27
მარტიდღის ზოგადი ასტროლოგიური პროგნოზი
საქართველოს ფეხბურთის ფედერაციასთან აქციაზე მომხდარი დაპირისპირების დროს ერთი პირი დაშავდა.
სამოქალაქო აქტივისტების განცხადებით, საქართველოში შერჩევითი სამართალია, რომელიც მაღალჩინოსნებს vip ტრიბუნიდან მატჩის ყურების საშუალებას აძლევს, მაშინ, როდესაც მოედნის გარეთ მყოფ ქომაგებს ხელისუფლების მიერ დაწესებული შეზღუდვის დარღვევისთვის 2000 ლარით აჯარიმებენ.
აქციის მონაწილეებმა ფეხბურთის ფედერაციაში ჯორჯ ორუელის „ცხოველების ფერმა“ მიიტანეს. აქციის მონაწილეების ინფორმაციით, სიმბოლური „საჩუქრის“ ფედერაციაში დატოვების მცდელობას ფედერაციის წარმომადგენლებსა და აქტივისტებს შორის ფიზიკური დაპირისპირება მოჰყვა, რომლის შედეგადაც ერთ-ერთი აქტივისტი გიორგი კუპატაძე დაშავდა.
როგორც ერთ-ერთი აქტივისტი აცხადებს, განსაკუთრებული აგრესიით გამოირჩეოდა ორი პირი: ზურაბ ცქიტიშვილი და ლაშა სალუქვაძე.
„ისინი იყვნენ ამ დარბევის ორგანიზატორები და დაიწყეს ჩვენზე ძალადობა. შემდეგ მათ აყვნენ ფედერაციის თანამშრომლები. 10-12 კაცი იყო და გამატებით გვცემდნენ. ჩვენ შეურაცხყოფა არ მიგვიყენებია. მინდოდა, რომ ფედერაციაში შევსულიყავი და ბატონი კობიაშვილისთვის წიგნი გადამეცა, რაზეც განმიცხადეს, რომ კანცელარია დაკეტილია და ზოგადად ფედერაცია არ მუშაობს. ამ დროს თვითონ გამოვიდნენ ფედერაციიდან და ვკითხეთ ისინი რატომ იმყოფებოდნენ იქ, თუ ფედერაცია არ მუშაობს. ამ შეკამათების მერე ცქიტიშვილი იყო პირველი, ვინც ხელი დაარტყა ერთ-ერთ აქტივისტს. შემდეგ დაიწყო დარბევა“, - განაცხადა ერთ-ერთმა აქტივისტმა.
ადგილზე იმყოფებოდნენ სამართალდამცავები.
ცნობისთვის, აქტივისტების პროტესტი იმან გამოიწვია, რომ საქართველო-ჩრდილოეთ მაკედონიის გუშინდელ საფეხბურთო მატჩზე გულშემატკივრებს დასწრების საშუალება არ მისცეს, თუმცა, მატჩს მმართველი გუნდის წევრები დაესწრნენ.
შეგახსენებთ, რომ საქართველოს ნაკრები ჩრდილოეთ მაკედონიასთან ანგარიშით 0:1 დამარცხდა. შედეგად, ჩრდილოეთ მაკედონიამ ევროპის ჩემპიონატის საგზური მოიპოვა.
...პროვოკატორები!!!
უეჭველად ოპოზიციამ მიიყვანა ხელისუფლების წევრები და დასვა ტრიბუნებზე,,თორემ ესენი თავისით (ხომ არ მივიდოდნენ),როცა ქვეყანაში ასეთი შეზღუდვებია,,არა....