მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თავისუფალ სივრცეში მოიხსენით პირბადე და სახე რამდენიმე წუთით მზეს აჩვენეთ" - კოსმეტოლოგის რჩევები ზამთარში გაუხეშებული კანის მოსავლელად
13:07 / 28-11-2020
ზამთარი, სუსხი, ქარი და ყინვა, პირდაპირ ასოცირდება სიცივისგან გაუხეშებულ კანთან, რომელსაც შესაბამისი მოვლა სჭირდება. თუ ახალი რეგულაციების ფარგლებში, კოსმეტოლოგის კაბინეტში ვიზიტი დაგეგმეთ, თქვენ გაგიმართლათ. სხვა შემთხვევაში კი, გთავაზობთ ექიმი-კოსმეტოლოგის თინა რევაზიშვილის რჩევებს, სახის კანის მოსავლელად.
- ზამთარში, მშრალი კანი, სიცივიდან სითბოში მოხვედრისას, კარგავს ტემპერატურას და უფრო მეტად შრება, რაც კანის გამოშრობასთან ერთად ზოგჯერ, ქავილსაც იწვევს. ამიტომ, მას სჭირდება დატენიანება, ოღონდ სწორად, რადგან ზოგი დამატენიანებელს ისვამს და ასე გადის ქუჩაში, რაც შეცდომაა. ქუჩაში გასვლამდე, 30-60 წუთით ადრე წაისვით მკვებავი და შემდეგ გადაისვით ტონალური. რაც შეეხება დატენიანებას ეს შეგიძლიათ სახლის პირობებშიც გააკეთოთ, მაგალითად, ნუშის, ან ავოკადოს ზეთებით. ასევე, ძალზე სასარგებლოა, ყურძნის წიპწის ზეთი, ოღონდ არ უნდა დაგვავიწყდეს, რომ ყველა კანი არის ინდივიდუალური და შესაბამისი მოვლა სჭირდება. გასათვალისწინებელია, რომ ზოგი ადამიანი გარკვეულ პროდუქტზე ალერგიულია.
ზამთარში და არა მხოლოდ უნდა გვახსოვდეს, რომ არ შეიძლება სახის კანის დაბანა ძალიან ცხელი ან ძალიან ცივი წყლით, რაც აუხეშებს და აშრობს კანს. ასევე, მოერიდეთ, სპირტიან ლოსიონებს (განსაკუთრებით მშრალი და კომბინირებული კანის მქონეები), გამწმენდს, მაკიაჟის მოსაშორებელ სითხეს. სასურველია, სახე გაიწმინდოთ, ნელ-თბილ წყალში გარეული რძით. ხელის ნელი მოძრაობით დაიმუშავეთ სახე, რადგან ზამთრის ცივი კლიმატის დროს კანი უფრო მგრძნობიარე ხდება. ასევე ძალიან კარგია, ღამე, გახეხილ ვაშლისა და ცხიმიანი არაჟნის ნიღაბი, გაიჩარეთ სახეზე 10-15 წუთი და თბილი წყლით ჩამოიბანოთ. რის შემდეგაც, სასურველია მკვებავი, თუ არა, ნუშის ან ავოკადოს ზეთი.
თუკი, შეძლებენ კოსმეტიკურ კაბინეტში ვიზიტს, ძალზე სასარგებლოა, ასევე მკვებავი და სხვადასხვა დანიშნულების მქონე "ლედ ნიღაბი", მეზოთერაპია, სადაც ექიმი კოსმეტოლოგი თავად გადაწყვეტს, რომელი საჭირო ვიტამინებით გააცოცხლოს ადამიანის კანი. ასევე სახის მასაჟი კვირაში ორჯერ, რომელთანაც ერთადაც სასურველია სხვა გამაჯანსაღებელი პროცედურები, მათ შორის "ოქროს ნიღაბი"... როდესაც მშრალი კანზე ვსაუბრობ, არ უნდა დაგვავიწყდეს, რომ სიცივიდან მაღალ ტემპერატურაში მოხვედრის შემთხვევაში, ცხიმინი კანიც ზიანდება.
