მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ივანიშვილს, ამ სამარცხვინო ლიდერს ელის ქარიშხალი" - რა მოვლენებს აანონსებს გიგა ბოკერია
19:47 / 23-11-2020
ხელისუფლებას, ივანიშვილს, ამ სამარცხვინო ლიდერს ელის ქარიშხალი, რომელიც თვითონ მოიმკეს, საკუთარი უტიფარი პოლიტიკით, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ „პალიტრანიუსის“ გადაცემა „დღის ნიუსრუმში“ განაცხადა.
როგორც მან აღნიშნა, შესაძლოა, ეს ყველაფერი ქვეყანასაც ძვირი დაუჯდეს.
„საქართველო იმ გზაზე არ დგას, სადაც ის ქვეყნები აღმოჩნდნენ, რომლებმაც ეს ამბავი დათმეს, გაატარეს ეს ფაზა, რომ არჩევნებს მნიშვნელობა არ აქვს. ამას საზოგადოება არ და ვერ შეეგუება და წინ ამ ხალხს - ხელისუფლებას, ივანიშვილს ამ სამარცხვინო ლიდერს ელის ქარიშხალი, რომელიც თვითონ მოიმკეს საკუთარი უტიფარი პოლიტიკით. ყველაფერს თავისი დრო აქვს, ზოგჯერ, რეაგირება დროში იწელება, მაგრამ ძალიან ძვირი ფასის გადახდა მოუწევს ქვეყანას, სამწუხაროდ, მათი პოლიტიკის შედეგებიდან გამომდინარე ეკონომიკასა და ჯანდაცვაში.
არავის უნდა არეულობა, არც რაიმე რისკები, ეს ხალხის ნორმალური ინსტიქტია. ოღონდ, რაღაც ზღვარს იქით ეს მთავრდება ხოლმე და ძალიან გაუჭირდებათ. იმ ქარიშხალმა, რომელიც ლეგიტიმურ ბრაზს მოაქვს ხოლმე, შეიძლება, ქვეყნისთვის ძალიან სახიფათოდ წალეკოს ეს ხელისუფლება. როცა ინსტიტუტების მიმართ ნდობა საერთოდ ქრება, მაშინ, ვინც მთავრობაშია, მათთვის რისკები ერთი ათასად იზრდება. ამ კაცს, რომელსაც უნდა, რომ ღმერთივით ღრუბლებში იყოს, პასუხს არაფერზე აგებდეს და ასე მართოს, ძალიან გაუჭირდება ამ ვითარებაში. ეს ძალიან სარისკოა მისთვის და სამწუხაროდ, ქვეყნისთვის. მას ეს უნდა ესმოდეს და ჩვენი ვალია, ეს გავაგებინოთ ქვეყნის შიგნით და ქვეყნის გარეთ წნეხით. არ არის ყველაფერი ჩვენს ხელში, ოღონდ ჩვენი ვალია ეს ბოლომდე ვცადოთ“, - განაცხადა ბოკერიამ.
მისივე თქმით, ერთადერთი გზა ახალი არჩევნების დანიშვნაა. როგორც ბოკერია ამბობს, ორი სახიფათო სცენარი არსებობს, რომელიც ქვეყანამ თავიდან უნდა აიცილოს.
„თუ ახალ არჩევნებს დანიშნავს, მაშინ ამ კრიზისს განმუხტავს და ეს არის ერთადერთი დემოკრატიული, აპრობირებული გზა დალაგებულ ქვეყნებშიც კი, თუ ვერ გაიგებს, მაშინ მიდის იმ რისკზე რომ წალეკილ იქნეს, ოღონდ ეს ქვეყნისთვისაც რისკია, არ მინდა ეს ვინმემ ისე გაიგოს, თითქოს გარანტირებული გვაქვს რაიმე.
ორი სცენარია, რომლის თავიდან აცილებაც გვინდა: იანუკოვიჩის სცენარი, როცა ქვეყანას დასჭირდა მსხვერპლი თავისუფლების დასაცავად, ოღონდ ტრაგიკული იყო ეს იანუკოვიჩისთვის და ტრაგიკული იყო მსხვერპლი, ოღონდ გმირული შედეგით დასრულდა, ეს კარგი კი არ არის, ეს გვინდა, რომ თავიდან ავიცილოთ; მეორე სცენარი - ლუკაშენკოს გზა, რამდენი წელი დაკარგა ამ ქვეყანამ, რამხელა მსხვერპლი მიიღო და ახლაც არ დასრულებულა ეს ბრძოლა წარმატებით, რადგან თავის დროზე გაეპარა ამ საზოგადოებას (სრული პატივისცემით ამ საზოგადოების მიმართ) ეს მომენტი, რომ დიქტატორი „მოაჯდა“, გაიტანა თავისი და გატეხა ნება. ამიტომ პრაგმატულად და მორალურად ჩვენი ვალი და ჩვენი ინტერესია, ყველა მოქალაქის პოლიტიკური ინტერესების მიუხედავად, ვისაც აწუხებს შიმშილი, უმუშევრობა, რომ ახლა ამის გატარება არ შეიძლება, ეს თუ გაუტარე უფრო დიდ ფასს გადაიხდი ბევრად “, - განაცხადა ბოკერიამ.
