მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არსებობს თუ არა შანსი იმისა, რომ "ქართული ოცნება" უმრავლესობის გარეშე დარჩეს?
15:21 / 02-11-2020
ცესკოს მიერ გამოქვეყნებული ყველა უბნის წინასწარი მონაცემების მიხედვით, "ქართულ ოცნებას“ ახალი მოწვევის პარლამენტში ამ დროისთვის 75 მანდატი აქვს, უმრავლესობის მოსაპოვებლად კი საკანონმდებლო ორგანოში მინიმუმ 76 წევრის შეყვანაა საჭირო.
75 მანდატიდან 61 პროპორციული სიით მოპოვებული მანდატებია, 14 კი მაჟორიტარული ოლქებიდან, სადაც მმართველი გუნდის კანდიდატმა პირველივე ტურში გაიმარჯვა. ცნობილია, რომ საქართველოში არსებული 30 მაჟორიტარული ოლქიდან 16 - ში არჩევნების მეორე ტური გაიმართება. სწორედ მეორე ტურები გადაწყვეტს, ეყოლება თუ არა "ქართული ოცნებას“ უმრავლესობისთვის საჭირო 76 დეპუტატი.
დღევანდელი ვითარებით, როდესაც ის ოპოზიციური პარტიები, რომელთაც 1%-იანი საარჩევნო ბარიერი დაძლიეს, აცხადებენ, რომ უარს იტყვიან მანდატებზე და ასევე არ მიიღებენ მათი კანდიდატები მეორე ტურში მონაწიელობას, სავარაუდოდ, "ქართული ოცნება“ ამ 16-ვე ოლქს ადვილად მოიგებს. ასეთ შემთხვევაში "ჩამკეტი მქენიზმის“ გამო, მას პროპორციული მანდატებიდან ერთი მანდატის მოკლება მოუწევს და მისი დეპუტაცია საკანონმდებლო ორგანოში 90-კაციანი იქნება.
- შეგახსენებთ, “ჩამკეტი მექანიზმის“ მიხედვით, მანდატების საერთო რაოდენობაში, პარტიის მიერ პროპორციული და მაჟორიტარული სისტემით მიღებული მანდატების პროცენტული წილი, ამავე პარტიის მიერ პროპორციული სისტემით მიღებული ხმების პროცენტული მაჩვენებლისა და ამ მაჩვენებლის ერთი მეოთხედის ჯამს არ უნდა აღემატებოდეს.
კონსტიტუციითა და საარჩევნო კანონმდებლობით განსაზღვრული ეს ფორმულა კი იმას ნიშნავს, რომ თუკი არჩევნების საბოლოო შედეგით, “ქართული ოცნების“ 48.15% (61 პროპორციული მანდატი) არ შეიცვალა და ამავდროულად, სახელისუფლებო პარტიამ 30-ვე მაჟორიტარული ოლქი მოიგო, პარლამენტში 91-ის ნაცვლად, 90 დეპუტატით იქნება წარმოდგენილი. მანდატი მას პროპორციული საარჩევნო სიიდან ჩამოაკლდება.
რაც შეეხება ჩამოკლებულ მანდატს, მას სხვა უკეთესი შედეგის მქონე პოლიტიკური სუბიექტი მიიღებს. ასეთი კი “ნაციონალური მოძრაობაა“.
თუმცა თუ ოპოზიციის კანდიდატები მიიღებენ მონაწილეობას, თეორიულად ჯერ კიდევ არსებობს შანსი, რომ ყველა ოლქის წაგების შემთხვევაში, "ქართული ოცნება“ უმრავლესობის გარეშე დარჩეს, თუმცა ეს მხოლოდ თეორიული ვარაუდია.
აღსანიშნავია, რომ ოპოზიციის მიერ მაჟორიტარული არჩევნების მეორე ტურში მონაწილეობაზე უარის თქმის შემთხვევაშიც, მათი კანდიდატები არჩევნებიდან არ მოიხსნებიან და ამომრჩეველს მათ სასარგებლოდ გადაწყვეტილების მიღება შეეძლება. საარჩევნო კანონმდებლობის გათვალისწინებით, პარლამენტის წევრობის კანდიდატს, მის წარმდგენ პარტიას თუ საარჩევნო ბლოკს უფლება აქვს, ნებისმიერ დროს, მაგრამ კენჭისყრამდე არაუგვიანეს 12 დღისა, უარი თქვას არჩევნებში მონაწილეობაზე ან წარდგენილ კანდიდატზე, თუმცა აღნიშნული წესი არჩევნების მეორე ტურზე არ ვრცელდება.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ყველაზე დიდ სისულელედ მიმაჩნია მანდატებზე უარის თქმა.
მიაწქით, რომ როგორმე სამართლიანი არჩევნების დათვლილი შედეგები "გააპრავოთ' ანუ 45% თუ დაეწერება ოცნებას, მერე მაჯორიტარებიდანაც იქნებ მაქსიმუმი ამოიღოთ 1-2 კაცი ოცნებასაც დააკლდება და მერე მართლა შეიძლება ვადამდელზე საუბარი.
მე უნდა გასწავლოთ ყველაფერი ტფუი..
ვინც მაგათ ხმა მისცა ისე იქცევიან მეორე ტურში აღარ მოსცემს ხმას