" საზოგადოებას მენტალობაზე ტესტი ჩაუტარა. მედიკოსი ქვეყანაში არსებული ეპიდვითარების ფონზე მოლებთან რიგში მდგომ ადამიანებს აკრიტიკებს.
"ძვირფასო მეგობრებო! გუშინდელმა "შავმა პარასკევმა" ტესტი ჩაუტარა ჩვენს საზოგადოებას მენტალობაზე და ინტელექტზე, სინდის- ნამუსზეც! თურმე ხალხი "მშიერ- მწყურვალი" და "შიშველ- ტიტველია"!!!
მე და ჩემს კოლეგებს, რამდენიმე თვეა არც ჩაცმა გვღირსებია, არც ადამიანურად ჭამა, არც ძილი და მოსვენება! თვეობით ვერ ვხედავთ შვილებს და შვილიშვილებს,ზოგი ვმკურნალობთ, ზოგი იზოლაციაში ვართ და ყველა ჩვენგანი ვიხდით ვალს ქვეყნის წინაშე! თქვენ, მოლებთან რიგებში და საცობებში მომლოდინენო, ვერ ხედავთ რომ ხალხი იხოცება?
ოჯახები რომ დაუტირებელ მიცვალებულებს მარხავენ? და ვინც გამოჯანმრთელდა, შიშის თვალებით უყურებს ხვალინდელ დღეს? სად აპირებთ მაგ ტანსაცმლის გამომზეურებას? მაპატიეთ ასეთი გაცხარება, მაგრამ რაც დავწერე, სიმართლეა!!
ღმერთმა მრავალ ახალ წელს დაგასწროთ ჯანმრთელად და ბედნიერად! გამოუცხვეთ თქვენს შვილებს გემრიელი ნამცხვარი,თქვენი ხელით და ეს იყოს წელს საახალწლო საჩუქარი-არ შეიძლება ამაზე " გადავიაროთ"? ჩემო ძვირფასო კოლეგებო, მართლა გმირებო, ჩემი სიყვარული და თაყვანისცემა-თ ქ ვ ე ნ !!!"- წერს სვანიშვილი.
"საჯარო სამსახურიდან წასვლის შემდეგ ბევრი მეკითხება რას ვაპირებ..." - რას წერს "ფეისბუქზე" ნათია მეზვრიშვილი
"სულ რომ მეშინოდა და მერე ამ შიშს მალევე სადღაც ვჩქმალავდი, ის დროა ახლა" - ნინო სურგულაძის ემოციური პოსტი მამის გარდაცვალების შემდეგ