ზამთარში დაბალი ტემპერატურა ცუდად აისახება ცხიმიან კანზე, სახლიდან გასვლამდე, ტონალურის კრემის ქვეშ უნდა წაისვათ დამცავი, რათა სიცივეში გახსნილი ფორების დროს არ დაზიანდეს კანი და არ გაჩნდეს აკნე-გამონაყარი.
- პირბადის ხშირი ტარება აღიზიანებს სახის კანს. რას გვირჩევთ გართულებების თავიდან ასარიდებლად?
- დიახ, ეს სერიოზული პრობლემაა კანისთვის, მაგრამ ვითარების გათვალისწინებით, აუცილებელია მისი ტარება, ამიტომ გამოსავალი ერთად უნდა ვიპოვოთ. ხშირად შემომჩივიან, რომ პირბადემ გაუღიზიანა კანი - უნდა გვახსოვდეს, რომ ის აუცილებლად უნდა შეცვალოთ 2-3 საათში ერთხელ, რადგან ნახშირორჟანგი, რომელსაც ადამიანი ამოისუნთქავს, "ტრიალებს" პირბადესა და სახის კანს შორის და მწვავედ აისახება მასზე, ეს განსაკუთრებით ეხება მშრალ კანს, ის ბევრად მალე აუხეშებს მას, ვიდრე კომბინირებულ ან ცხიმიანს.
ასევე, ოქროს წესივით უნდა გვახსოვდეს, რომ წელიწადის ნებისმიერ მონაკვეთში, აუცილებელია, ზომიერად მიიღოთ მზე, D ვიტამინის გარეშე, მხოლოდ კრემებით ან სხვა სახის ხელოვნური ჩარევით, ბუნებრივად ჯანსაღ ფერს ვერასდროს მივიღებთ. ამიტომ, ახლა, როგორც კი, შედარებით მშვიდ და თავისუფალ სივრცეში მოხვდებით, მოიხსენით პირბადე და სახე თუნდაც რამდენიმე წუთით მზეს აჩვენეთ.
- რას იტყვით კოსმეტიკურ საპნებზე?
- ნელ-თბილი წყლით დაბანა ვახსენეთ, რაც აუცილებელია პირობაა, მაგრამ კანის ტიპიდან გამომდინარე, სწორად უნდა შევარჩიოთ საპონი. მაგალითად, ვარდისფერი კოსმეტიკური საპონი შეიცავს მშრალი კანისთვის საჭირო ინგრედიენტებს; შავი კი, გოგირდისა და ნახშირის შემცველია, რაც ძალიან უხდება ცხიმიან კანს და ბაქტერიებს ძალიან კარგად უსწორდება. აკნე- გამონაყრის შემთხვევაში, სასურველია, 2-3 წუთი დატოვოთ სახეზე და შემდეგ ჩამოიბანოთ.
- ალბათ მნიშვნელოვანია ჯანსაღი კვებაც...
- დიახ, სწორი კვება და მოწესრიგებული ძილი... ზოგადად, კოსმეტოლოგები ვამბობთ - ადამიანი როგორც იკვებება, ისეთი კანი აქვს. აუცილებელია ვიტამინები, ოღონდ, სასურველია, ეს იყოს ჯანსაღი, ბუნებრივი საკვებისგან მიღებული ვიტამინები, ბოსტნეული, ხილი, წვენი და რაც მთავარია, წყალი, წყალი და კიდევ ერთხელ წყალი, რომელსაც ვერც გაზიანი და მინერალური სასმელი ანაცვლებს, ვერც ნატურალური წვენი და ყავა-ჩაი... სასურველია, დღეში 2 ლიტრამდე წყლის მიღება, სხვა შემთხვევაში, ვეღარც კვებას ექნება ისეთი ეფექტი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