მისი თქმით, იმ ძალას, რომელმაც ქვეყანაში კრიზისული ვითარება შექმნა, ოპოზიციის შანტაჟის შესაძლებლობა არ ექნება. როგორც ბოკერიამ აღნიშნა, მმართველ ძალაში, ერთი მხრივ, ამბობენ, რომ ოპოზიცია უნდა განადგურდეს და მეორე მხრივ, საერთაშორისო პიარისთვის, მათ პარლამენტში შესვლისკენ მოუწოდებენ.
„შექმნილია ძალიან სახიფათო ვითარება, რომლიდანაც ქვეყანა უნდა გამოვიდეს მაქსიმალურად ნაკლები ზიანით, ოღონდ არა ისე, რომ ჩვენ გვაშანტაჟოს იმან, ვინც ეს ვითარება შექმნა და გვითხრას, რომ ნუ გამიწევთ წინააღმდეგობასო. ეს არ გაუვა ნამდვილად! რიტორიკას დააკვირდით - თან ეძახიან ოპოზიციას, რომ უნდა განადგურდეს, მეორე მხრივ, საერთაშორისო პიარისა და მოსახლეობის ნაწილისთვის, გზაკვალის ასაბნევად, ამბობენ, რომ შევიდეს ოპოზიცია პარლამენტში, ქვეყანას როცა უჭირს, როგორ შეიძლება დაძაბულობაო. კარგი ფილმია „მარსი გვიტევს“, სადაც ჩამოდიან უცხოპლანეტელები და რუპორებით იძახიან, ჩვენ მშვიდობით ჩამოვედითო, ოღონდ მეორე ხელით ესვრიან ხალხს. ამას მაგონებს ხოლმე ეს უტიფარი ხელისუფლება. მარსიანელები სასაცილოები არიან, ესენი სასაცილოებიც ვეღარ არიან“, - განაცხადა ბოკერიამ.
მისივე თქმით, ვისაც ქვეყანაში უმრავლესობის მხარდაჭერა არ აქვს, არ შეიძლება იყოს მთავრობაში. როგორც ბოკერიამ განმარტა, ეს სტანდარტი ვარდების რევოლუციამ და შემდეგ 2012 წლის არჩევნებმა დაამკვიდრა და ახლა ივანიშვილს ამ მონაპოვრის წართმევა სურს ქვეყნისთვის.
„ჩემთვის მათი სახე ერთია - ივანიშვილი და მისი პოლიტიკური არარაობებისა და „კლოუნების“ გარემოცვა, ზოგი მათგანი კიდევ უფრო უტიფარია - კობახიძე, წულუკიანი, ღარიბაშვილი ახლა დაწინაურდა, რომ თქვა, კარგია ერთპარტიული პარლამენტიო. ასეთი სტრატეგიული სიღრმის თეორია აქვთ, რომ კიდევ უფრო სამარცხვინოები უნდა ჰყავდეთ, რომ იქნებ მერე ნაკლებად სამარცხვინოები შედარებით ნორმალურად გამოჩნდნენ, ასეთი გეგმაა, როგორც ჩანს, მაგრამ დიდი განსხვავება მათ შორის არ არის. აქ მთავარი საკითხია, რომ ამ ქვეყანაში, ვისაც უმრავლესობის მხარდაჭერა არ აქვს, არ შეიძლება, რომ იყოს მთავრობაში. ეს სტანდარტი დაადგინა ჯერ ვარდების რევოლუციამ მშვიდობიანად და შემდეგ, 2012 წლის არჩევნებმა, როცა ეს ხელისუფლება მოვიდა და ახლა ეს კაცი ცდილობს, რომ ეს წაართვას ქვეყანას და ეს დაგვიჯდება ძალიან ძვირი ფასი ყველაფერში და ეს არ უნდა დავუშვათ,“- განაცხადა ბოკერიამ.
00:00 / 00:00
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგად მახსოვს ბოკერიას რომ ეცოტავებოდა, როდესაც სააკაშვილის დროს ოპოზიციამ ორასიათასი კაცი რომ გამოიყვანა მიტინგზე.
ისე მაინტერესებს, თავს ისევ აქაცუნებს თუ არა.
წარმატებები ბატონ გიგა ბოკერიას. ის ნამდვილად ქვეყნის საამაყო პიროვნებაა, მას ნამდვილად აქვს უნარი და შესაძლებლობა დემოკრატიულად, გონივრულად და სამართლიანად მართოს ქვეყნა. ის ერთ-ერთი გამორჩეულად განათლებული ლიდერია ქვეყანაში და იცის სად, რა, როდის უნდა მოიმოქმედოს ან თქვას.